ಕಮಿಷನರ್​ಗೆ ಮನವಿ ಕೊಟ್ರೂ ಪ್ರಯೋಜನವಾಗ್ಲಿಲ್ಲ... ಸ್ವಂತ ಹಣದಲ್ಲಿ ಬೀದಿ ದೀಪ ಅಳವಡಿಸಿದ ನಗರಸಭಾ ಸದಸ್ಯ

ಬೀದಿ ದೀಪಗಳನ್ನು ಅಳವಡಿಸುವಂತೆ ಹತ್ತಾರು ಬಾರಿ ನಗರಸಭೆಯ ಕಮೀಷನರ್​ಗೆ ಮನವಿ ಮಾಡಿದರೂ ಪ್ರಯೋಜನವಾಗದ್ದರಿಂದ ಬೇಸತ್ತ ನಗರಸಭಾ ಸದಸ್ಯರೊಬ್ಬರು ಪ್ರತಿಭಟನೆಯ ಸಂಕೇತವಾಗಿ ಸ್ವಂತ ಹಣದಲ್ಲಿ ವಾರ್ಡ್​ನಲ್ಲಿ ಬೀದಿ ದೀಪ ಅಳವಡಿಸಿದ್ದಾರೆ.

ಗಂಗಾವತಿ: ಬೀದಿ ದೀಪಗಳನ್ನು ಅಳವಡಿಸುವಂತೆ ಹತ್ತಾರು ಬಾರಿ ನಗರಸಭೆಯ ಕಮಿಷನರ್​ಗೆ ಮನವಿ ಮಾಡಿದರೂ ಪ್ರಯೋಜನವಾಗದ್ದರಿಂದ ಬೇಸತ್ತ ನಗರಸಭಾ ಸದಸ್ಯರೊಬ್ಬರು ಪ್ರತಿಭಟನೆಯ ಸಂಕೇತವಾಗಿ ಸ್ವಂತ ಹಣದಲ್ಲಿ ವಾರ್ಡ್​ನಲ್ಲಿ ಬೀದಿ ದೀಪ ಅಳವಡಿಸಿದ್ದಾರೆ.

ನಗರದ 19ನೇ ವಾರ್ಡಿನ ಸದಸ್ಯ ಅಜಯ್ ಬಿಚ್ಚಾಲಿ, ಸುಮಾರು 30 ಸಾವಿರ ಸ್ವಂತ ಹಣ ವ್ಯಯಿಸಿ ಬೀದಿ ದೀಪಗಳನ್ನು ಅಳವಡಿಸಿದ್ದಾರೆ. ಇದೀಗ ಈ ಯುವಕನ ಕಾರ್ಯ ಸಾರ್ವಜನಿಕರಲ್ಲಿ ಪ್ರಶಂಸೆಗೆ ಪಾತ್ರವಾಗಿದೆ.

ವಾರ್ಡ್​ನ ಬಹುತೇಕ ಪ್ರದೇಶ ಕೊಳಗೆರೆಯಾಗಿದೆ. ಸಂಜೆ ಮತ್ತು ರಾತ್ರಿ ಹೊತ್ತಲ್ಲಿ ಜನ ಮತ್ತು ಮಕ್ಕಳ ಓಡಾಟಕ್ಕೆ ತೊಂದರೆಯಾಗಬಾರದು ಎಂಬ ಕಾರಣಕ್ಕೆ ನಗರ ಸಭೆಗೆ ಮನವಿ ಸಲಿಸಿ, ಬೇಸತ್ತು ಸ್ವಂತ ಹಣ ವ್ಯಯಿಸಿದ್ದೇನೆ ಎಂದು ಅಜಯ್ ಬಿಚ್ಚಾಲಿ ಹೇಳಿದ್ದಾರೆ.