ಗದಗ: ಕೊರೊನಾ ವೈರಸ್ ಭೀತಿ ಹಿನ್ನೆಲೆ ಭಾರತವೇ ಲಾಕಡೌನ್ ಆಗಿದೆ. ಆದ್ರೆ ನಮ್ಮ ಜನರು ಇದ್ಯಾವುದಕ್ಕೂ ಕೇರ್ ಮಾಡದೇ, ಗುಂಪು ಸೇರಿಕೊಂಡು ಜಿಲ್ಲೆಯ ಲಕ್ಕುಂಡಿ ಗ್ರಾಮದಲ್ಲಿ ಇಸ್ಪೀಟ್ ಆಟವಾಡುತ್ತಿದ್ದಾರೆ.
ಈ ವೇಳೆ, ಗದಗ ಪೊಲೀಸರು ಇಸ್ಪೀಟ್ ಆಡುತ್ತಿದ್ದ ತಂಡವೊಂದರ ಮೇಲೆ ದಾಳಿ ಮಾಡಿ ಹಲವರನ್ನು ಬಂಧಿಸಿದ್ದಾರೆ. ಗದಗ ಗ್ರಾಮೀಣ ಠಾಣೆಯ ಪೊಲೀಸರು ಲಕ್ಕುಂಡಿ ಹೊರವಲಯದ ಹೊಲದಲ್ಲಿನ ಜೂಜು ಅಡ್ಡೆಯ ಮೇಲೆ ದಾಳಿ ನಡೆಸಿ, ಇಬ್ಬರು ಗ್ರಾಪಂ ಸದಸ್ಯರು ಸೇರಿ 9 ಜನರನ್ನು ಬಂಧಿಸಿದ್ದಾರೆ. ಜೊತೆಗೆ 22 ಸಾವಿರ ರೂ. ವಶಪಡಿಸಿಕೊಂಡಿದ್ದಾರೆ.
ಗ್ರಾಮ ಪಂಚಾಯಿತಿ ಸದಸ್ಯರಾದ ಮಹ್ಮದ್ ರಫೀಕ್, ಮಹಾಂತೇಶ್ ಮೆಣಸಿನಕಾಯಿ. ಶಿವರಾಜ್‌ ಬಡಿಗೇರ್, ಪ್ರಕಾಶ ಹನವಾಳ, ಸುರೇಶ ಬಟ್ಟೂರು ಮುಂತಾದವರು ಆಟ ಆಡುತ್ತಿದ್ದರು.
