ಅಮಾಯಕರ ಮೇಲೆ ಅರಣ್ಯ ಇಲಾಖೆ ಅಧಿಕಾರಿಗಳಿಂದ ದೌರ್ಜನ್ಯ ಆರೋಪ: ಪ್ರತಿಭಟನೆ

ಅಳ್ನಾವರ ತಾಲೂಕಿನ ದೂಪೆನಟ್ಟಿ ಗ್ರಾಮದಲ್ಲಿ ಬೆಳಗ್ಗೆ ನಾಲ್ಕು ಗಂಟೆಯ ಸಮಯದಲ್ಲಿ ಮನೆಯಲ್ಲಿ ‌ಮಲಗಿದ್ದ ಅಮಾಯಕ ರೈತ ಮಹಿಳೆಯರ ಹಾಗೂ ಮಕ್ಕಳ‌ ಮೇಲೆ ದೌರ್ಜನ್ಯ ನಡೆಸಿ, ಮಹಿಳೆಯರ ತಾಳಿ ಕಿತ್ತುಕೊಂಡು ಅವಾಚ್ಯ ಶಬ್ದಗಳಿಂದ ಬೈದಿದ್ದಾರೆ. ಅಲ್ಲದೇ ಗ್ರಾಮದ ಅಮಾಯಕರನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಎಳೆದೊಯ್ದಿದ್ದಾರೆ ಎಂದು ದೂರಿದರು.

ಧಾರವಾಡ: ಬಗರ್​ಹುಕುಂ‌ ಸಾಗುವಳಿ ಮಾಡಿದ ರೈತರನ್ನು ಅಧಿಕಾರಿಗಳು ಒಕ್ಕಲೆಬ್ಬಿಸುತ್ತಿದ್ದಾರೆ ಎಂದು ಆರೋಪಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯಿಂದ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿ ಜಿಲ್ಲಾಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಲಾಯಿತು.

ಅಳ್ನಾವರ ತಾಲೂಕಿನ ದೂಪೆನಟ್ಟಿ ಗ್ರಾಮದಲ್ಲಿ ಬೆಳಗ್ಗೆ ನಾಲ್ಕು ಗಂಟೆಯ ಸಮಯದಲ್ಲಿ ಮನೆಯಲ್ಲಿ ‌ಮಲಗಿದ್ದ ಅಮಾಯಕ ರೈತ ಮಹಿಳೆಯರ ಹಾಗೂ ಮಕ್ಕಳ‌ ಮೇಲೆ ದೌರ್ಜನ್ಯ ನಡೆಸಿ, ಮಹಿಳೆಯರು ತಾಳಿ ಕಿತ್ತುಕೊಂಡಿದ್ದಲ್ಲದೇ, ಅವಾಚ್ಯ ಶಬ್ದಗಳಿಂದ ಬೈದಿದ್ದಾರೆ. ಅಲ್ಲದೇ ಗ್ರಾಮದ ಅಮಾಯಕರನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಎಳೆದೊಯ್ದಿದ್ದಾರೆ ಎಂದು ದೂರಿದರು. ಹೆಣ್ಣು ಮಕ್ಕಳ ಮೇಲೆ ದೌರ್ಜನ್ಯ ಹಾಗೂ ಅನಾಚಾರ ಎಸಗಿರುವ ಇಲಾಖೆಯ ಎಂ ಡಿ ಲಮಾಣಿ, ಎಚ್.ಎಸ್. ಹಿರೇಮಠ ಸಿಬ್ಬಂದಿ ಹಾಗೂ ಡಿ.ಎಫ್‌.ಒ ಸ್ಥಳದಲ್ಲಿ ಬಂದು ಕ್ಷಮೆ ಕೇಳಿ ತಾಳಿ ವಾಪಸ್​​ ಕೊಡಬೇಕು. ಸರ್ಕಾರದ ಲಾಕ್​ಡೌನ್​​ ಆದೇಶಗಳನ್ನು ಮೀರಿದ ಅಧಿಕಾರಿಗಳನ್ನು ಸೇವೆಯಿಂದ ವಜಾಗೊಳಿಸಬೇಕು‌. ರೈತರು ಉಳುಮೆ ಮಾಡಿದ ಜಮೀನಿಗೆ ಈಗಿನಿಂದಲೇ ಪಹಣಿ ನೀಡಬೇಕು ಎಂದು ಆಗ್ರಹಿಸಿದರು.