ಮಂಗಳೂರು: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ(ಎಸ್ಬಿಐ)ದ ಮಂಗಳೂರು ಪೋರ್ಟ್ ರೋಡ್ ಶಾಖೆಗೆ ಸೇರಿದ ವಿವಿಧ ಎಟಿಎಂಗಳಲ್ಲಿ ಹಣ ಬಂದಿಲ್ಲ ಎಂಬ ಕಾರಣ ನೀಡಿ ಆನ್ಲೈನ್ ಕ್ಲೈಮ್ಗೆ ಬಂದ ಅರ್ಜಿ ಪರಿಶೀಲನೆ ವೇಳೆ ಆರೋಪಿಯ ಖತರ್ನಾಕ್ ಐಡಿಯಾ ಬೆಳಕಿಗೆ ಬಂದಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಬ್ಯಾಂಕಿಗೆ ಸಂಬಂಧಪಟ್ಟ ಮೋರ್ಗನ್ಸ್ ಗೇಟ್, ಮಂಗಳಾದೇವಿ, ಕೊಟ್ಟಾರ್, ಬಂಟ್ಸ್ ಹಾಸ್ಟೆಲ್, ಕಾರ್ ಸ್ಟ್ರೀಟ್, ಲಾಲ್ ಬಾಗ್, ಎಂಪೈರ್ ಮಾಲ್ ಕಡೆಗಳಲ್ಲಿರುವ ಎಟಿಎಂನಿಂದ ಹಣ ವಿತ್ಡ್ರಾ ಸಮಯ ಹಣ ಬಂದಿರಲಿಲ್ಲ ಎಂಬ ಕಾರಣದಿಂದ ಆನ್ಲೈನ್ ಕ್ಲೈಮ್ ಬಗ್ಗೆ ಅರ್ಜಿಗಳು ಬಂದಿತ್ತು.
ಈ ಹಿನ್ನೆಲೆಯಲ್ಲಿ ಬ್ಯಾಂಕ್ ಮ್ಯಾನೇಜರ್ ಅವರು ಬ್ಯಾಂಕಿನ ಎಟಿಎಂಗಳ ಸಿಸಿಟಿವಿ ಪರಿಶೀಲನೆ ಮಾಡಿದಾಗ ಓರ್ವ ವ್ಯಕ್ತಿ ಜನವರಿ 17 ಮತ್ತು ಜನವರಿ 18 ರಂದು ಎಟಿಎಂಗಳಲ್ಲಿ ಹಣ ವಿತ್ಡ್ರಾ ಮಾಡಿ ಹಣವನ್ನು ಸ್ವೀಕರಿಸುವುದು ಕಂಡುಬಂದಿದೆ. ಆದರೆ ಎಟಿಎಂನಿಂದ ಹಣ ಸ್ವೀಕರಿಸಿದ ವ್ಯಕ್ತಿಯು ಹಣ ಮಷಿನ್ನಿಂದ ಬರುವ ಸಮಯ ಯಾವುದೋ ಅನಧಿಕೃತ ವಸ್ತುವನ್ನು ಕ್ಯಾಶ್ ಡಿಸ್ಪೆನ್ಸರಿಗೆ ಹಾಕಿ ಟ್ರಾನ್ಸಾಕ್ಷನ್ ಫೇಲ್ಡ್ ಎಂದು ಬರುವಂತೆ ಮಾಡಿದ್ದಾನೆ. ರಶೀದಿಯಲ್ಲಿ ಟ್ರಾನ್ಸಾಕ್ಷನ್ ಫೇಲ್ಡ್ ಎಂದು ಬಂದಿದೆ ಎಂಬ ಕಾರಣ ನೀಡಿ ಆನ್ಲೈನ್ ಕ್ಲೈಂ ಬಗ್ಗೆ ದೂರು ನೀಡಿರುವುದು ಬೆಳಕಿಗೆ ಬಂದಿದೆ.
ಓದಿ: ವಿಶ್ವ ಕ್ಯಾನ್ಸರ್ ದಿನ 2021.. ಈ ವರ್ಷದ ಥೀಮ್ ಏನು ಗೊತ್ತಾ!?
ಈತ ಈ ರೀತಿ ಮಾಡಿ ಎಟಿಎಂನಿಂದ 2 ಲಕ್ಷದ 24 ಸಾವಿರ ಹಣವನ್ನು ಪಡೆದು ಬ್ಯಾಂಕಿಗೆ ಮೋಸ ಮಾಡಿದ್ದಾನೆ ಎಂದು ಬ್ಯಾಂಕ್ ಮ್ಯಾನೇಜರ್ ಮಂಗಳೂರು ಸೈಬರ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
