ಬೀದರ್: ಬ್ರಿಮ್ಸ್ ಆಸ್ಪತ್ರೆಯಲ್ಲಿ ಬೆಳಿಗ್ಗೆಯಿಂದ ಲಿಫ್ಟ್ ಕೆಟ್ಟು ಹೊಗಿ ರೋಗಿಗಳು ಪರದಾಡುವಂತಾಗಿದ್ದು ಹಾಲು ಬ್ರೇಡ್ ಸಪ್ಲೈಗೂ ಬ್ರೇಕ್ ಬಿದ್ದಿದೆ.
ಬೆಳಿಗ್ಗೆ 8 ಗಂಟೆಯಿಂದ ಆಸ್ಪತ್ರೆಯ ಎಲ್ಲಾ 8 ಲಿಫ್ಟ್ಗಳು ಏಕಕಾಲಕ್ಕೆ ಕೆಲಸ ಮಾಡುವುದನ್ನು ನಿಲ್ಲಿಸಿವೆ. ಇದರಿಂದಾಗಿ ನೆಲ ಮಹಡಿಯಿಂದ ಮೇಲೆ ಹೋಗಲು ರೋಗಿಗಳು ಸಾಹಸ ಪಡುವಂತಾಗಿದೆ.
ಲಿಫ್ಟ್ ಸ್ಥಗಿತಗೊಂಡಿರುವುದರಿಂದ ರೋಗಿಗಳು ಪರದಾಡುವಂತಾಗಿದೆ.
ಬಾಣಂತಿಯರು ಪುಟ್ಟ ಕಂದಮ್ಮಗಳನ್ನು ತಗೆದುಕೊಂಡು ಅಲೆದಾಡಿದರೆ, ಸಿಬ್ಬಂದಿ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಇಷ್ಟೇಲ್ಲಾ ಅವಾಂತರ ನಡೆದ್ರು ಬ್ರಿಮ್ಸ್ ಆಸ್ಪತ್ರೆ ಆಡಳಿತ ಮಂಡಳಿ ತಲೆ ಕೆಡಿಸಿಕೊಂಡಿಲ್ಲ.
ಕಳೆದ ತಿಂಗಳಷ್ಟೇ ಲಿಫ್ಟ್ನಲ್ಲಿ ಸಿಲುಕಿ ರೋಗಿಗಳು ಪರದಾಡಿದ್ದರು. ಇದೀಗ ಮತ್ತೆ ಲಿಫ್ಟ್ ಕಾರ್ಯಾಚರಣೆ ಸ್ಥಗಿತಗೊಳಿಸಿದೆ ಎಂದು ರೋಗಿಗಳು ಆಕ್ರೋಶ ಹೊರ ಹಾಕಿದ್ದಾರೆ.
