ಬೆಂಗಳೂರಿನಲ್ಲಿ ಲಾಕ್​ಡೌನ್​ ತೆರವು: ಯಥಾಸ್ಥಿತಿಗೆ ಮರಳಿದ ಜನಜೀವನ

ಬೆಂಗಳೂರಿನಲ್ಲಿ ಇಂದಿನಿಂದ ಲಾಕ್​ಡೌನ್​ ತೆರವಾಗಿದ್ದು, ವಾಹನಗಳು ರಸ್ತೆಗಿಳಿದಿವೆ. ಇನ್ನು ಜನಜೀವನ ಯಥಾಸ್ಥಿತಿಗೆ ಬಂದಿದೆ.

ಬೆಂಗಳೂರು: ಕೊರೊನಾ ಸೋಂಕು ನಿಯಂತ್ರಣಕ್ಕೆ ಎಂದು ಹೇರಲಾಗಿದ್ದ ಲಾಕ್​ಡೌನ್ ಇಂದು ಮುಂಜಾನೆ 5 ಗಂಟೆಯಿಂದ ತೆರವಾಗಿದ್ದು, ಎಂದಿನಂತೆ ವಾಹನಗಳು ರಸ್ತೆಗೆ ಇಳಿದಿವೆ‌.

ಕೇವಲ ಲಾಕ್​ಡೌನ್​ ಕೊರೊನಾ ತಡೆಗಟ್ಟಲು ಪರಿಹಾರವಲ್ಲ ಎಂದು ಮುಖ್ಯಮಂತ್ರಿ ಈಗಾಗಲೇ ಹೇಳಿಕೆ ನೀಡಿದ್ದಾರೆ. ಹೀಗಾಗಿ ಸದ್ಯ ದೈನಂದಿನ ಚಟುವಟಿಕೆಗಳಲ್ಲಿ ಜನರು ಬ್ಯುಸಿಯಾಗಿದ್ದಾರೆ. ಇನ್ನು ಟೋಲ್​ಗೇಟ್​ಗಳು ಸಹ ಓಪನ್​ ಆಗಿವೆ.

ಪ್ರಮುಖ ರಸ್ತೆಗಳಲ್ಲಿ, ಫ್ಲೈ ಓವರ್ ಬಳಿ ಲಾ ಅಂಡ್​​​​ ಟ್ರಾಫಿಕ್ ಪೊಲೀಸರು ಜಂಟಿಯಾಗಿ ಬ್ಯಾರಿಕೇಡ್ ಹಾಕಿದ್ದರು. ಸದ್ಯ ಅವುಗಳ ತೆರವು ಕಾರ್ಯಚರಣೆಯನ್ನ ಪೊಲೀಸರು ಮಾಡಿದ್ದಾರೆ. ಆದರೆ, ಕಂಟೇನ್​ಮೆಂಟ್​ ಝೋನ್​ಗಳಿಗೆ ಮಾತ್ರ ನಿರ್ಬಂಧ ಹೇರಲಾಗಿದೆ.