ಬೆಂಗಳೂರು: ನೈರುತ್ಯ ರೈಲ್ವೆ ವಿಭಾಗದಿಂದ ಹಲವೆಡೆ ಹೊರಡುವ ರೈಲು ಮಾರ್ಗ ರದ್ದಾಗಲಿದೆ. 5 ದಿನಗಳ ಕಾಲ ಹಲವು ಮಾರ್ಗದಲ್ಲಿ ರೈಲು ಸೇವೆ ಸಿಗುವುದು ಅನುಮಾನವಾಗಿದೆ. ಫೆಬ್ರವರಿ 12 ರಿಂದ 16ರವರೆಗೆ ವಿವಿಧ ಮಾರ್ಗಗಳಲ್ಲಿ ಕಾಮಗಾರಿಗಳು ನಡೆಯುತ್ತಿರುವುದರಿಂದ ಹಲವು ಮಾರ್ಗದಲ್ಲಿ ಬದಲಾವಣೆ ಹಾಗೂ ಇನ್ನು ಕೆಲ ಭಾಗಶಃ ಹಲವು ರೈಲು ರದ್ದಾಗಲಿದೆ. ಅಂದಹಾಗೆ ಮಾರಿಕಪ್ಪಂ ಮಾರ್ಗ ಸಂಪರ್ಕಿಸಲು, ವಿಸ್ತರಿಸುವ ಸಲುವಾಗಿ ರೈಲು ಸೇವೆಗಳಲ್ಲಿ ವ್ಯತ್ಯಯ ಉಂಟಾಗಲಿದೆ.
ಈ ಮಾರ್ಗಗಳು ರದ್ದು: ಬಂಗಾರಪೇಟೆಯಿಂದ ಮರಿಕುಪ್ಪಂನ ಪ್ಯಾಸೆಂಜರ್ ರೈಲು ಎರಡು ಮಾರ್ಗಗಳು ಫೆ.14,15 ಮತ್ತು 16ರಂದು ರದ್ದಾಗಲಿದೆ. ಟ್ರೈನ್ ಸಂಖ್ಯೆ, 66557, 66558, 66513, 66516, 66517, 66518 ರದ್ದಾಗಲಿದ್ದು, ರೈಲು ಸಂಖ್ಯೆ 06512 ಮರಿಕುಪ್ಪಂನಿಂದ ಬಾಣಸವಾಡಿ ಪ್ಯಾಸೆಂಜರ್ ರೈಲು ಫೆ.16ರಂದು ಇರುವುದಿಲ್ಲ. ಟ್ರೈನ್ ನಂ. 76503/76504 ಬಂಗಾರಪೇಟೆಯಿಂದ ಹೊರಡುವ ಕೋಲಾರ ಬಂಗಾರ ಪೇಟೆ ಪ್ಯಾಸೆಂಜರ್ 14,15ರಂದು ರದ್ದಾಗಲಿದೆ.
ಭಾಗಶಃ ರದ್ದಾಗುವ ರೈಲುಗಳು: ರೈಲು ಸಂಖ್ಯೆ- 66546 ಕ್ರಾಂತಿವೀರ ಸಂಗೊಳ್ಳಿರಾಯಣ್ಣ ರೈಲ್ವೆ ನಿಲ್ದಾಣದಿಂದ ಮರಿಕುಪ್ಪಂ ಪ್ಯಾಸೆಂಜರ್ ಫೆ.14,15,16ರಂದು ಭಾಗಶಃ ರದ್ದು ಆಗಲಿದ್ದು, ಟ್ರೈನ್ ನಂ. 76506 ಕೋಲಾರದಿಂದ ಬೆಂಗಳೂರು ಕಂಟೋನ್ಮೆಂಟ್ ಪ್ಯಾಸೆಂಜರ್ ರೈಲು ಮಾರ್ಗ ಬದಲಾವಣೆ ಮಾಡಲಾಗಿದ್ದು, ಯಲಹಂಕ, ಚನ್ನಸಂದ್ರ ಮಾರ್ಗವಾಗಿ ಬಂಗಾರಪೇಟೆ ನಿಲ್ದಾಣಕ್ಕೆ ತಲುಪಲಿದೆ.