ಬೆಂಗಳೂರು: ಸ್ಮಾರ್ಟ್ಸಿಟಿ ಕಾಮಗಾರಿಯ ಸ್ಥಳದಲ್ಲಿ ದುರ್ನಾತ ಬೀರುತ್ತಿರುವ ಒಳಚರಂಡಿಯಲ್ಲಿ ಕೈಗೆ ಗ್ಲೌಸ್ ಹಾಗೂ ಮಾಸ್ಕ್ ಇಲ್ಲದೇ ಕೈಗಳಿಂದಲೇ ಬಕೆಟ್ ಮೂಲಕ ಶೌಚಾಲಯದ ನೀರನ್ನು ಕಾರ್ಮಿಕರು ಎತ್ತಿಹಾಕುತ್ತಿರುವ ಘಟನೆ ಬೆಳಕಿಗೆ ಬಂದಿದೆ.
ಶಿವಾಜಿನಗರದ ಇನ್ಫಾಂಟ್ರಿ ರಸ್ತೆಯ ಒಳಚರಂಡಿ ಬ್ಲಾಕ್ ಆಗಿದೆ ಎಂಬ ದೂರು ಸ್ಮಾರ್ಟ್ಸಿಟಿ ಲಿಮಿಟೆಡ್ಗೆ ಬಂದಿತ್ತು. ಸ್ಮಾರ್ಟ್ಸಿಟಿ ಸಂಸ್ಥೆ ಯಂತ್ರೋಪಕರಣಗಳನ್ನು ಬಳಸಿ ಸ್ವಚ್ಛಗೊಳಿಸಬೇಕಿತ್ತು. ಆದರೆ, ಒಬ್ಬ ಕಾರ್ಮಿಕ ಹಾಗೂ ಮತ್ತೊಬ್ಬ ವೃದ್ಧರನ್ನು ಬಳಸಿಕೊಂಡು ಯಾವುದೇ ಸುರಕ್ಷತಾ ಮಾರ್ಗಗಳಿಲ್ಲದೇ ಅತ್ಯಂತ ಕನಿಷ್ಠವಾಗಿ ನಡೆಸಿಕೊಂಡಿರುವುದು ಸಾರ್ವಜನಿಕ ಆಕ್ರೋಶಕ್ಕೆ ಕಾರಣವಾಗಿದೆ.
ಮಲವನ್ನು ಕೈಯಲ್ಲಿ ಮುಟ್ಟುವಂತಿಲ್ಲ. ಇದು ಮನುಷ್ಯನ ಘನತೆಗೆ ಧಕ್ಕೆ ತರುವಂತ ಘಟನೆ. ಕಳೆದ ಅಕ್ಟೋಬರ್ನಲ್ಲೂ ಇದೇ ರೀತಿಯಾಗಿ ಇದೇ ರಸ್ತೆಯಲ್ಲಿ ಮ್ಯಾನ್ಯುವಲ್ ಸ್ಕಾವೆಂಜಿಂಗ್ ನಡೆದಿದೆ. ಇದು ಕಾನೂನುಬಾಹಿರ ಎಂದು ವಕೀಲರಾದ ವಿನಯ್ ಶ್ರೀನಿವಾಸ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಪಿಕಪ್ ಡ್ಯಾಂ ಗೇಟ್ಗೆ ಸಿಲುಕಿದ ಸಸ್ಯರಾಶಿ; ತೆರವುಗೊಳಿಸಲು ರೈತರ ಹರಸಾಹಸ
