ಬೆಂಗಳೂರು: ರಾಜ್ಯದಲ್ಲಿ ಮುಖ್ಯವಾಗಿ ರಾಜಧಾನಿಯಲ್ಲಿ ಮಧ್ಯಂತರ ಲಾಕ್ಡೌನ್ ಹೇರಿಕೆಯಿಂದ ಆರ್ಥಿಕವಾಗಿ ಪೆಟ್ಟು ಬೀಳಲಿದೆ ಎಂದು ಉದ್ಯಮಿಗಳು ಅಳಲು ತೊಡಿಕೊಳ್ಳುತ್ತಿದ್ದಾರೆ.
ಮೊದಲ ಲಾಕ್ಡೌನ್ ವೇಳೆ ಮುಚ್ಚಿದ್ದ ಶೇ.15 ರಿಂದ 20ರಷ್ಟು ಕೈಗಾರಿಕೆಗಳು ಈವರೆಗೂ ಕಾರ್ಯಾರಂಭ ಆಗಿಲ್ಲ. ಜೊತೆಗೆ ಕಾರ್ಮಿಕರ ವೇತನ, ಬಾಡಿಗೆ ಹಾಗೂ ಇನ್ನಿತರೆ ವ್ಯವಸ್ಥೆಗಳನ್ನೂ ನಿಭಾಯಿಸಲು ಕೈಗಾರಿಕೆಗಳಿಗೆ ಆಗಿಲ್ಲ. 2 ತಿಂಗಳ ಲಾಕ್ಡೌನ್ ಸಡಿಲಿಕೆ ನಂತರ ಶೇ. 80ರಷ್ಟು ಎಂಎಸ್ಎಂಇ ಗಳಿಗೆ ರಫ್ತಿನ ಬೇಡಿಕೆಗಳು ಬರಲು ಶುರುವಾಯಿತು.
ಕಾರ್ಮಿಕರ ಕೊರತೆಯಿದ್ದರೂ ಕಾರ್ಯಗಳು ನಡೆದುಕೊಂಡು ಹೋಗುತ್ತಿವೆ. ಆದ್ರೆ ಮತ್ತೆ ಲಾಕ್ಡೌನ್ ಕೈಗಾರಿಕೆಗಳ ಮೇಲೆ ಹೇರಿದ್ದರೆ ಎಲ್ಲಾ ವ್ಯಾಪಾರ ನೆರೆ ರಾಜ್ಯಗಳಿಗೆ ಹೋಗುತ್ತಿದ್ದಾವೆ. ಮುಂದೆ ವ್ಯಾಪಾರ ವಹಿವಾಟು ಚೇತರಿಕೆ ಆಗಬೇಕು ಎಂದರೆ ಲಾಕ್ಡೌನ್ ಮಾಡಬಾರದು ಅಂತಾ ಕಾಸಿಯಾ ಸಂಘದ ಅಧ್ಯಕ್ಷ ಕೆ.ಬಿ.ಅರಸಪ್ಪ ಅಭಿಪ್ರಾಯಪಟ್ಟಿದ್ದಾರೆ.
ಇನ್ನು ಅಂಗಡಿ ಮುಂಗಟ್ಟು, ಬೀದಿ ಬದಿಯ ವ್ಯಾಪಾರ ನೆಲಕ್ಕಚ್ಚಿವೆ. ಲಾಕ್ಡೌನ್ ಆಗುತ್ತಿದ್ದರೆ ಇವರ ಸ್ಥಿತಿ ಆರ್ಥಿಕವಾಗಿ ಹಿಂದುಳಿಯುತ್ತಾರೆ. ರಾಜ್ಯದಲ್ಲಿ ದಿನಸಿ ಅಂಗಡಿಯಿಂದ ದೊಡ್ಡ ಮಾಲ್ಗಳು ಆರ್ಥಿಕ ಚಟುವಟಿಕೆಗಳಲ್ಲಿ ತಮ್ಮದೇ ಪಾತ್ರ ವಹಿಸುತ್ತಿದ್ದು, ಲಾಕ್ಡೌನ್ ಹೇರುತ್ತಿದ್ದರೆ ಆರ್ಥಿಕ ಕುಸಿತದ ಜೊತೆ ಬಹುಪಾಲು ಜನರು ಬೀದಿಗೆ ಬೀಳುವ ಆತಂಕ ಎದುರಾಗುತ್ತದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
