ಐಎಂಎ ವಂಚನೆ ಪ್ರಕರಣ : ಮತ್ತೆ ವಿಚಾರಣೆಗೆ ಹಾಜರಾದ ಡಿಸಿಪಿ ಅಜಯ್ ಹಿಲೋರಿ

ಐಎಂಎ ವಂಚನೆ ಪ್ರಕರಣ ಸಂಬಂಧ ನಿನ್ನೆಯಷ್ಟೆ ವಿಚಾರಣೆಗೆ ಹಾಜರಾಗಿದ್ದ ಅಜಯ್ ಹಿಲೋರಿ, ಇಂದೂ ಕೂಡ ಮತ್ತೆ ಎಸ್ಐಟಿ ಅಧಿಕಾರಿ ರವಿಕಾಂತೇಗೌಡ ಹಾಗೂ ಡಿಸಿಪಿ ಗಿರೀಶ್ ಎದುರು ಹಾಜರಾದರು.

ಬೆಂಗಳೂರು: ಐಎಂಎ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಂದು ಎಸ್​​ಐಟಿ ಎದುರುಡಿಸಿಪಿ ಅಜಯ್ ಹಿಲೋರಿ ಮತ್ತೆ ವಿಚಾರಣೆಗೆ ಹಾಜರಾಗಿದ್ದಾರೆ.

ನಿನ್ನೆಯಷ್ಟೆ ವಿಚಾರಣೆಗೆ ಹಾಜರಾಗಿದ್ದ ಅಜಯ್ ಹಿಲೋರಿ, ಇಂದೂ ಕೂಡ ಮತ್ತೆ ಎಸ್ಐಟಿ ಅಧಿಕಾರಿ ರವಿಕಾಂತೇಗೌಡ ಹಾಗೂ ಡಿಸಿಪಿ ಗಿರೀಶ್ ಎದುರು ಹಾಜರಾಗಿದ್ದಾರೆ. ಐಎಂಎ ವಂಚನೆ ಪ್ರಕರಣವನ್ನ 2018ರಲ್ಲಿ ಆರ್​​ಬಿಐ ಸರ್ಕಾರಕ್ಕೆ ತನಿಖೆ ನಡೆಸುವಂತೆ ಸೂಚನೆ ನೀಡಿತ್ತು. ಆದರೆ ಡಿಸಿಪಿ ಅಜಯ್ ಹಿಲೋರಿ‌ ಐಎಂಎ ಅಕ್ರಮ ಕುರಿತು ತನಿಖೆ ನಡೆಸದೆ ಆರೋಪಿ ಮನ್ಸೂರ್​​ನಿಂದ ಹಣ ಪಡೆದಿರುವ ಆರೋಪ ಇದೆ.

ನಿನ್ನೆ ಎರಡು ಗಂಟೆಗೂ ಹೆಚ್ಚು ಸಮಯ ವಿಚಾರಣೆ ನಡೆಸಿ, ಇಂದು ಕೆಲ ದಾಖಲೆ ತರುವಂತೆ ಎಸ್​​ಐಟಿ ಅಧಿಕಾರಿಗಳು ಸೂಚನೆ ನೀಡಿದ್ದರು. ಹೀಗಾಗಿ ಇಂದು ಮತ್ತೆ ವಿಚಾರಣೆಗೆ ಹಾಜರಾಗಿದ್ದಾರೆ.