ಬೆಂಗಳೂರು : ಕೊರೊನಾ ನಿಯಮ ಉಲ್ಲಂಘನೆ ಹಿನ್ನೆಲೆ ಜಪ್ತಿ ಮಾಡಿಕೊಂಡಿದ್ದ ಬೈಕ್ನ ಸವಾರನ ಬಳಿ ಹಣ ಪಡೆದು ಬಿಟ್ಟು ಕಳುಹಿಸಿದ್ದ ಆರೋಪದಡಿ ಕಾನ್‌ಸ್ಟೇಬಲ್ವೊಬ್ಬರನ್ನು ಅಮಾನತು ಮಾಡಿ ನಗರ ಈಶಾನ್ಯ ವಿಭಾಗದ ಡಿಸಿಪಿ ಸಿ. ಕೆ. ಬಾಬಾ ಆದೇಶ ಹೊರಡಿಸಿದ್ದಾರೆ.
ಸಂಪಿಗೆಹಳ್ಳಿ ಪೊಲೀಸ್ ಠಾಣೆಯ ಕಾನ್ಸ್ಟೇಬಲ್ ಅಬೂಬಕರ್ ಅಮಾನತುಗೊಂಡವರು. ಲಾಕ್ಡೌನ್ ಹಿನ್ನೆಲೆ ವಾಹನ ತಪಾಸಣೆಗಾಗಿ ಒಳಪಡಿಸಲು ಮೇ 23 ರಂದು ಹೆಗಡೆ ನಗರ ಸರ್ಕಲ್ ಬಳಿ ಮೇಲಾಧಿಕಾರಿಗಳು ಅವರನ್ನು ಕರ್ತವ್ಯಕ್ಕೆ ನಿಯೋಜಿಸಿದ್ದರು.
ಈ ವೇಳೆ ಅನಗತ್ಯ ಸಂಚಾರ ನಡೆಸುತ್ತಿದ್ದ ಇಮ್ರಾನ್ ಪಾಷಾ ಎಂಬುವರ ಸುಜುಕಿ ಬೈಕ್ ತಡೆದು ಮುಟ್ಟುಗೋಲು ಹಾಕಿಕೊಂಡಿದ್ದರು.
ಹಿರಿಯ ಅಧಿಕಾರಿಗಳ ಅನುಮತಿಯಿಲ್ಲದೆ ಬೈಕ್ ಮಾಲೀಕ ಇಮ್ರಾನ್ ಪಾಷಾರಿಂದ ₹1 ಸಾವಿರ ಹಣ ಪಡೆದು ಬೈಕ್ ಕೊಟ್ಟು ಕಳುಹಿಸಿದ್ದರು.
ನ್ಯಾಯಾಲಯದ ಮಾರ್ಗಸೂಚಿ ಅನ್ವಯ ₹500 ದಂಡ ವಿಧಿಸಿ ರಸೀದಿ ನೀಡಬೇಕು. ಹೀಗಿದ್ದರೂ ಹಣ ಪಡೆದು ಅಕ್ರಮವಾಗಿ ಬೈಕ್ ಬಿಟ್ಟು ಕಳುಹಿಸುವ ಅಶಿಸ್ತು ಮೆರೆದಿದ್ದರು. ಈ ಹಿನ್ನೆಲೆ ಕಾನ್ಸ್ಟೇಬಲ್ನ ಅಮಾನತುಗೊಳಿಸಿ ಡಿಸಿಪಿ ಆದೇಶಿಸಿದ್ದಾರೆ.
ಓದಿ: ನಿವಾಸದಲ್ಲಿ ಅಂತರ... ಪ್ರವಾಸದಲ್ಲಿ ಹರೋಹರ: ರೂಲರ್ಗಳಿಗೆ ಯಾಕಿಲ್ಲ ರೂಲ್ಸ್!
