ಆನೇಕಲ್: ತನ್ನ ತಂಗಿಯನ್ನು ಪ್ರೇಮಿಸಿ ವಿವಾಹವಾದ ವ್ಯಕ್ತಿಯ ಬೆರಳನ್ನು ಯುವತಿಯ ಸೋದರನೇ ಕತ್ತರಿಸಿರುವ ಘಟನೆ ಪರಪ್ಪನ ಅಗ್ರಹಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ತಂಗಿಯನ್ನ ಪ್ರೇಮವಿವಾಹವಾಗಿದ್ದಕ್ಕೆ ಭಾವನ ಬೆರಳನ್ನೇ ಕತ್ತರಿಸಿದ
ಬೆಂಗಳೂರು-ಹೊಸೂರು ರಸ್ತೆಯ ಸಿಂಗಸಂದ್ರ ಪೆಟ್ರೋಲ್ ಬಂಕ್ ಹಿಂಭಾಗ ವಾಸವಿದ್ದ ಸಂಗೀತಾರನ್ನ ಹನುಮಂತ 2018ರಲ್ಲಿ ಆಕೆ ಮನೆಯಲ್ಲಿ ತಿಳಿಸದೆ ಪ್ರೇಮ ವಿವಾಹವಾಗಿ ಬೇರೆಡೆ ವಾಸವಿದ್ದ. ಇದರಿಂದ ಸಿಟ್ಟಿಗೆದ್ದಿದ್ದ ಸಂಗೀತಾಳ ಅಣ್ಣ ಸಂತೋಷ್ ಹಾಗೂ ಆತನ ಸ್ನೇಹಿತ ಪ್ರೇಮ್ ಕಳೆದ ಸೋಮವಾರ ಹನುಮಂತನ ಮೇಲೆ ಮಾರಣಾಂತಿಕ ಹಲ್ಲೆಗೆ ಮುಂದಾಗಿದ್ದಾರೆ. ಈ ವೇಳೆ ಹಲ್ಲೆಯಿಂದ ತಪ್ಪಿಸಿಕೊಳ್ಳಲು ಮುಂದಾದ ಹನುಮಂತನ ಕೈ ಕಿರು ಬೆರಳು ತುಂಡರಿಸಿದೆ.
ಇನ್ನೂ ಗಾಯಾಳು ಹನುಮಂತ ಯಥಾಸ್ಥಿತಿಯಲ್ಲಿ ಠಾಣೆಗೆ ತೆರಳಿ ದೂರು ದಾಖಲಿಸಿದ್ದಾನೆ. ಅನಂತರ ಕೂಡಲೇ ಕ್ರಮ ಕೈಗೊಂಡ ಪೊಲೀಸರು ಆರೋಪಿಗಳಾದ ಸಂತೋಷ್ ಹಾಗೂ ಪ್ರೇಮ್ ನನ್ನು ಬಂಧಿಸಿದ್ದಾರೆ.
