ರೋಮ್: ಇಟಾಲಿಯನ್ ಓಪನ್ನಲ್ಲಿ ಸೆರೆನಾ ವಿಲಿಯಮ್ಸ್ ತಮ್ಮ ವೃತ್ತಿ ಜೀವನದ 1000ನೇ ಪಂದ್ಯದ ಕಣಕ್ಕಿಳಿದಿದ್ದರು. ಆದರೆ, ತಮ್ಮ ಜೀವನದ ಐತಿಹಾಸಿಕ ಪಂದ್ಯದಲ್ಲಿ ಸೋಲು ಕಾಣುವ ಮೂಲಕ ನಿರಾಸೆ ಅನುಭವಿಸಿದ್ದಾರೆ.
ಇಟಾಲಿಯನ್ ಓಪನ್ನ ದ್ವಿತೀಯ ಸುತ್ತಿನಲ್ಲಿ ಅಮೆರಿಕನ್ ಸ್ಟಾರ್, ಅರ್ಜೆಂಟೀನಾದ ನದಿಯಾ ಪೊಡೊರೊಸ್ಕಾ ವಿರುದ್ಧ 7-6(6), 7-5 ರಲ್ಲಿ ಸೋಲು ಕಂಡರು.
ಆಸ್ಟ್ರೇಲಿಯಾ ಓಪನ್ ನಂತರ ಯಾವುದೇ ಸ್ಪರ್ಧಾತ್ಮಕ ಟೂರ್ನಿಯಲ್ಲಿ ಕಾಣಿಸಿಕೊಳ್ಳದ ವಿಲಿಯಮ್ಸ್, ಟೂರ್ನಿಯಲ್ಲಿ 8ನೇ ಶ್ರೇಯಾಂಕ ಪಡೆದುಕೊಂಡಿದ್ದರು. ಮೊದಲ ಸೆಟ್ನಲ್ಲಿ ಎರಡು ಬಾರಿ ಸರ್ವ್ ಕಳೆದುಕೊಂಡಿದ್ದರು. ಆದರೂ ಗೆಲುವಿಗಾಗಿ ಟೈ ಬ್ರೇಕರ್ ಮೊರೆ ಹೋಗಬೇಕಾಯಿತು. ಕೊನೆಗೆ 1 ಗಂಟೆ, 58 ನಿಮಿಷ ನಡೆದ ಕಾದಾಟದಲ್ಲಿ ಅರ್ಜೆಂಟೀನಾ ಆಟಗಾರ್ತಿ ಗೆಲುವು ಪಡೆದರು.
ಇನ್ನು ಎರಡನೇ ಸೆಟ್ನಲ್ಲಿ ಪೊಡೊರೊಸ್ಕಾ 5-2ರಲ್ಲಿ ಮುನ್ನಡೆ ಸಾಧಿಸಿ ಸುಲಭ ಗೆಲುವಿನ ನಿರೀಕ್ಷೆಯಲ್ಲಿದ್ದರು. ಆದರೆ, ವಿಲಿಯಮ್ಸ್ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿದರು. ಆದರೆ, 12ನೇ ಗೇಮ್ನಲ್ಲಿ ಪೊಡೊರೊಸ್ಕಾ ಗೆಲ್ಲುವ ಮೂಲಕ ವೃತ್ತಿ ಜೀವನದಲ್ಲಿ ಮೂರನೇ ಬಾರಿ ಟಾಪ್ 10ರಲ್ಲಿರುವ ಆಟಗಾರ್ತಿಯನ್ನು ಮಣಿಸಿದ ಗೌರವಕ್ಕೆ ಪಾತ್ರರಾದರು.
ಹಾಲಿ ಚಾಂಪಿಯನ್ ಹಾಲೆಪ್ 6-1, 3-3ರಲ್ಲಿ ಲೀಡ್ ಪಡೆದುಕೊಂಡಿದ್ದ ವೇಳೆ ಗಾಯಗೊಂಡು ನಿವೃತ್ತಿಗೊಂಡರೆ, 2ನೇ ಶ್ರೇಯಾಂಕದ ನವೋಮಿ ಒಸಾಕ ಅಮೆರಿಕದ ಜಸ್ಸಿಕಾ ಪೆಗುಲಾ ವಿರುದ್ಧ 7-6(2), 6-2ರಲ್ಲಿ ಸೋಲು ಕಂಡರು. 4ನೇ ಶ್ರೇಯಾಂಕದ ಸೋಫಿಯಾ ಕೆನ್ ಕೂಡ 6-1, 6-4ರಲ್ಲಿ ಬಾರ್ಬೊರಾ ಕ್ರೆಜ್ಕೋವಾ ವಿರುದ್ಧ ಸೋತರು.
ಅಗ್ರ ಶ್ರೇಯಾಂಕದ ಆಶ್ಲೇ ಬಾರ್ಟಿ ಮತ್ತು ಮಾಜಿ ಚಾಂಪಿಯನ್ ಕರೊಲಿನಾ ಪ್ಲಿಸ್ಕೋವಾ ನೇರ ಸೆಟ್ಗಳ ಜಯ ಸಾಧಿಸಿ 3ನೇ ಸುತ್ತು ಪ್ರವೇಶಿಸಿದ್ದಾರೆ.
ಇದನ್ನು ಓದಿ: ಐಸಿಸಿ ಟೆಸ್ಟ್ ರ‍್ಯಾಂಕಿಂಗ್: ಅಗ್ರಸ್ಥಾನ ಉಳಿಸಿಕೊಂಡ ಕೊಹ್ಲಿ ಪಡೆ
