ಪ್ಯಾರಿಸ್ : ಇಂಗ್ಲೆಂಡ್ನ ಸ್ಟಾರ್ ಟೆನ್ನಿಸ್ ಪ್ಲೇಯರ್ ಆ್ಯಂಡಿ ಮರ್ರೆ ಫ್ರೆಂಚ್ ಓಪನ್ನ ಮೊದಲ ಸುತ್ತಿನಲ್ಲೇ ಸೋಲು ಕಂಡು ನಿರಾಶೆ ಅನುಭವಿಸಿದ್ದಾರೆ.
ಫ್ರೆಂಚ್ ಓಪನ್ನ ಮೊದಲ ಸುತ್ತಿನ ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್‌ನ ಸ್ಟ್ಯಾನ್‌ ವಾವ್ರಿಂಕಾ ವಿರುದ್ಧ 6-1, 6-3, 6-2ರಿಂದ ಮರ್ರೆ ಸೋಲು ಕಂಡಿದ್ದಾರೆ. ಎರಡು ಬಾರಿಯ ಒಲಿಂಪಿಕ್ಸ್ ಚಿನ್ನ ಗೆದ್ದಿರುವ ಮರ್ರೆ ವಿರುದ್ಧ 97 ನಿಮಿಷಗಳ ಕಾಳಗದಲ್ಲಿ ವಾವ್ರಿಂಕಾ ಸಂಪೂರ್ಣ ಮೇಲುಗೈ ಸಾಧಿಸಿದರು.
ತಲಾ ಮೂರು ಗ್ರ್ಯಾಂಡ್ಸ್ಲಾಮ್ ಗೆದ್ದಿರುವ ಇಬ್ಬರು ಸ್ಟಾರ್ ಟೆನ್ನಿಸ್ ಆಟಗಾರರು 21 ವರ್ಷಗಳ ಬಳಿಕ ಇದೇ ಮೊದಲ ಬಾರಿಗೆ ಮೊದಲ ಸುತ್ತಿನಲ್ಲೇ ಮುಖಾಮುಖಿಯಾಗಿದ್ದರು.
ಜರ್ಮನ್ನ ಯುವ ಆಟಗಾರ ಹಾಗೂ ಯುಎಸ್ ರನ್ನರ್ ಅಪ್ ಅಲೆಕ್ಸಾಂಡರ್‌ ಜ್ವೆರೆವ್‌ 7-5, 6-2, 6-4ರಿಂದ ಡೆನ್ನಿಸ್‌ ನೊವಾಕ್‌ ಮಣಿಸಿ ಎರಡನೇ ಸುತ್ತು ಪ್ರವೇಶಿಸಿದರು.
ಮಹಿಳಾ ಸಿಂಗಲ್ಸ್ ನಲ್ಲಿ ವೀನಸ್ ವಿಲಿಯಮ್ಸ್‌ ಕೂಡ ಮತ್ತೊಮ್ಮೆ ಮೊದಲ ಸುತ್ತಿನಲ್ಲೇ ಹೊರ ಬಿದ್ದರು. ಅವರು 4-6, 4-6ರಿಂದ ಅನ್ನಾ ಕರೋಲಿನಾ ಸ್ಮಿಡ್ಲೊವಾ ಅವರಿಗೆ ಶರಣಾದರು. ಈ ಮೂಲಕ ವೀನಸ್ ಸತತ ಮೂರು ಪ್ರತಿಷ್ಠಿತ ಗ್ರ್ಯಾಂಡ್ಸ್ಲಾಮ್ನಲ್ಲಿ ಮೊದಲ ಸುತ್ತಿನಲ್ಲೇ ಹೊರ ಬಿದ್ದಂತಾಯಿತು.
