ಪ್ಯಾರೀಸ್: ಭಾರತದ ದಿವಿಜ್ ಶರಣ್ ಹಾಗೂ ದಕ್ಷಿಣ ಕೊರಿಯಾದ ಜೊತೆಗಾರ ಕ್ವಾನ್ ಸೂನ್ ವೂ ಜೋಡಿ ಫ್ರೆಂಚ್ ಓಪನ್ನ ಮೊದಲ ಸುತ್ತಿನಲ್ಲಿ ಸೋಲುಕಂಡಿದೆ.
ಪುರುಷರ ಡಬಲ್ಸ್ನಲ್ಲಿ ವಿಭಾಗದ ಮೊದಲ ಪಂದ್ಯದಲ್ಲಿ ಇಂಡೋ- ಕೊರಿಯನ್ ಜೋಡಿ ಅಮೆರಿಕನ್ ಜೋಡಿಯಾದ ರ್ಫರಾಂಕೊ ಸ್ಕುಗೊರ್ ಮತ್ತು ಆಸ್ಟಿನ್ ಕ್ರಜೆಸೆಕ್ ವಿರುದ್ಧ 1-6, 6-4, 4-6 ಅಂತರದಲ್ಲಿ ಸೋಲು ಕಾಣುವ ಮೂಲಕ ಟೂರ್ನಿಯಿಂದ ಹೊರಬಿದ್ದಿದೆ.
ಕೊರಿಯಾದ ಆಟಗಾರನನ್ನು ಜೊತೆಯಾಗಿ ಸ್ಫರ್ಧಿಸಿದ ಸತತ ಎರಡನೇ ಟೂರ್ನಿಯಲ್ಲಿ ಮೊದಲ ಸುತ್ತಿನಲ್ಲಿ ದಿವಿಜ್ ಹೊರಬಿದ್ದಂತಾಗಿದೆ. ಈ ಮೊದಲು ಯುಎಸ್ ಓಪನ್ನಲ್ಲೂ ಸೋಲುಕಂಡಿದ್ದರು.
ಅನುಭವಿ ಆಟಗಾರ ರೋಹನ್ ಬೋಪಣ್ಣ ಟೂರ್ನಿಯಲ್ಲಿ ಉಳಿದುಕೊಂಡಿರುವ ಏಕೈಕ ಭಾರತೀಯನಾಗಿದ್ದು, ಇಂದು ಸಂಜೆ ಕೆನೆಡಾದ ಶಪೋವನೊವ್ ಜೊತೆಯಾಗಿ ಅಮೆರಿಕಾದ ಜಾಕ್ ಸಾಕ್ ಮತ್ತು ಕೆನಡಾದ ವಾಸೆಕ್ ಪಾಸ್ಪಿಸಿಲ್ ವಿರುದ್ಧ ಸೆಣಸಾಡಲಿದ್ದಾರೆ.
