ನವದೆಹಲಿ: ಖೇಲೋ ಇಂಡಿಯಾದ ಹೆಸರಲ್ಲಿ ಸುಳ್ಳು ಜಾಹೀರಾತು ನೀಡಿದ್ದಲ್ಲದೆ ನೋಂದಣಿ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹಣ ಲೂಟಿ ಮಾಡಲಾಗುತ್ತಿದೆ. ಹಲವಾರು ಕ್ರೀಡಾಪಟುಗಳಿಂದ ಭಾರತದ ಕ್ರೀಡಾ ಪ್ರಾಧಿಕಾರಕ್ಕೆ ಹಲವು ದೂರುಗಳು ಬಂದಿವೆ.
2021ರ ಖೇಲೋ ಇಂಡಿಯಾ ಹರಿಯಾಣದ ಪಂಚಕುಲದಲ್ಲಿ ನಡೆಯಲಿದೆ. ಈ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಅರ್ಜಿ ಆಹ್ವಾನಿಸಲಾಗಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಜಾಹೀರಾತನ್ನು ಪೋಸ್ಟ್ ಮಾಡಲಾಗಿದೆ. ಈ ಜಾಹೀರಾತಿನಲ್ಲಿ ಅಥ್ಲೀಟ್ಗಳಿಗೆ ನೋಂದಣಿ ಶುಲ್ಕವಾಗಿ 6000 ರೂ.ಗಳನ್ನು ಡೆಪಾಸಿಟ್ ಮಾಡುವಂತೆ ತಿಳಿಸಿಲಾಗಿದೆ. ಜೊತೆಗೆ ಖೇಲೋ ಇಂಡಿಯಾ ಕ್ರೀಡಾಕೂಟದ ಟ್ರಯಲ್ಸ್ನಲ್ಲೂ ಭಾಗವಹಿಸಬಹುದು ಎಂದು ಭರವಸೆ ನೀಡಲಾಗಿದೆ.
ಈ ಬಗ್ಗೆ ಹಲವಾರು ದೂರುಗಳು ಕೇಳಿದ ಬಂದ ಬೆನ್ನಲ್ಲೇ ಜಾಹೀರಾತಿನಲ್ಲಿ ಉಲ್ಲೇಖಿಸಿರುವ ಮೊಬೈಲ್ ನಂಬರ್ ಮತ್ತು ಅಕೌಂಟ್ ನಂಬರ್ ಮೂಲಕ ಈ ಜಾಹೀರಾತು ನೀಡಿದ ವ್ಯಕ್ತಿಯ ವಿವರಗಳನ್ನು ಪಡದುಕೊಳ್ಳುವಲ್ಲಿ ಭಾರತೀಯ ಕ್ರೀಡಾ ಪ್ರಾಧಿಕಾರ ಯಶಸ್ವಿಯಾಗಿದೆ.
ಈ ಸುಳ್ಳು ಜಾಹೀರಾತಿನಲ್ಲಿ ಕ್ರೀಡಾ ಸಚಿವಾಲಯ ಮತ್ತು ಖೇಲೋ ಇಂಡಿಯಾದ ಲೋಗೋಗಳನ್ನು ಸಹ ಬಳಸಿರುವುದರಿಂದ ಹಲವಾರು ಕ್ರೀಡಾಪಟುಗಳು ಇದು ಸರ್ಕಾರದ ಜಾಹೀರಾತೆಂದೇ ನಂಬಿದ್ದಾರೆ ಎಂದು ಸಾಯ್ ತಿಳಿಸಿದೆ.
ಈ ಕುರಿತು ಸಾಯ್, ಉತ್ತರ ಪ್ರದೇಶದಲ್ಲಿ ಎಫ್ಐಆರ್ ದಾಖಲಿಸಿದ್ದು, ತಕ್ಷಣವೇ ಈ ವಿಚಾರವಾಗಿ ತನಿಖೆ ನಡೆಸುವಂತೆ ಕೇಳಿಕೊಂಡಿದೆ. ಜೊತೆಗೆ ಖೇಲೋ ಇಂಡಿಯಾ ಸರ್ಕಾರದ ಯೋಜನೆಯಾಗಿದ್ದು, ಯಾವುದೇ ಕ್ರೀಡಾಪಟುಗಳು ಹಣ ನೀಡುವ ಅಗತ್ಯವಿಲ್ಲ. ಜೊತೆಗೆ ಇಲ್ಲಿ ಯಾವುದೇ ಟ್ರಯಲ್ಸ್ ಇರುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ.
