ಪುಣೆ: ಪ್ರೋ ಕಬಡ್ಡಿ ಲೀಗ್ನ 7ನೇ ಸೀಸನ್ನಲ್ಲಿ ಪಾಟ್ಟಾ ಪೈರೇಟ್ಸ್ ಅತಿಥೇಯ ಪುಣೇರಿ ಪಲ್ಟನ್ಸ್ ವಿರುದ್ಧ 55-33 ಅಂತರದಿಂದ ಭರ್ಜರಿ ಜಯ ಸಾಧಿಸಿದೆ.
ಪುಣೆಯ ಶಿವ ಛತ್ರಪತಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನಲ್ಲಿ ನಡೆದ ಪಂದ್ಯದಲ್ಲಿ ಪುಣೆ ತಂಡ ಪಾಟ್ನಾ ತಂಡಕ್ಕೆ ಸುಲಭ ತುತ್ತಾಯಿತು. ಮೊದಲಾರ್ಧದಲ್ಲೇ 27-17ರಲ್ಲಿ ಮುನ್ನಡೆ ಕಾಯ್ದುಕೊಂಡ ಪಾಟ್ನಾ ಕೊನೆಯವರೆಗೂ ಮುನ್ನಡೆಯನ್ನು ಹೆಚ್ಚಿಸಿಕೊಳ್ಳುತ್ತಾ ತನ್ನ ಅಂಕವನ್ನು 55 ಕ್ಕೇರಿಸಿಕೊಂಡಿತು.
ಭರ್ಜರಿ ಆಟ ಪ್ರದರ್ಶಸಿದ ಪರ್ದೀಪ್ ನರ್ವಾಲ್ 18 ಅಂಕ ಪಡೆದು ಗೆಲುವಿನ ರೂವಾರಿಯಾದರು. ಡೆಫೆಂಡರ್ ನೀರಜ್ ಕುಮಾರ್ 11 ಅಂಕ ಪಡೆದು ಪುಣೆ ರೈಡರ್ಗಳನ್ನು ಮಣ್ಣುಮುಕ್ಕಿಸುವಲ್ಲಿ ಪ್ರಮುಖ ಪಾತ್ರವಹಿಸಿದರು. ಉಳಿದಂತೆ ಹ್ಯಾಡಿ ಒಸ್ಟಾರ್ಕ್ 5, ಮೋನು 4, ಜಂಗ್ ಕುಂಗ್ಲೀ 3,ಜೈದೀಪ್ 2 ಅಂಕ ಪಡೆದರು.
ಪುಣೆ ಪರ ರೈಡರ್ ಮಂಜೀತ್ 8, ಪಂಕಜ್ 7, ನಿತಿನ್ 6 ಅಂಕ ಪಡೆದರೆ, ಡಿಫೆಂಡರ್ ಸುರ್ಜೀತ್ 3 ಅಂಕ ಪಡೆದರು.
ಇದಕ್ಕು ಮುನ್ನ ನಡೆದ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ 34-30 ರಲ್ಲಿ ಗುಜರಾತ್ ಫಾರ್ಚುನ್ ಜೇಂಟ್ಸ್ ತಂಡವನ್ನು ಮಣಿಸಿ ಅಗ್ರಸ್ಥಾನ ಕಾಯ್ದುಕೊಂಡಿತು.
