ದುಬೈ: ಜೂನ್ 18ರಂದು ಸೌತಾಂಪ್ಟನ್ ಏಜಿಯಸ್ ಬೌಲ್ನಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ತಂಡಗಳ ನಡುವೆ ನಡೆಯಲಿರುವ ಚೊಚ್ಚಲ ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಗುರುತಿಗಾಗಿ ಟೆಸ್ಟ್ ಕ್ರಿಕೆಟ್ನಲ್ಲಿ ಅವಿಸ್ಮರಣೀಯ ಸೇವೆ ಸಲ್ಲಿಸಿರುವ 5 ಪೀಳಿಗೆಯ 10 ದಂತಕತೆಗಳನ್ನು 93 ದಿಗ್ಗಜರಿರುವ ಹಾಲ್ ಆಫ್ ಫೇಮ್ ಪಟ್ಟಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆ ಸೇರಿಸಲಿದೆ.
ವಿಶ್ವ ಕ್ರಿಕೆಟ್ ಮಂಡಳಿ ಗುರುವಾರ ಈ ವಿಚಾರದ ಬಗ್ಗೆ ಪ್ರಕಟಣೆ ಹೊರಡಿಸಿದ್ದು, ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ದಿನದ ವಿಶೇಷವಾಗಿ ಐಸಿಸಿ ಹಾಲ್ ಆಫ್ ಫೇಮ್ಗೆ ಗೌರವಕ್ಕೆ ಪಾತ್ರರಾದ ಕ್ರಿಕೆಟಿಗರ ಹೆಸರನ್ನು ಘೋಷಿಸಲಿದೆ.
ಈಗಾಗಲೇ 93 ದಂತಕತೆಗಳನ್ನು ಈ ಪಟ್ಟಿಗೆ ಸೇರಿಸಲಾಗಿದೆ. ಇದೀಗ 5 ಪೀಳಿಗೆಯಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಗಮನಾರ್ಹ ಕೊಡುಗೆ ನೀಡಿರುವ 10 ಲೆಜೆಂಡ್ಗಳನ್ನು ಸೇರಿಸಲಾಗುತ್ತದೆ. ಮತ್ತು ಈ ಪಟ್ಟಿಯಲ್ಲಿ 103ಕ್ಕೆ ಏರಿಸಲು ಐಸಿಸಿ ನಿರ್ಧರಿಸಿದೆ.
ನಾವು ಆ ದಿನ ಕ್ರಿಕೆಟ್ ಐತಿಹಾಸಿಕ ಪಂದ್ಯವನ್ನು ಆಡಲಿದ್ದೇವೆ. ವಿವಿಧ ಪೀಳಿಗೆಯಲ್ಲಿ ಕ್ರಿಕೆಟ್ ಆಡಿರುವ ಶ್ರೇಷ್ಠ ಕ್ರಿಕೆಟಿಗರನ್ನು ಗೌರವಿಸುವುದಕ್ಕೆ ಇದಕ್ಕಿಂತ ಉತ್ತಮ ದಿನ ಬೇರೆ ಯಾವುದಿದೆ ಹೇಳಿ, ಇವರೆಲ್ಲರೂ ಪರಂಪರೆಯೊಂದಗಿನ ಆಟಗಾರರಾಗಿದ್ದು, ಭವಿಷ್ಯದ ಪೀಳಿಗೆಗೆ ಸ್ಫೂರ್ತಿ ನೀಡುತ್ತಲೇ ಇರುತ್ತಾರೆ ಎಂದು ಐಸಿಸಿ ತಿಳಿಸಿದೆ.
ಆರಂಭದ ಕ್ರಿಕೆಟ್ ಯುಗ (1918), ಅಂತರ್ ಯುದ್ದ ಕ್ರಿಕೆಟ್ ಯುವ(1918-1945), ಮಹಾಯುದ್ದದ ನಂತರದ ಕ್ರಿಕೆಟ್ ಯುಗ(1946-1970), ಏಕದಿನ ಕ್ರಿಕೆಟ್ ಯುಗ(1971-1995) ಮತ್ತು ಆಧುನಿಕ ಕ್ರಿಕೆಟ್ ಯುಗ(1996-2016)ದಲ್ಲಿ ತಲಾ ಇಬ್ಬರು ಆಟಗಾರರನ್ನು ಗೌರವಿಸಲು ಐಸಿಸಿ ನಿರ್ಧರಿಸಿದೆ.
ಈ ಆಟಗಾರರನ್ನು ಐಸಿಸಿ ಹಾಲ್ ಆಫ್ ಫೇಮ್ ವೋಟಿಂಗ್ ಅಕಾಡೆಮಿ, ಬದುಕಿರುವ ಹಾಲ್ ಆಫ್ ಫೇಮ್ ಸದಸ್ಯರು, FICA ಸದಸ್ಯರು, ಕ್ರಿಕೆಟ್ ಜರ್ನಲಿಸ್ಟ್ ಮತ್ತು ಹಿರಿಯ ಐಸಿಸಿ ಅಧಿಕಾರಿಗಳು ಮತ ಚಲಾಯಿಸಿ ಆಯ್ಕೆ ಮಾಡಲಿದ್ದಾರೆ.
ಇದನ್ನು ಓದಿ:ಇಂಗ್ಲೆಂಡ್ ವಿರುದ್ಧದ 2ನೇ ಟೆಸ್ಟ್ನಿಂದ ಹೊರಬಿದ್ದ ವಿಲಿಯಮ್ಸನ್
