ಜಿಂಬಾಬ್ವೆ ಕ್ರಿಕೆಟಿಗರ ಹರಿದ ಶೂಗಳಿಗೆ ಮುಕ್ತಿ.. ಜರ್ಸಿಗೆ ತಕ್ಕಂತೆ ಶೂ ಕಳುಹಿಸಿದ ಪೂಮಾ

ರಿಯಾನ್ ಬರ್ಲ್​ ಮತ್ತು ಅವರ ಸಹ ಆಟಗಾರರಿಗಾಗಿ ಶೂಗಳು ಸಿದ್ಧವಾಗಿವೆ, ಅವರ ಜರ್ಸಿಗೆ ಈ ಬಣ್ಣದ ಶೂಗಳು ಹೊಂದಿಕೆಯಾಗುತ್ತವೆ ಎಂದು ನಾವು ಭಾವಿಸಿದ್ದೇವೆ..

ಹರಾರೆ : ಜರ್ಮನಿಯ ಸ್ಪೋರ್ಟ್ಸ್ ಪರಿಕರಗಳ ತಯಾರಿಕಾ ಸಂಸ್ಥೆ ಜಿಂಬಾಬ್ವೆ ಕ್ರಿಕೆಟಿಗರಿಗೆ ಶೂಗಳನ್ನು ಒದಗಿಸಿಕೊಡುವ ಮೂಲಕ ಹರಿದ ಶೂಗಳನ್ನು ರಿಪೇರಿ ಮಾಡಿಕೊಂಡು ಆಡುತ್ತಿದ್ದ ಜಿಂಬಾಬ್ವೆ ಆಟಗಾರರ ಮೊಗದಲ್ಲಿ ನಗು ತರಿಸಿದೆ.

ಎರಡು ದಿನಗಳ ಹಿಂದೆ ಜಿಂಬಾಬ್ವೆ ಆಲ್​ರೌಂಡರ್​ ರಿಯಾನ್ ಬರ್ಲ್​ ಹರಿದ ಶೂ ಫೋಟೋವನ್ನು ಶೇರ್​ ಮಾಡಿಕೊಂಡು, ನಮಗೆ ಯಾರಾದರೂ ಪ್ರಾಯೋಜಕರು ಸಿಕ್ಕರೆ, ಪ್ರತಿ ಸರಣಿಯ ನಂತರ ನಮ್ಮ ಹರಿದ ಶೂಗಳಿಗೆ ಅಂಟು ಹಾಕುವ ಪರಿಸ್ಥಿತಿ ಇರುವುದಿಲ್ಲ" ಎಂದು ಟ್ವೀಟ್​ ಮಾಡಿದ್ದರು.

ಈ ಟ್ವೀಟ್​ ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್ ಆಗಿ ಜಿಂಬಾಬ್ವೆ ಕ್ರಿಕೆಟಿಗರ ಸ್ಥಿತಿಗೆ ವಿಶ್ವದಾದ್ಯಂತ ಕ್ರಿಕೆಟ್ ಪ್ರೇಮಿಗಳು ವಿಷಾದ ವ್ಯಕ್ತಪಡಿಸಿದ್ದರು. ಆದರೆ, ಇದೇ ಸಂದರ್ಭದಲ್ಲಿ ಪೂಮಾ ಸಂಸ್ಥೆ ಬರ್ಲ್​ ಟ್ವೀಟ್​ಗೆ ಪ್ರತಿಕ್ರಿಯೆ ನೀಡಿ, ಗಮ್ ತೆಗೆದು ಪಕ್ಕಕ್ಕೆ ಇಡುವ ಸಮಯ ಬಂದಿದೆ, ನಾವು ನಿಮ್ಮ ಸಮಸ್ಯೆಗೆ ಪರಿಹಾರ ನೀಡುತ್ತೇವೆ ಎಂದು ತಿಳಿಸಿತ್ತು.

• Express shipment for @ryanburl3 and his mates. I hope the colours match the jersey. 😉 pic.twitter.com/Df8jxVQ8B3

  — PUMA Cricket (@pumacricket) May 24, 2021 " class="align-text-top noRightClick twitterSection" data="

  Express shipment for @ryanburl3 and his mates. I hope the colours match the jersey. 😉 pic.twitter.com/Df8jxVQ8B3

  — PUMA Cricket (@pumacricket) May 24, 2021

  ">

  Express shipment for @ryanburl3 and his mates. I hope the colours match the jersey. 😉 pic.twitter.com/Df8jxVQ8B3

  — PUMA Cricket (@pumacricket) May 24, 2021

ಇದೀಗ ಮಾತಿನಂತೆ ನಡೆದುಕೊಂಡಿರುವ ಪೂಮಾ ಜಿಂಬಾಬ್ವೆ ಜರ್ಸಿಯ ಬಣ್ಣಕ್ಕೆ ಹೊಂದಿಕೆಯಾಗುವ ಶೂಗಳನ್ನು ಕಳುಹಿಸಿಕೊಟ್ಟಿದೆ. ಇದನ್ನು ತನ್ನ ಪೂಮಾ ಕ್ರಿಕೆಟ್​ ಟ್ವೀಟ್​ನಲ್ಲಿ ತಿಳಿಸಿದೆ.

"ರಿಯಾನ್ ಬರ್ಲ್​ ಮತ್ತು ಅವರ ಸಹ ಆಟಗಾರರಿಗಾಗಿ ಶೂಗಳು ಸಿದ್ಧವಾಗಿವೆ, ಅವರ ಜರ್ಸಿಗೆ ಈ ಬಣ್ಣದ ಶೂಗಳು ಹೊಂದಿಕೆಯಾಗುತ್ತವೆ ಎಂದು ನಾವು ಭಾವಿಸಿದ್ದೇವೆ " ಎಂದು ಬರೆದುಕೊಂಡಿದೆ.

ಪೂಮಾದ ಈ ಕಾರ್ಯಕ್ಕೆ ಕನ್ನಡಿಗ ಕೆಎಲ್​ ರಾಹುಲ್, ವಿಂಡೀಸ್​ ದಿಗ್ಗಜ ಇಯಾನ್ ಬಿಷಪ್ ಸೇರಿದಂತೆ ಕ್ರಿಕೆಟ್​ ದಿಗ್ಗಜರು, ಅಭಿಮಾನಿಗಳು ಅಭಿನಂದನೆ ಸಲ್ಲಿಸಿದ್ದಾರೆ.

ಇದನ್ನು ಓದಿ:ಕೊರೊನಾ ಹೋರಾಟಕ್ಕೆ ಮತ್ತೆ ಪಠಾಣ್ ಬ್ರದರ್ಸ್​ ಸಾಥ್ : ಆಕ್ಸಿಜನ್​ ಕಾನ್ಸಂಟ್ರೇಟರ್‌ಗಳ ದೇಣಿಗೆ