ರಣಜಿ ಫೈನಲ್​: ಮಧ್ಯಪ್ರದೇಶಕ್ಕೆ ಐತಿಹಾಸಿಕ ರಣಜಿ ಟ್ರೋಫಿ.. ಬಲಿಷ್ಠ ಮುಂಬೈಗೆ ಗರ್ವಭಂಗ

ಬೆಂಗಳೂರಿನಲ್ಲಿ ನಡೆದ ರಣಜಿ ಟ್ರೋಫಿ ಫೈನಲ್ ಪಂದ್ಯದಲ್ಲಿ ಮುಂಬೈ ತಂಡವನ್ನು ಬಗ್ಗುಬಡಿದು ಮಧ್ಯಪ್ರದೇಶ ಇದೇ ಮೊದಲ ಬಾರಿಗೆ ಟ್ರೋಫಿ ಎತ್ತಿಹಿಡಿದಿದೆ.

ಬೆಂಗಳೂರು: 88 ವರ್ಷಗಳ ಇತಿಹಾಸವಿರುವ ರಣಜಿ ಟ್ರೋಫಿಯಲ್ಲಿ ಮಧ್ಯಪ್ರದೇಶ ಹೊಸದೊಂದು ಇತಿಹಾಸ ರಚಿಸಿದೆ. 41 ಬಾರಿಯ ಚಾಂಪಿಯನ್​, ಬಲಿಷ್ಠ ಮುಂಬೈ ತಂಡವನ್ನು ಸೋಲಿಸಿ ಮಧ್ಯಪ್ರದೇಶ ರಣಜಿ ಚಾಂಪಿಯನ್ ಆಗಿ ಮೊದಲ ಬಾರಿಗೆ ಟ್ರೋಫಿ ಎತ್ತಿ ಹಿಡಿದಿದೆ.

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಫೈನಲ್​ ಪಂದ್ಯದಲ್ಲಿ ಮುಂಬೈ ತನ್ನ ತನ್ನೆಲ್ಲಾ ಬಲ ಪ್ರಯೋಗಿಸಿದರೂ, ಮಧ್ಯಪ್ರದೇಶದ ಮುಂದೆ ಶರಣಾಗಿದೆ. ಪ್ರತಿ ವರ್ಷವೂ ರಣಜಿ ಟೂರ್ನಿ ಗೆಲ್ಲುವ ಫೇವರೇಟ್​ ತಂಡವಾದ ಮುಂಬೈ ಅನ್ನು ಇದೇ ಮೊದಲ ಬಾರಿಗೆ ಮಧ್ಯಪ್ರದೇಶ ತಂಡ ಅದರ ಎಲ್ಲಾ ತಂತ್ರಗಳನ್ನು ತಲೆಕೆಳಗೆ ಮಾಡಿದೆ.

• 𝗪𝗛𝗔𝗧. 𝗔. 𝗪𝗜𝗡! 👏 👏
  
  Madhya Pradesh beat Mumbai by 6 wickets & clinch their maiden #RanjiTrophy title👍 👍 @Paytm | #Final | #MPvMUM
  
  Scorecard ▶️ https://t.co/xwAZ13D0nP pic.twitter.com/XrSp2YzwSu

  — BCCI Domestic (@BCCIdomestic) June 26, 2022 " class="align-text-top noRightClick twitterSection" data="

  𝗪𝗛𝗔𝗧. 𝗔. 𝗪𝗜𝗡! 👏 👏
  
  Madhya Pradesh beat Mumbai by 6 wickets & clinch their maiden #RanjiTrophy title👍 👍 @Paytm | #Final | #MPvMUM
  
  Scorecard ▶️ https://t.co/xwAZ13D0nP pic.twitter.com/XrSp2YzwSu

  — BCCI Domestic (@BCCIdomestic) June 26, 2022

  ">

  𝗪𝗛𝗔𝗧. 𝗔. 𝗪𝗜𝗡! 👏 👏
  
  Madhya Pradesh beat Mumbai by 6 wickets & clinch their maiden #RanjiTrophy title👍 👍 @Paytm | #Final | #MPvMUM
  
  Scorecard ▶️ https://t.co/xwAZ13D0nP pic.twitter.com/XrSp2YzwSu

  — BCCI Domestic (@BCCIdomestic) June 26, 2022

23 ವರ್ಷಗಳ ಬಳಿಕ ಫೈನಲ್, ಚಾಂಪಿಯನ್​: ಮಧ್ಯಪ್ರದೇಶ ತಂಡ ರಣಜಿ ಟೂರ್ನಿಯ ಸಾಧನೆ ಅಷ್ಟಕ್ಕಷ್ಟೇ. 23 ವರ್ಷಗಳ ಹಿಂದೆ ಅಂದರೆ, 1998-99 ರಲ್ಲಿ ಚಂದ್ರಕಾಂತ್​ ಪಂಡಿತ್​ ನೇತೃತ್ವದಲ್ಲಿ ಫೈನಲ್​ ಪ್ರವೇಶಿಸಿದ್ದರೂ ಟ್ರೋಫಿ ಗೆಲ್ಲುವಲ್ಲಿ ವಿಫಲವಾಗಿತ್ತು. ಆ ಬಳಿಕ ಅಂದಿನಿಂದ 23 ವರ್ಷಗಳವರೆಗೆ ಮಧ್ಯಪ್ರದೇಶ ಫೈನಲ್​ ತಲುಪಿರಲಿಲ್ಲ. 2022 ರ ಸಾಲಿನ ರಣಜಿಯಲ್ಲಿ ತಂಡ ಫೈನಲ್​ ತಲುಪುವ ಮೂಲಕ ಮುಂಬೈ ತಂಡವನ್ನು ಸೋಲಿಸಿ ಚಾಂಪಿಯನ್​ ಆಗುವ ಮೂಲಕ ಇತಿಹಾಸ ಬರೆದಿದೆ.

ರಾಷ್ಟ್ರೀಯ ತಂಡಕ್ಕೆ ಅದೆಷ್ಟೋ ಘಟಾನುಘಟಿ ಕ್ರಿಕೆಟಿಗರನ್ನು ನೀಡಿದ್ದ ಮುಂಬೈ ತಂಡ ಈ ಬಾರಿಯೂ ಚಾಂಪಿಯನ್​ ಆಗಲಿದೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ, ಮಧ್ಯಪ್ರದೇಶದ ಮುಂದೆ ತಂಡ ಖ್ಯಾತಿಗೆ ತಕ್ಕಂತೆ ಆಡುವಲ್ಲಿ ವಿಫಲವಾಯಿತು.

ನಡೆಯದ ಮುಂಬೈ ಆಟ: ಮೊದಲ ಇನಿಂಗ್ಸ್​ನಲ್ಲಿ ಭರವಸೆಯ ಆಟಗಾರ ಸರ್ಫರಾಜ್​ ಖಾನ್​ ಶತಕ ಮತ್ತು ಯಶಸ್ವಿ ಜೈಸ್ವಾಲ್​ ಅರ್ಧಶತಕ ಹೊರತಾಗಿ ಬೇರೆ ಆಟಗಾರರು ಹೆಚ್ಚಿನ ರನ್​ ಗಳಿಸದ ಕಾರಣ 374 ಮೊತ್ತ ದಾಖಲಿಸಿತ್ತು. ಇದಕ್ಕುತ್ತರವಾಗಿ ಮಧ್ಯಪ್ರದೇಶ ತಂಡ ಭರ್ಜರಿ ಬ್ಯಾಟಿಂಗ್ ಮಾಡಿತು. ಯಶ್ ದುಬೆ, ಶುಭಂ ಶರ್ಮಾ, ರಜತ್​ ಪಾಟೀದಾರ್​ರ ತ್ರಿವಳಿ ಶತಕಗಳು, ಸರನ್​ಶಾರ ಅರ್ಧಶತಕ ಬಲದಿಂದ ತಂಡ 536 ರನ್​ ಗಳಿಸಿ ಮುಂಬೈ ಭಾರಿ ಪೆಟ್ಟು ನೀಡಿತು.

4ನೇ ದಿನದ ಕೊನೆಯಲ್ಲಿ 2ನೇ ಇನಿಂಗ್ಸ್​ ಆರಂಭಿಸಿದ ಮುಂಬೈ ಬಿರುಸಿನ ಬ್ಯಾಟಿಂಗ್​ಗೆ ಇಳಿದು ಕೈಸುಟ್ಟುಕೊಂಡಿತು. ನಾಯಕ ಪೃಥ್ವಿ ಶಾ 44, ಮೊದಲ ಇನಿಂಗ್ಸ್​ನಲ್ಲಿ ಶತಕ ಸಿಡಿಸಿದ್ದ ಸರ್ಫರಾಜ್​ ಖಾನ್​ 45 ರನ್​ ಗಳಿಸಿದ್ದು ಬಿಟ್ಟರೆ ಯಾವ ಆಟಗಾರರು ಕನಿಷ್ಠ ಒಂದು ಅರ್ಧಶತಕ ದಾಖಲಿಸಲಿಲ್ಲ. ಇದರಿಂದ ತಂಡ 269 ರನ್​ಗಳಿಸಿತು.

ಮೊದಲ ಇನಿಂಗ್ಸ್​ನಲ್ಲಿ 162 ರನ್​ ಮುನ್ನಡೆ ಪಡೆದಿದ್ದ ಮಧ್ಯಪ್ರದೇಶ ಗೆಲ್ಲಲು 108 ರನ್​ಗಳ ಸಾಧಾರಣ ಮೊತ್ತವನ್ನು ಕೊನೆಯ ದಿನದಾಟದ 2ನೇ ಅವಧಿಯೊಳಗೆ ಗಳಿಸಿ ಗೆಲುವಿನ ನಗೆ ಬೀರಿತು.

ಪಂದ್ಯಶ್ರೇಷ್ಠ: ಶುಭಂ ಎಸ್​ ಶರ್ಮಾ

ಸರಣಿ ಶ್ರೇಷ್ಠ: ಸರ್ಫರಾಜ್​ ಖಾನ್​

ಇನಿಂಗ್ಸ್​ ಲೆಕ್ಕಾಚಾರ: ಮುಂಬೈ 374 &269, ಮಧ್ಯಪ್ರದೇಶ 536 & 108/4

ಓದಿ: ಭಾರತ-ಇಂಗ್ಲೆಂಡ್ ಟೆಸ್ಟ್‌ಗೂ ಮುನ್ನ ಕೋವಿಡ್‌ಗೆ ತುತ್ತಾದ ಕ್ಯಾಪ್ಟನ್ ರೋಹಿತ್ ಶರ್ಮಾ