3ನೇ ಟೆಸ್ಟ್​: ಟಾಸ್​ ಗೆದ್ದ ಭಾರತ ಬ್ಯಾಟಿಂಗ್ ಆಯ್ಕೆ, ಇಂಗ್ಲೆಂಡ್​ ತಂಡದಲ್ಲಿ 2 ಬದಲಾವಣೆ

ಭಾರತ ಈ ಮೈದಾನದಲ್ಲಿ ಕೊನೆಯ ಬಾರಿ ಸೋತಿರುವುದು 1967ರಲ್ಲಿ. ನಂತರ ಆಡಿರುವ 3 ಪಂದ್ಯಗಳಲ್ಲಿ ಟೀಂ ಇಂಡಿಯಾ 2ರಲ್ಲಿ ಜಯ ಸಾಧಿಸಿದರೆ, ಮತ್ತೊಂದು ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡಿತ್ತು. ಭಾರತ ಸ್ನೇಹಿ ಆಗಿರುವ ಈ ಮೈದಾನ ಇಂಗ್ಲೆಂಡ್ ಕಹಿ ನೆನಪಿನ ತಾಣವಾಗಿದೆ. ಈ ಮೈದಾನದಲ್ಲಿ ಆಡಿರುವ ಕೊನೆಯ 11 ಪಂದ್ಯಗಳಲ್ಲಿ 4ರಲ್ಲಿ ಗೆಲುವು ಸಾಧಿಸಿದ್ದರೆ, 6ರಲ್ಲಿ ಸೋಲು ಮತ್ತು ಒಂದರಲ್ಲಿ ಡ್ರಾ ಸಾಧಿಸಿದೆ.

ಲೀಡ್ಸ್​: ಇಂಗ್ಲೆಂಡ್​ ವಿರುದ್ಧದ 3ನೇ ಟೆಸ್ಟ್​ ಪಂದ್ಯದಲ್ಲಿ ಟಾಸ್​ ಗೆದ್ದ ಭಾರತ ತಂಡ ವಿರಾಟ್​ ಕೊಹ್ಲಿ ಬ್ಯಾಟಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಲಾರ್ಡ್ಸ್​ನಲ್ಲಿ ಗೆಲುವು ಸಾಧಿಸಿದ ತಂಡವನ್ನು ಇಂದಿನ ಪಂದ್ಯದಲ್ಲೂ ಉಳಿಸಿಕೊಳ್ಳಲಾಗಿದೆ.

ಆದರೆ, ಅತಿಥೇಯ ಇಂಗ್ಲೆಂಡ್ ತಂಡ ಎರಡು ಬದಲಾವಣೆ ಮಾಡಿಕೊಂಡಿದೆ. ಆರಂಭಿಕ ಬ್ಯಾಟ್ಸ್​ಮನ್ ಡಾಮ್​ ಸಿಬ್ಲೀ ಬದಲಿಗೆ ಡೇವಿಡ್​ ಮಲನ್​ ಮತ್ತು ವೇಗಿ ಮಾರ್ಕ್​ ​ವುಡ್​ ಬದಲಿಗೆ ಕ್ರೇಗ್​ ಓವರ್​ಟನ್​ರನ್ನು ಆಯ್ಕೆ ಮಾಡಿದೆ.

ಭಾರತದಲ್ಲಿ ಕೈಯಲ್ಲಿದ್ದ ಮೊದಲ ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡರೆ, 2ನೇ ಪಂದ್ಯದಲ್ಲಿ 151 ರನ್​ಗಳ ಜಯ ಸಾಧಿಸಿದ ಟೀಮ್ ಇಂಡಿಯಾ 5 ಪಂದ್ಯಗಳ ಸರಣಿಯನ್ನು 1-0ಯಲ್ಲಿ ಮುನ್ನಡೆ ಸಾಧಿಸಿದೆ. ಇದೀಗ ಲಾರ್ಡ್ಸ್​ ವಿಜಯದ ಹುಮ್ಮಸ್ಸಿನಲ್ಲಿರುವ ಭಾರತ ಲೀಡ್ಸ್​ ಟೆಸ್ಟ್​ ಗೆಲ್ಲುವ ಮೂಲಕ ಆಂಗ್ಲರ ವಿರುದ್ಧ 2-0ಯಲ್ಲಿ ಮುನ್ನಡೆ ಸಾಧಿಸುವತ್ತ ಕಣ್ಣಿಟ್ಟಿದೆ.

• Toss news from Headingley 🗞
  
  Virat Kohli has chosen to bat first in the third #ENGvIND Test 🏏#WTC23 | https://t.co/qmnhRc14r1 pic.twitter.com/kBo7cMbQTT

  — ICC (@ICC) August 25, 2021 " class="align-text-top noRightClick twitterSection" data="

  Toss news from Headingley 🗞
  
  Virat Kohli has chosen to bat first in the third #ENGvIND Test 🏏#WTC23 | https://t.co/qmnhRc14r1 pic.twitter.com/kBo7cMbQTT

  — ICC (@ICC) August 25, 2021

  ">

  Toss news from Headingley 🗞
  
  Virat Kohli has chosen to bat first in the third #ENGvIND Test 🏏#WTC23 | https://t.co/qmnhRc14r1 pic.twitter.com/kBo7cMbQTT

  — ICC (@ICC) August 25, 2021

19 ವರ್ಷಗಳ ನಂತರ ಮುಖಾಮುಖಿ:

ಭಾರತ ತಂಡ ಹೆಡಿಂಗ್ಲೆಯಲ್ಲಿ ಬರೋಬ್ಬರಿ 19 ವರ್ಷಗಳ ನಂತರ ಇಂಗ್ಲೆಂಡ್​ ಎದುರು ಕಣಕ್ಕಿಳಿಯಲಿದೆ. ಕೊನೆಯ ಬಾರಿ ಭಾರತ ತಂಡ ಸೌರವ್​ ಗಂಗೂಲಿ ನೇತೃತ್ವದಲ್ಲಿ ಈ ಕ್ರೀಡಾಂಗಣದಲ್ಲಿ ಆಡಿ, ಇನ್ನಿಂಗ್ಸ್​ ಹಾಗೂ 46 ರನ್​ಗಳಿಂದ ಆಂಗ್ಲರನ್ನು ಮಣಿಸಿತ್ತು. 2002 ಆಗಸ್ಟ್​ 22-26 ಮಧ್ಯೆ ನಡೆದಿದ್ದ ಆ ಪಂದ್ಯದಲ್ಲಿ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 628 ರನ್​ಗಳಿಸಿತ್ತು. ರಾಹುಲ್ ದ್ರಾವಿಡ್​(148), ಸಚಿನ್ ತೆಂಡೂಲ್ಕರ್​ 193 ಮತ್ತು ಸೌರವ್​ ಗಂಗೂಲಿ(128) ಭರ್ಜರಿ ಶತಕ ಸಿಡಿಸಿದ್ದರು. ಇದಕ್ಕುತ್ತರವಾಗಿ ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್​ನಲ್ಲಿ 273 ಮತ್ತು ಎರಡನೇ ಇನ್ನಿಂಗ್ಸ್​ನಲ್ಲಿ 309ರನ್​ಗಳಿಗೆ ಆಲೌಟ್ ಆಗಿ ಇನ್ನಿಂಗ್ಸ್​ ಮತ್ತು 46 ರನ್​ಗಳ ಸೋಲು ಕಂಡಿತ್ತು.

ಭಾರತ ಈ ಮೈದಾನದಲ್ಲಿ ಕೊನೆಯ ಬಾರಿ ಸೋತಿರುವುದು 1967ರಲ್ಲಿ. ನಂತರ ಆಡಿರುವ 3 ಪಂದ್ಯಗಳಲ್ಲಿ ಟೀಂ ಇಂಡಿಯಾ 2ರಲ್ಲಿ ಜಯ ಸಾಧಿಸಿದರೆ, ಮತ್ತೊಂದು ಪಂದ್ಯದಲ್ಲಿ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾಗಿತ್ತು.

ಭಾರತ ಸ್ನೇಹಿಯಾಗಿರುವ ಈ ಮೈದಾನ ಇಂಗ್ಲೆಂಡ್ ಕಹಿ ನೆನಪಿನ ತಾಣವಾಗಿದೆ. ಈ ಮೈದಾನದಲ್ಲಿ ಆಡಿರುವ ಕೊನೆಯ 11 ಪಂದ್ಯಗಳಲ್ಲಿ 4ರಲ್ಲಿ ಗೆಲುವು ಸಾಧಿಸಿದ್ದರೆ, 6ರಲ್ಲಿ ಸೋಲು ಮತ್ತು ಒಂದರಲ್ಲಿ ಡ್ರಾ ಸಾಧಿಸಿದೆ.

ಭಾರತ ತಂಡ : ರೋಹಿತ್ ಶರ್ಮಾ, ಕೆಎಲ್ ರಾಹುಲ್, ಚೇತೇಶ್ವರ್ ಪೂಜಾರ, ವಿರಾಟ್ ಕೊಹ್ಲಿ (ನಾಯಕ), ಅಜಿಂಕ್ಯ ರಹಾನೆ, ರಿಷಭ್ ಪಂತ್ (ವಿಕೆಟ್ ಕೀಪರ್) ರವೀಂದ್ರ ಜಡೇಜಾ, ಮೊಹಮ್ಮದ್ ಶಮಿ, ಇಶಾಂತ್ ಶರ್ಮಾ, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್

ಇಂಗ್ಲೆಂಡ್ ತಂಡ: ರೋರಿ ಬರ್ನ್ಸ್, ಹಸೀಬ್ ಹಮೀದ್, ಡೇವಿಡ್ ಮಲನ್, ಜೋ ರೂಟ್ (ನಾಯಕ), ಜಾನಿ ಬೈರ್‌ಸ್ಟೋವ್, ಜೋಸ್ ಬಟ್ಲರ್ (ವಿಕೆಟ್ ಕೀಪರ್​), ಮೊಯೀನ್ ಅಲಿ, ಸ್ಯಾಮ್ ಕರ್ರನ್, ಕ್ರೇಗ್ ಓವರ್‌ಟನ್, ಆಲ್ಲಿ ರಾಬಿನ್ಸನ್, ಜೇಮ್ಸ್ ಆಂಡರ್ಸನ್