ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ಗೆ ಸ್ಥಾನ ಪಡೆದ ಇಶಾನ್​ : ಕೆಎಲ್​ ರಾಹುಲ್​ ಬದಲಿ ಕಿಶನ್​

ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನಿಂದ ಗಾಯದ ಕಾರಣಕ್ಕೆ ಹೊರಬಿದ್ದಿರುವ ವಿಕೆಟ್ ಕೀಪರ್​ ಕಮ್​ ಬ್ಯಾಟರ್​ ಕೆಎಲ್ ರಾಹುಲ್​ ಬದಲಿಯಾಗಿ ಇಶಾನ್​ ಕಿಶನ್​ಗೆ ತಂಡದಲ್ಲಿ ಸ್ಥಾನ ದೊರೆತಿದೆ. ಈ ಮೂಲಕ ಟೆಸ್ಟ್​ ಕ್ರಿಕೆಟ್​ಗೆ ಪಾದಾರ್ಪಣೆ ಮಾಡಲಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ಮೇ 1 ರಂದು ಲಕ್ನೋ ಸೂಪರ್ ಜೈಂಟ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಐಪಿಎಲ್ 2023 ರ 43 ನೇ ಪಂದ್ಯದ ವೇಳೆ ಫೀಲ್ಡಿಂಗ್ ಮಾಡುವಾಗ ಕೆಎಲ್ ರಾಹುಲ್ ಅವರು ಬಲ ತೊಡೆಯ ಗಾಯಕ್ಕೆ ತುತ್ತಾದರು. ತಜ್ಞರೊಂದಿಗೆ ಸಮಾಲೋಚನೆ ನಡೆಸಿದ ನಂತರ, ರಾಹುಲ್ ಅವರಿಗೆ ಆದಷ್ಟು ಬೇಗ ಶಸ್ತ್ರಚಿಕಿತ್ಸೆಗೆ ಒಳಗಾಗಲು ನಿರ್ಧರಿಸಲಾಗಿದೆ ಮತ್ತು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಪುನರ್ವಸತಿ ಮಾಡಲು ನಿರ್ಧರಿಸಲಾಗಿದೆ. ಆಸ್ಟ್ರೇಲಿಯಾ ವಿರುದ್ಧ ಮುಂಬರುವ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ (WTC) ಫೈನಲ್‌ನಿಂದ ಅವರು ಹೊರಗುಳಿದಿದ್ದಾರೆ ಎಂದು ಬಿಸಿಸಿಐ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಜಯದೇವ್ ಉನದ್ಕತ್ ನೆಟ್ಸ್‌ನಲ್ಲಿ ಬೌಲಿಂಗ್ ಮಾಡುವಾಗ ಸೈಡ್ ರೋಪ್‌ನಿಂದ ಮುಗ್ಗರಿಸಿ ಎಡ ಭುಜಕ್ಕೆ ಗಾಯವಾಯಿತು. ತಜ್ಞರ ಸಮಾಲೋಚನೆಯ ಮಾಡಲಾಗುತ್ತಿದೆ. ಎಡಗೈ ವೇಗದ ಬೌಲರ್ ಪ್ರಸ್ತುತ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ತಮ್ಮ ಭುಜದ ಗಾಯಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದಾರೆ. ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನಲ್ಲಿ ಅವರು ಭಾಗವಹಿಸುವ ಬಗ್ಗೆ ಮುಂದಿನ ಹಂತದಲ್ಲಿ ನಿರ್ಧಾರ ತೆಗೆದುಕೊಳ್ಳಲಾಗುವುದು ಎಂದು ತಿಳಿಸಿದೆ.

• NEWS - KL Rahul ruled out of WTC final against Australia.
  
  Ishan Kishan named as his replacement in the squad.
  
  Standby players: Ruturaj Gaikwad, Mukesh Kumar, Suryakumar Yadav.
  
  More details here - https://t.co/D79TDN1p7H #TeamIndia

  — BCCI (@BCCI) May 8, 2023 " class="align-text-top noRightClick twitterSection" data="

  NEWS - KL Rahul ruled out of WTC final against Australia.
  
  Ishan Kishan named as his replacement in the squad.
  
  Standby players: Ruturaj Gaikwad, Mukesh Kumar, Suryakumar Yadav.
  
  More details here - https://t.co/D79TDN1p7H #TeamIndia

  — BCCI (@BCCI) May 8, 2023

  ">

  NEWS - KL Rahul ruled out of WTC final against Australia.
  
  Ishan Kishan named as his replacement in the squad.
  
  Standby players: Ruturaj Gaikwad, Mukesh Kumar, Suryakumar Yadav.
  
  More details here - https://t.co/D79TDN1p7H #TeamIndia

  — BCCI (@BCCI) May 8, 2023

ಉಮೇಶ್​ ಯಾದವ್​ ಮೇಲೆ ಬಿಸಿಸಿಐ ನಿಗಾ: ಏಪ್ರಿಲ್ 26 ರಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ನಡುವಿನ ಐಪಿಎಲ್​ನ 36ನೇ ಪಂದ್ಯದ ಸಮಯದಲ್ಲಿ ಉಮೇಶ್ ಯಾದವ್ ಎಡ ಮಂಡಿರಜ್ಜು ಗಾಯವನ್ನು ಅನುಭವಿಸಿದರು. ವೇಗದ ಬೌಲರ್ ಪ್ರಸ್ತುತ ಕೋಲ್ಕತ್ತಾ ನೈಟ್​ ರೈಡರ್ಸ್​ ವೈದ್ಯಕೀಯ ತಂಡದ ಆರೈಕೆಯಲ್ಲಿದ್ದಾರೆ. ಅವರ ಪುನರ್ವಸತಿ ಪ್ರಕ್ರಿಯೆಯ ಭಾಗವಾಗಿ ಕಡಿಮೆ ವೇಗದ ಬೌಲಿಂಗ್ ಅನ್ನು ಪ್ರಾರಂಭಿಸಿದ್ದಾರೆ. ಬಿಸಿಸಿಐ ವೈದ್ಯಕೀಯ ತಂಡವು ಕೆಕೆಆರ್ ವೈದ್ಯಕೀಯ ತಂಡದೊಂದಿಗೆ ನಿರಂತರ ಸಂಪರ್ಕದಲ್ಲಿದೆ ಮತ್ತು ಉಮೇಶ್ ಅವರ ಆರೋಗ್ಯದ ಮೇಲೆ ನಿಕಟವಾಗಿ ಗಮನ ಇರಿಸಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ರೇಸ್​ನಲ್ಲಿದ್ದ ಆಟಗಾರರಿವರು: ಕೆಎಲ್​ ರಾಹುಲ್​ ಟೆಸ್ಟ್​ ಚಾಂಪಿಯನ್​ಶಿಪ್​ನಿಂದ ಹೊರಕ್ಕೆ ಎಂಬ ಸುದ್ದಿ ಬರುತ್ತಿದ್ದಂತೆ ಆ ಸ್ಥಾನಕ್ಕೆ ಕೆಲ ಹೆಸರುಗಳು ಕೇಳಿಬಂದವು. ಐಪಿಎಲ್​ನಲ್ಲಿ ರಾಜಸ್ಥಾನ ಮುನ್ನಡೆಸುತ್ತಿರುವ ಸಂಜು ಸ್ಯಾಮ್ಸನ್​​, ಅಭಿಮನ್ಯು ಈಶ್ವರನ್​ ಹಾಗೂ ಐಪಿಎಲ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಯಶಸ್ವಿ ಜೈಸ್ವಾಲ್​ ಹೆಸರೂ ಕೇಳಿಬಂದಿತ್ತು. ಇವರ ಜೊತೆಗೆ ಇಶಾನ್​ ಕಿಶನ್​ಗೆ ಅವಕಾಶ ಹೆಚ್ಚಿದೆ ಎಂದು ಹೇಳಲಾಗಿತ್ತು. ​

ರಾಹುಲ್​ ಬದಲಿಯಾಗಿ ಇಶಾನ್ ಕಿಶನ್​ಗೆ ಸ್ಥಾನ: ಆಯ್ಕೆ ಸಮಿತಿಯು ಕೆಎಲ್ ರಾಹುಲ್ ಬದಲಿಗೆ ಇಶಾನ್ ಕಿಶನ್ ಅವರನ್ನು ಹೆಸರಿಸಿದೆ. ಆಡುವ ಬಳಗದಲ್ಲಿ ಅವಕಾಶ ಸಿಕ್ಕರೆ ಟೆಸ್ಟ್​ ಚಾಂಪಿಯನ್​ಶಿಪ್ ಕಿಶನ್​ ಅವರ ಪಾದಾರ್ಪಣೆಯ ಪಂದ್ಯವಾಗಿರಲಿದೆ. ಕಿಶಾನ್​ ಭಾರತವನ್ನು ಇದುವರೆಗೆ ಏಕದಿನ ಮತ್ತು ಟಿ20 ಯಲ್ಲಿ ಪ್ರತಿನಿಧಿಸಿದ್ದರು.

14 ಏಕದಿನ ಪಂದ್ಯವನ್ನು ಆಡಿರುವ ಕಿಶನ್​ 13 ಇನ್ನಿಂಗ್ಸ್​ನಲ್ಲಿ 42.5 ರ ಸರಾಸರಿಯಲ್ಲಿ 3 ಅರ್ಧಶತಕ, 1 ಶತಕ ಮತ್ತು 1 ದ್ವಿಶತಕದಿಂದ 510 ರನ್ ಗಳಸಿದ್ದಾರೆ. ​27 ಟಿ20 ಇನ್ನಿಂಗ್ಸ್​ನಲ್ಲಿ 4 ಅರ್ಧಶತಕದಿಂದ 25.12ರ ಸರಾಸರಿಯಲ್ಲಿ 653 ರನ್​ ಕಲೆಹಾಕಿದ್ದಾರೆ. ​

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನಭಾರತ ತಂಡ: ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಅಜಿಂಕ್ಯ ರಹಾನೆ, ಕೆಎಸ್ ಭರತ್ (ವಿಕೆಟ್​ ಕೀಪರ್​​), ರವಿಚಂದ್ರನ್ ಅಶ್ವಿನ್, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ಶಾರ್ದೂಲ್ ಠಾಕೂರ್, ಮೊಹಮ್ಮದ್. ಶಮಿ, ಮೊಹಮ್ಮದ್ ಸಿರಾಜ್, ಉಮೇಶ್ ಯಾದವ್, ಜಯದೇವ್ ಉನದ್ಕತ್, ಇಶಾನ್ ಕಿಶನ್ (ವಿಕೆಟ್​ ಕೀಪರ್​​).

ಸ್ಟ್ಯಾಂಡ್‌ಬೈ ಆಟಗಾರರು: ರುತುರಾಜ್ ಗಾಯಕ್‌ವಾಡ್, ಮುಖೇಶ್ ಕುಮಾರ್, ಸೂರ್ಯಕುಮಾರ್ ಯಾದವ್.

ಇದನ್ನೂ ಓದಿ: ಯಜುವೇಂದ್ರ ಚಹಲ್ ಐಪಿಎಲ್​ನ ಗರಿಷ್ಠ ವಿಕೆಟ್​ ಸರದಾರ: ರಾಜಸ್ಥಾನ Vs ಹೈದರಾಬಾದ್​ ಮ್ಯಾಚ್​ ಫೋಟೋಸ್