ಮುಂಬೈ: ವಾಖೆಂಡೆ ಕ್ರಿಡಾಂಗಣದಲ್ಲಿ ನಡೆದ ರಾಜಸ್ಥಾನ ರಾಯಲ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಪಂದ್ಯದಲ್ಲಿ ರಾಜಸ್ಥಾನ ತಂಡ ಕೊನೆಯ ಹಂತದಲ್ಲಿ ಮೋರಿಸ್ ಅಬ್ಬರದಿಂದ ರೋಚಕ ಗೆಲವು ಸಾಧಿಸಿದೆ. ಮೊದಲ ಪಂದ್ಯದಲ್ಲಿ ಸೋಲು ಕಂಡಿದ್ದ ರಾಯಲ್ಸ್ ಈ ಪಂದ್ಯದಲ್ಲಿ ಗೆಲ್ಲುವ ಮೂಲಕ ಮತ್ತೆ ಲಯಕ್ಕೆ ಮರಳಿದೆ.
ಡೆಲ್ಲಿ ಕ್ಯಾಪಿಟಲ್ಸ್ ಸೋಲಿಗೆ ಇಬ್ಬನಿ ಕಾರಣ ಎಂದು ತಂಡದ ನಾಯಕ ರಿಷಭ್ ಪಂತ್ ಹೇಳಿದ್ದಾರೆ. "ನಮ್ಮ ಬೌಲರ್‌ಗಳು ಆರಂಭದಲ್ಲಿ ಉತ್ತಮ ದಾಳಿ ನಡೆಸಿದರು. ಆದರೆ, ಕೊನೆಯಲ್ಲಿ ನಮ್ಮ ಬೌಲರ್ಗಳಿಂದ ಹೇಳಿಕೊಳ್ಳುವಂತಹ ಪ್ರದರ್ಶನ ಬರಲಿಲ್ಲ. ಪಂದ್ಯದ ಕೋನೆಯಲ್ಲಿ ಇಬ್ಬನಿ ಜಾಸ್ತಿ ಇದ್ದ ಕಾರಣ ಬಾಲ್ಗಳು ನಿಧಾನಗತಿಗೆ ತಿರುಗಿದವು, ಇದು ಬ್ಯಾಟ್ಸ್ಮನ್ಗಳಿಗೆ ಅನೂಕುಲವಾಯಿತು. ಹಾಗಾಗಿ ಅವರಿಗೆ ಗೆಲ್ಲಲು ಅನುಕೂಲವಾಯಿತು ಎಂದರು.
ನಾವು ಇಂದು ಇನ್ನೂ ಸ್ವಲ್ಪ ಚೆನ್ನಾಗಿ ಆಡಬಹುದಿತ್ತು. ನಮ್ಮ ತಂಡ ಇನ್ನೂ 15-20 ರನ್ಗಳಿಸಿದ್ದರೆ ನಾವೇ ಗೆಲ್ಲುತ್ತಿದ್ದೆವು ಎಂದು ರಿಷಭ್ ಪಂತ್ ಇದೆ ವೇಳೆ ಹೇಳಿದರು.
ಇದನ್ನೂ ಓದಿ : ನಾವು ಈ ಪಂದ್ಯವನ್ನು ಕಳೆದುಕೊಳ್ಳುತ್ತೇವೆ ಎಂದುಕೊಂಡಿದ್ದೆ: ಸಂಜು ಸ್ಯಾಮ್ಸನ್
