ವಿಶ್ವಕಪ್ ಕ್ರಿಕೆಟ್‌: ಗುರ್ಬಾಜ್, ಇಕ್ರಮ್ ಅರ್ಧಶತಕದಾಟ: ಇಂಗ್ಲೆಂಡ್‌ಗೆ 285 ರನ್ ಗುರಿ ನೀಡಿದ ಅಫ್ಘಾನಿಸ್ತಾನ

Cricket World Cup 2023 England vs Afghanistan Match: ದೆಹಲಿಯ ಫಿರೋಜ್​ ಶಾ ಕೋಟ್ಲಾ ಮೈದಾನದಲ್ಲಿ ಇಂದು ಇಂಗ್ಲೆಂಡ್​ ಮತ್ತು ಅಫ್ಘಾನಿಸ್ತಾನ ನಡುವೆ ವಿಶ್ವಕಪ್ ಕ್ರಿಕೆಟ್‌ ಪಂದ್ಯ ನಡೆಯುತ್ತಿದೆ.

ನವದೆಹಲಿ: ಏಕದಿನ ವಿಶ್ವಕಪ್‌ ಕ್ರಿಕೆಟ್‌ನ ಇಂದಿನ ಪಂದ್ಯದಲ್ಲಿ ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ ವಿರುದ್ಧ ಅಫ್ಘಾನಿಸ್ಥಾನದ ಬ್ಯಾಟರ್​ಗಳು ಉತ್ತಮ ಪ್ರದರ್ಶನ ನೀಡಿದರು. ರಹಮಾನುಲ್ಲಾ ಗುರ್ಬಾಜ್ ಮತ್ತು ಇಕ್ರಮ್ ಅಲಿಖಿಲ್ ಅವರ ಅರ್ಧಶತಕದ ಪ್ರದರ್ಶನದಿಂದ ಅಫ್ಘಾನ್ ತಂಡ 284 ರನ್​ ಕಲೆಹಾಕಿತು. ಆರಂಭಿಕರು ಮತ್ತು ಕೆಳ ಕ್ರಮಾಂಕದ ಪ್ರದರ್ಶನದ ಹೊರತಾಗಿ 49.5 ಓವರ್​ಗಳಿಗೆ ಅಫ್ಘನ್​ ಸರ್ವಪತನ ಕಂಡಿತು.

• Scores on the doors at the halfway stage...
  
  🇦🇫 Afghanistan are all out for 2️⃣8️⃣4️⃣.#EnglandCricket | #CWC23 pic.twitter.com/6zb0rrqpPq

  — England Cricket (@englandcricket) October 15, 2023 " class="align-text-top noRightClick twitterSection" data="

  Scores on the doors at the halfway stage...
  
  🇦🇫 Afghanistan are all out for 2️⃣8️⃣4️⃣.#EnglandCricket | #CWC23 pic.twitter.com/6zb0rrqpPq

  — England Cricket (@englandcricket) October 15, 2023

  ">

  Scores on the doors at the halfway stage...
  
  🇦🇫 Afghanistan are all out for 2️⃣8️⃣4️⃣.#EnglandCricket | #CWC23 pic.twitter.com/6zb0rrqpPq

  — England Cricket (@englandcricket) October 15, 2023

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗಿಳಿದ ಅಫ್ಘಾನಿಸ್ತಾನ ಉತ್ತಮ ಆರಂಭ ಪಡೆಯಿತಾದರೂ, ಮಧ್ಯಮ ಕ್ರಮಾಂಕದ ವೈಫಲ್ಯ ಕಂಡು ಬಂತು. ಕೆಳ ಕ್ರಮಾಂಕದ ಬ್ಯಾಟರ್​ಗಳು ಉತ್ತಮ ಪ್ರದರ್ಶನ ನೀಡಿದ್ದು ತಂಡ 300ರ ಗಡಿ ಸಮೀಪಿತು. ಮೊದಲ ಪಂದ್ಯದಲ್ಲಿ ನ್ಯೂಜಿಲೆಂಡ್​ ವಿರುದ್ಧ ದೊಡ್ಡ ಅಂತರದ ಸೋಲುಂಡ ಇಂಗ್ಲೆಂಡ್​ಗೆ ರನ್​ರೇಟ್​ ಚೇತರಿಕೆಗೆ ಭರ್ಜರಿ ಪ್ರದರ್ಶನದ ಗೆಲುವು ಬೇಕಿದೆ.

ಅಫ್ಘಾನಿಸ್ತಾನದಲ್ಲಿ ಆರಂಭಿಕ ಆಟಗಾರ ರಹಮಾನುಲ್ಲಾ ಗುರ್ಬಾಜ್ ಮತ್ತು ಇಬ್ರಾಹಿಂ ಜದ್ರಾನ್ ಉತ್ತಮ ಆರಂಭ ನೀಡಿದರು. ಗುರ್ಬಾಜ್​ ಅಬ್ಬರದ ಇನ್ನಿಂಗ್ಸ್​ ಕಟ್ಟುತ್ತಾ ಸಾಗಿದರು. ಹೊಸ ಬಾಲ್​ನಲ್ಲಿ ದೆಹಲಿ ಪಿಚ್​ನಲ್ಲಿ ಆಂಗ್ಲ ವೇಗಿಗಳ ಬೌಲಿಂಗ್​ ಪರಿಣಾಮ ಬೀರಲಿಲ್ಲ. ಇದನ್ನು ಲಾಭವಾಗಿ ಬಳಸಿಕೊಂಡ ಯುವ ಆಟಗಾರ ಗುರ್ಬಾಜ್ ಬೌಂಡರಿ, ಸಿಕ್ಸ್​​ರ್​ಗಳ ಮೂಲಕ ರನ್​ ಕದಿಯಲು ಪ್ರಾರಂಭಿಸಿದರು. ಮೊದಲ ಪವರ್​ ಪ್ಲೇ ಮುಕ್ತಾಯಕ್ಕೆ ಅಫ್ಘಾನ್​ ಶೂನ್ಯ ವಿಕೆಟ್​ ನಷ್ಟಕ್ಕೆ 79 ರನ್​ಗಳ ಪಾಲದಾರಿಕೆ ಮಾಡಿತು. ಇದು ವಿಶ್ವಕಪ್​ನಲ್ಲಿ 10 ಓವರ್​ಗೆ ಅಫ್ಘಾನ್​ ಗಳಿಸಿದ ಬೃಹತ್​ ಮೊತ್ತ.

ಶತಕದ ಜೊತೆಯಾಟ: ಆರಂಭಿಕ ಈ ಜೋಡಿ ಮುಂದುವರೆದು ಶತಕದ ಜೊತೆಯಾಟ ಆಚರಿಸಿಕೊಂಡಿತು. ಗುರ್ಬಾಜ್ ಒಂದೆಡೆ ಅಬ್ಬರದ ಇನ್ನಿಂಗ್ಸ್​ ಕಟ್ಟುತ್ತಾ ಸಾಗಿದರೆ, ಜದ್ರಾನ್ ಸಾಥ್​​ ನೀಡಿದರು. ಈ ವೇಳೆ ಇಂಗ್ಲೆಂಡ್​ನ ಟಾಪ್​ ಕ್ಲಾಸ್​ ಬೌಲರ್ ಆದಿಲ್ ರಶೀದ್​ ಫಿರೋಜ್​ ಶಾ ಕೋಟ್ಲಾ ಪಿಚ್​ನಲ್ಲಿ ತಮ್ಮ ಕೈಚಳಕ ತೋರಿದರು. 114 ರನ್​ಗಳ ಜೊತೆಯಾಡುತ್ತಿದ್ದಾಗ ಜದ್ರಾನ್​ (28) ವಿಕೆಟ್​ ಪಡೆದು ಜೊತೆಯಾಟವನ್ನು ಆದಿಲ್ ರಶೀದ್ ಬ್ರೇಕ್​ ಮಾಡಿದರು. ಜದ್ರಾನ್​ ಬೆನ್ನಲ್ಲೇ ರಹಮತ್ ಶಾ (3) ಸಹ ಆದಿಲ್ ರಶೀದ್​ಗೆ ವಿಕೆಟ್​ ಕೊಟ್ಟರು.

ಮಧ್ಯಮ ಕ್ರಮಾಂಕದ ವೈಫಲ್ಯ: 80 ರನ್​ ಗಳಿಸಿ ಆಡುತ್ತಿದ್ದ ಗುರ್ಬಾಜ್​ ರನ್​ ಔಟ್​ಗೆ ಬಲಿಯಾದರು. ಅವರು ಈ ಇನ್ನಿಂಗ್ಸ್​ನಲ್ಲಿ 8 ಬೌಂಡರಿ ಮತ್ತು 4 ಸಿಕ್ಸರ್​ಗಳನ್ನು ಗಳಿಸಿದ್ದರು. ಗುರ್ಬಾಜ್​ ಔಟ್​ ಬಳಿಕ ಹಶ್ಮತುಲ್ಲಾ ಶಾಹಿದಿ (14), ಅಜ್ಮತುಲ್ಲಾ ಒಮರ್ಜಾಯ್​ (19) ಮತ್ತು ಮೊಹಮ್ಮದ್ ನಬಿ (9) ವಿಕೆಟ್​ ಉರುಳಿತು. ಇದರಿಂದ ಮಧ್ಯಮ ಕ್ರಮಾಂಕದಲ್ಲಿ ರನ್​ ಬರಲೇ ಇಲ್ಲ.

ಕೆಳ ಕ್ರಮಾಂಕದ ಆಸರೆ: ಇಕ್ರಮ್ ಅಲಿಖಿಲ್ ಮತ್ತು ಆಲ್​ರೌಂಡರ್​ ರಶೀದ್ ಖಾನ್ ತಂಡಕ್ಕೆ ಕೆಳ ಕ್ರಮಾಂಕದಲ್ಲಿ ಆಸರೆ ಆದರು. ಇದರಿಂದ ಅಫ್ಘಾನಿಸ್ತಾನ 250ರ ಗಡಿ ದಾಟಿತು. ಇಕ್ರಮ್ ಅಲಿಖಿಲ್ 3 ಬೌಂಡರಿ ಮತ್ತು 2 ಸಿಕ್ಸ್​ನಿಂದ ಅರ್ಧಶತಕ ಗಳಿಸಿದರು. ರಶೀದ್ ಖಾನ್ (23), ಮುಜೀಬ್ ಉರ್ ರಹಮಾನ್ (28) ತಂಡಕ್ಕೆ ಕೊನೆಯಲ್ಲಿ ರನ್​ ಗಳಿಸಿದ್ದು 300ರ ಸಮೀಪಕ್ಕೆ ಗುರಿಯನ್ನು ಕೊಂಡೊಯ್ಯಿತು.

ಇಂಗ್ಲೆಂಡ್​ ಪರ ಆದಿಲ್ ರಶೀದ್ 3, ಮಾರ್ಕ್​ ವುಡ್​ 2 ವಿಕೆಟ್​ ಪಡೆದರೆ, ರೀಸ್ ಟೋಪ್ಲಿ, ಜೋ ರೂಟ್ ಮತ್ತು ಲಿಯಾಮ್ ಲಿವಿಂಗ್‌ಸ್ಟೋನ್ ತಲಾ ಒಂದು ವಿಕೆಟ್ ಕಬಳಿಸಿದರು.

ಇದನ್ನೂ ಓದಿ: ವಿಶ್ವಕಪ್​ನಲ್ಲಿ ಭಾರತಕ್ಕೆ ಹ್ಯಾಟ್ರಿಕ್​ ಗೆಲುವು: ಮುಂದಿನ ಸವಾಲೇನು? ಈ ತಂಡಗಳನ್ನು ಮಣಿಸುವುದೇ ರೋಹಿತ್‌ ಟೀಂ?