Ben Stokes: ಏಕದಿನ ವಿಶ್ವಕಪ್​: ನಿವೃತ್ತಿ ಹಿಂಪಡೆದು ಇಂಗ್ಲೆಂಡ್‌ ತಂಡಕ್ಕೆ ಬೆನ್ ಸ್ಟೋಕ್ಸ್?

ODI World Cup: ಏಕದಿನ ಕ್ರಿಕೆಟ್‌ಗೆ​ ನಿವೃತ್ತಿ ಘೋಷಿಸಿದ್ದ ಬೆನ್ ಸ್ಟೋಕ್ಸ್ ಅವರ​ನ್ನು ವಿಶ್ವಕಪ್​ ವೇಳೆ ತಂಡ ಸೇರಿಕೊಳ್ಳುವಂತೆ ಮನವಿ ಮಾಡಲಾಗುವುದು ಎಂದು ಕೋಚ್​ ಹೇಳಿದ್ದಾರೆ.

ಲಂಡನ್​ : ಭಾರತದಲ್ಲಿ ನಡೆಯಲಿರುವ ಏಕದಿನ ಕ್ರಿಕೆಟ್‌ ವಿಶ್ವಕಪ್‌ ಆರಂಭಕ್ಕೆ ದಿನ ಸಮೀಪಿಸುತ್ತಿದೆ. ವಿವಿಧ ಕ್ರಿಕೆಟ್​ ತಂಡಗಳು ಮಹತ್ವದ ಟ್ರೋಫಿ ಗೆಲ್ಲಲು ಕಾತರಿಸುತ್ತಿವೆ. ಇಂಗ್ಲೆಂಡ್​ ಪ್ರಶಸ್ತಿಯನ್ನು ತನ್ನಲ್ಲೇ ಉಳಿಸಿಕೊಳ್ಳಲು ಬಲಿಷ್ಠ ತಂಡ ಕಟ್ಟಲು ತಯಾರಿ ಮಾಡಿಕೊಳ್ಳುತ್ತಿದೆ. ಇದಕ್ಕಾಗಿ ಏಕದಿನ ಕ್ರಿಕೆಟ್​ಗೆ ನಿವೃತ್ತಿ ಹೇಳಿರುವ ಆಟಗಾರನಿಗೆ ಮಣೆ ಹಾಕಲಾಗುತ್ತಿದೆ ಎನ್ನಲಾಗಿದೆ. ಆ ನಿವೃತ್ತ ಆಟಗಾರ ಬೇರಾರೂ ಅಲ್ಲ, ಅವರೇ ಇಂಗ್ಲೆಂಡ್​ ಟೆಸ್ಟ್​ ತಂಡದ ನಾಯಕ ಬೆನ್ ಸ್ಟೋಕ್ಸ್​​. ಏಕದಿನ ತಂಡದ ನಾಯಕ ಜೋಸ್​ ಬಟ್ಲರ್​ ಅವರು ಸ್ಟೋಕ್ಸ್​ಗೆ ಮತ್ತೆ ಏಕದಿನಕ್ಕೆ ಮರಳುವಂತೆ ಕೇಳಿಕೊಂಡಿದ್ದಾರಂತೆ.

2019ರ ಏಕದಿನ ವಿಶ್ವಕಪ್​ ಮತ್ತು 2022ರ ಟಿ20 ವಿಶ್ವಕಪ್​ನಲ್ಲಿ ಬೆನ್ ಸ್ಟೋಕ್ಸ್​ ಅದ್ಭುತ ಆಲ್​ರೌಂಡ್​ ಪ್ರದರ್ಶನ ನೀಡಿದ್ದರು. ಬಟ್ಲರ್ ಏಕದಿನ ತಂಡಕ್ಕೆ ಸ್ಟೋಕ್ಸ್​ ಬಲ ಕೇಳಿದ್ದಾರೆ ಎಂದು ಲಂಡನ್​ನ ಮಾಧ್ಯಮಗಳಲ್ಲಿ ವರದಿಯಾಗಿದೆ. ಇಂಗ್ಲೆಂಡ್​ ತಂಡಕ್ಕೆ ಸ್ಟೋಕ್ಸ್​ ಆಡುವ ಬಗ್ಗೆ ಏಕದಿನ ತಂಡದ ಕೋಚ್​ ಮ್ಯಾಥ್ಯೂ ಮೋಟ್ ​ಮಾಧ್ಯಮವೊಂದಕ್ಕೆ ತಿಳಿಸಿದರು. ಮುಂದಿನ ಮಂಗಳವಾರದ ವೇಳೆಗೆ ವಿಶ್ವಕಪ್​ ತಂಡ ಪ್ರಕಟವಾಗುವ ಸಾಧ್ಯತೆ ಇದೆ.

• England white ball coach confirms Jos Buttler will speak Ben Stokes over reconsidering and comeback from ODI retirement. (To Mail Sport) pic.twitter.com/qqpTgMUWr2

  — CricketMAN2 (@ImTanujSingh) August 13, 2023 " class="align-text-top noRightClick twitterSection" data="

  England white ball coach confirms Jos Buttler will speak Ben Stokes over reconsidering and comeback from ODI retirement. (To Mail Sport) pic.twitter.com/qqpTgMUWr2

  — CricketMAN2 (@ImTanujSingh) August 13, 2023

  ">

  England white ball coach confirms Jos Buttler will speak Ben Stokes over reconsidering and comeback from ODI retirement. (To Mail Sport) pic.twitter.com/qqpTgMUWr2

  — CricketMAN2 (@ImTanujSingh) August 13, 2023

"ಜೋಸ್​ ಬಟ್ಲರ್​ ಅವರು ಸ್ಟೋಕ್ಸ್​ ಜೊತೆಗೆ ಮಾತನಾಡಿದ್ದಾರೆ. ಆದರೆ ಅವರಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ಬೆನ್​ ಒಪ್ಪಿಕೊಳ್ಳುವ ಭರವಸೆ ನಮ್ಮಲ್ಲಿದೆ. ಗಾಯದ ಸಮಸ್ಯೆಯಲ್ಲಿ ಇರುವುದರಿಂದ ಬೌಲರ್​ ಆಗಿ ತಂಡದಲ್ಲಿ ಪಾಲ್ಗೊಳ್ಳದಿದ್ದರೂ ಬ್ಯಾಟರ್​ ಆಗಿ ತಮ್ಮ ಕೊಡುಗೆ ನೀಡುತ್ತಾರೆ ಎಂದು ನಾವು ಭಾವಿಸುತ್ತೇವೆ" ಎಂದು ಮ್ಯಾಥ್ಯೂ ಮೋಟ್ ತಿಳಿಸಿದ್ದಾರೆ.

ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಆ್ಯಶಸ್ 2023ರಲ್ಲಿ ಸ್ಟೋಕ್ಸ್ ಉತ್ತಮ ಫಾರ್ಮ್‌ನಲ್ಲಿದ್ದರು. ಐದು ಪಂದ್ಯಗಳ ಸರಣಿಯನ್ನು 2-2ರಲ್ಲಿ ಇಂಗ್ಲೆಂಡ್‌ ಡ್ರಾ ಮಾಡಿಕೊಂಡಿತ್ತು. ಸ್ಟೋಕ್ಸ್​​ ಲಾರ್ಡ್ಸ್ ಟೆಸ್ಟ್‌ನಲ್ಲಿ ಎರಡು ಅರ್ಧಶತಕ ಮತ್ತು 155 ರನ್‌ಗಳ ಇನ್ನಿಂಗ್ಸ್ ಆಡಿದ್ದರು. ಆ್ಯಶಸ್​ನಲ್ಲಿ 45ರ ಸರಾಸರಿಯಲ್ಲಿ ಒಂಬತ್ತು ಇನ್ನಿಂಗ್ಸ್‌ ಮೂಲಕ 405 ರನ್‌ ಗಳಿಸಿದ್ದಾರೆ. ಈ ಮೂಲಕ ಸರಣಿಯಲ್ಲಿ 4ನೇ ಅತಿ ಹೆಚ್ಚು ರನ್ ಕಲೆಹಾಕಿದ ಆಟಗಾರ ಎನಿಸಿದ್ದಾರೆ.

ಅಮೋಘ ಫಾರ್ಮ್​ನಲ್ಲಿರುವ ಅನುಭವಿ ಸ್ಟೋಕ್ಸ್​ 2023ರ ಏಕದಿನ ವಿಶ್ವಕಪ್​ನಲ್ಲಿ ಇಂಗ್ಲೆಂಡ್​​ಗೆ ಮಹತ್ವದ ಆಟಗಾರ ಆಗಲಿದ್ದಾರೆ ಎಂದು ಅವರು ಹೇಳಿದ್ದಾರೆ. "ಇಡೀ ಆ್ಯಶಸ್ ಸರಣಿಯಲ್ಲಿ ಅವರನ್ನು ವೀಕ್ಷಿಸಿದಾಗ, ಉತ್ತಮ ಲಯದಲ್ಲಿ ಕಂಡುಬಂದಿರು. ಏಕದಿನ ಕ್ರಿಕೆಟ್​ನಲ್ಲಿ ಹಲವು ವರ್ಷಗಳ ಅನುಭವವಿರುವ ಬೆನ್​ ಇಂಗ್ಲೆಂಡ್​ಗೆ ಏಕದಿನ ಕ್ರಿಕೆಟ್​ನಲ್ಲೂ ಸಹಕರಿಸಬಲ್ಲರು. ವಿಶ್ವಕಪ್​ನಲ್ಲಿ ತಂಡಕ್ಕೆ ಉತ್ತಮ ರನ್ ಗಳಿಸುವ ಭರವಸೆ ಇದೆ" ಎಂದು ಮೋಟ್​​ ಹೇಳಿದರು.

ಕಳೆದ ವರ್ಷ ಅನಿರೀಕ್ಷಿತವಾಗಿ ಏಕದಿನ ಕ್ರಿಕೆಟ್​ಗೆ ಸ್ಟೋಕ್ಸ್​​ ನಿವೃತ್ತಿ ಘೋಷಿಸಿದ್ದರು. ಈ ಮಾದರಿಯಲ್ಲಿ105 ಪಂದ್ಯಗಳನ್ನಾಡಿದ್ದು, 3 ಶತಕ ಮತ್ತು 21 ಅರ್ಧ ಶತಕ ಒಳಗೊಂಡಂತೆ 38ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 2,924 ರನ್​ ಗಳಿಸಿದ್ದಾರೆ.

ಜೋಫ್ರಾ ಆರ್ಚರ್: ಇದೇ ವೇಳೆ ಕೋಚ್​​, ಆರ್ಚರ್​ ಬಗ್ಗೆ ಮಾತನಾಡಿ, "ವಿಶ್ವಕಪ್‌​ನಂತಹ ಕ್ರಿಕೆಟ್ ಆಡುವಾಗ ರಿಸ್ಕ್​​ ತೆಗೆದುಕೊಳ್ಳುವುದು ಅಗತ್ಯ. ಹೀಗಾಗಿ ಜೋಫ್ರಾ ಆರ್ಚರ್​ ಲಭ್ಯ ಇರುವಂತೆ ನಾವು ಯೋಚಿಸುತ್ತೇವೆ. ವಿಶ್ವಕಪ್​ಗೂ ಮುನ್ನ ಅವರ ಫಿಟ್​ನೆಸ್​ಗೆ ಅವಕಾಶ ಮಾಡಿಕೊಡುತ್ತೇವೆ" ಎಂದರು.

ಇದನ್ನೂ ಓದಿ: Cricket Records: 'RR' ಜೋಡಿಯ​ ದಾಖಲೆ ಸರಿಗಟ್ಟುವಲ್ಲಿ ಗಿಲ್ 'ಯಶಸ್ವಿ'!