ಮುರಿದ ಬ್ಯಾಟ್​ನಲ್ಲಿ ಸಿಕ್ಸರ್​ ಬಾರಿಸಿದ ಆಟಗಾರ್ತಿ- ವಿಡಿಯೋ

ವುಮೆನ್ಸ್​ ಬಿಗ್ ಬ್ಯಾಷ್​ ಲೀಗ್‌ನಲ್ಲಿ ಶನಿವಾರ ಪರ್ತ್ ಸ್ಕಾರ್ಚರ್ಸ್ ಮತ್ತು ಬ್ರಿಸ್ಬೇನ್ ಹೀಟ್‌ ನಡುವಿನ ಪಂದ್ಯದಲ್ಲಿ ಕುತೂಹಲದ ಘಟನೆ ನಡೆಯಿತು.

ಸಿಡ್ನಿ (ಆಸ್ಟ್ರೇಲಿಯಾ): ಕ್ರಿಕೆಟ್​ನಲ್ಲಿ ಬ್ಯಾಟರ್, ತನ್ನತ್ತ ಬರುವ ಎಸೆತವನ್ನು ಸೂಕ್ತ ರೀತಿಯಲ್ಲಿ ಎದುರಿಸಲು ಸಕಾಲಕ್ಕೆ ಬ್ಯಾಟ್​ ಬೀಸಬೇಕು. ಇಲ್ಲವಾದಲ್ಲಿ ವಿಕೆಟ್​ ಕೈಚೆಲ್ಲುವ ಸಾಧ್ಯತೆ ಹೆಚ್ಚಿರುತ್ತದೆ. ಬ್ಯಾಟ್​ಗೆ ಸರಿಯಾಗಿ ಚೆಂಡು ಕನೆಕ್ಟ್​​ ಆಗದೇ ಇದ್ದರೂ ಕ್ಯಾಚ್​ ಆಗುವ ಸಾಧ್ಯತೆ ಇರುತ್ತದೆ. ಆದರೆ ವುಮೆನ್ಸ್​ ಬಿಗ್ ಬ್ಯಾಷ್​ ಲೀಗ್‌ನಲ್ಲಿ​ (ಡಬ್ಲೂಬಿಬಿಎಲ್​) ಇಂಗ್ಲೆಂಡ್​​ನ ಬ್ಯಾಟರ್ ಗ್ರೇಸ್ ಹ್ಯಾರಿಸ್ ಮುರಿದ ಬ್ಯಾಟ್​ನಲ್ಲಿ ಸಿಕ್ಸ್​ ಬಾರಿಸಿದರು.

ಇಲ್ಲಿನ ನಾರ್ತ್ ಸಿಡ್ನಿ ಓವಲ್‌ ಮೈದಾನದಲ್ಲಿ ನಡೆಯುತ್ತಿರುವ ಡಬ್ಲೂಬಿಬಿಎಲ್​ನಲ್ಲಿ ಪರ್ತ್ ಸ್ಕಾರ್ಚರ್ಸ್ ಮತ್ತು ಬ್ರಿಸ್ಬೇನ್ ಹೀಟ್‌ ನಡುವಿನ ಪಂದ್ಯದಲ್ಲಿ ಈ ವಿದ್ಯಮಾನ ನಡೆಯಿತು. ತಂಡದ ಆರಂಭಿಕ ಆಟಗಾರ್ತಿ ಗ್ರೇಸ್ ಹ್ಯಾರಿಸ್ ಮುರಿದ ಕ್ರಿಕೆಟ್ ಬ್ಯಾಟ್‌ನಲ್ಲಿ ಸಿಕ್ಸರ್ ದಾಖಲಿಸಿದರು.

• Grace Harris with the broken bat:
  
  I'll still hit it for a six.
  
  - She does exactly that and smashed a six!pic.twitter.com/O4XXla6oad

  — Mufaddal Vohra (@mufaddal_vohra) October 22, 2023 " class="align-text-top noRightClick twitterSection" data="

  Grace Harris with the broken bat:
  
  I'll still hit it for a six.
  
  - She does exactly that and smashed a six!pic.twitter.com/O4XXla6oad

  — Mufaddal Vohra (@mufaddal_vohra) October 22, 2023

  ">

  Grace Harris with the broken bat:
  
  I'll still hit it for a six.
  
  - She does exactly that and smashed a six!pic.twitter.com/O4XXla6oad

  — Mufaddal Vohra (@mufaddal_vohra) October 22, 2023

ಬ್ಯಾಟ್​ ಮುರಿದ ಘಟನೆಗಳು ಕ್ರಿಕೆಟ್​ನಲ್ಲಿ ಬಹಳಷ್ಟು ನಡೆದಿವೆ. ಆದರೆ ಬ್ಯಾಟ್​ ಮುರಿದಾಗಲೂ ಚೆಂಡು ಸಿಕ್ಸ್​ ಗಡಿ ದಾಟಿ ಹೋಗಿರುವುದು ಅಪರೂಪ. ಇಂಥದ್ದೊಂದು ಘಟನೆ ಬ್ರಿಸ್ಬೇನ್ ಹೀಟ್‌ ತಂಡ 14ನೇ ಓವರ್​ನಲ್ಲಿ ಬ್ಯಾಟಿಂಗ್​ ಮಾಡುವಾಗ ಸಂಭವಿಸಿದೆ. ಪೈಪಾ ಕ್ಲಿಯರಿ ಅವರ ಎಸೆತಕ್ಕೆ ಗ್ರೇಸ್ ಹ್ಯಾರಿಸ್ ಬಲವಾಗಿ ಹೊಡೆದರು. ಈ ಹೊಡೆತದ ರಭಸಕ್ಕೆ ಬ್ಯಾಟ್​ನ ಹಿಡಿಕೆ ಮಾತ್ರ ಕೈಯಲ್ಲುಳಿದರೆ, ಉಳಿದ ಭಾಗ ಅರ್ಧ ಭಾಗ ಪಿಚ್​ ದಾಟಿ ಮುಂದಕ್ಕೆ ಬಿದ್ದಿತ್ತು. ಅತ್ತ ಬಾಲ್​ ಲಾಗ್​ ಆನ್ ಕಡೆ ಬೌಂಡರಿ ಲೈನ್​ ದಾಟಿತ್ತು. ಈ ಸಿಕ್ಸ್​ಗೆ ಸ್ವತಃ ಗ್ರೇಸ್ ಹ್ಯಾರಿಸ್ ಅಚ್ಚರಿ ವ್ಯಕ್ತಪಡಿಸಿದರು.

14ನೇ ಓವರ್​ನಲ್ಲಿ ಈ ಸಿಕ್ಸ್​ ಗಳಿಸುವ ಮುನ್ನ ಹ್ಯಾರಿಸ್​ ತನ್ನ ಬ್ಯಾಟ್​ನಿಂದ ಮುರಿದ ಸದ್ದು ಬಂದಿದೆ ಎಂದು ಜತೆಗಾರ್ತಿ ಬೆಸ್ ಹೀತ್​ಗೆ ಹೇಳುತ್ತಾರೆ. ಬೆಸ್ ಹೀತ್ ಹೊಸ ಬ್ಯಾಟ್​​ ಬೇಕಾ ಎಂದು ಕೇಳಿದಾಗ "ಇಲ್ಲಾ ಇದೇ ಬ್ಯಾಟ್​ನಲ್ಲಿ ಇನ್ನೊಂದು ಸಿಕ್ಸ್​ ಗಳಿಸುತ್ತೇನೆ" ಎಂದು ಹೇಳಿದ್ದಾರೆ. ಈ ಸಂಭಾಷಣೆ ವಿಕೆಟ್‌ನ ಮೈಕ್​ನಲ್ಲಿ ಸ್ಪಷ್ಟವಾಗಿ ಕೇಳಿಸಿದೆ. ಬಿರುಕು ಬಿಟ್ಟ ಬ್ಯಾಟ್​​ನಲ್ಲಿ ಬಿರುಸಾಗಿ ಹೊಡೆದು ಸಿಕ್ಸ್​ ಹ್ಯಾರಿಸ್​ ಸಿಕ್ಸ್​ ಗಳಿಸಿದರು.

ಗ್ರೇಸ್ ಹ್ಯಾರಿಸ್ ಶತಕದಾಟ: ಪಂದ್ಯದಲ್ಲಿ ಗ್ರೇಸ್​ ಹ್ಯಾರಿಸ್ ಭರ್ಜರಿ ಬ್ಯಾಟಿಂಗ್​ ಮಾಡಿದ್ದು ಶತಕ ದಾಖಲಿಸಿದರು. ಶನಿವಾರ ನಡೆದ ಇನ್ನಿಂಗ್ಸ್​ನಲ್ಲಿ ಕೇವಲ 59 ಬಾಲ್​ನಲ್ಲಿ 11 ಸಿಕ್ಸ್​ ಮತ್ತು 12 ಬೌಂಡರಿಯ ಸಹಾಯದಿಂದ 136 ರನ್​ ಕಲೆಹಾಕಿದರು. ಬೃಹತ್​ ಇನ್ನಿಂಗ್ಸ್​ ನೆರವಿನಿಂದ ತಂಡ 20 ಓವರ್​ಗೆ 7 ವಿಕೆಟ್​ ಕಳೆದುಕೊಂಡು 229 ರನ್​ ಗಳಿಸಿತು.

ಈ ಮೊತ್ತ ಬೆನ್ನತ್ತಿದ ಪರ್ತ್ ಸ್ಕಾರ್ಚರ್ಸ್​ಗೆ ಬ್ರಿಸ್ಬೇನ್ ಹೀಟ್​ನ ಕರ್ಟ್ನಿ ಸಿಪ್ಪೆಲ್ ಬೌಲಿಂಗ್​ನಲ್ಲಿ ಕಾಡಿದರು. ಸ್ಕಾರ್ಚರ್ಸ್ ನಿಗದಿತ ಓವರ್‌ಗಳ ಅಂತ್ಯಕ್ಕೆ 179 ರನ್​ ಗಳಿಸಲಷ್ಟೇ ಶಕ್ತರಾದರು. ಇದರಿಂದ ಬ್ರಿಸ್ಬೇನ್ ಹೀಟ್​ ತಂಡ 50 ರನ್‌ಗಳಿಂದ ಪಂದ್ಯ ಗೆದ್ದುಕೊಂಡಿತು.

ಇದನ್ನೂ ಓದಿ: World Cup 2023: ನ್ಯೂಜಿಲೆಂಡ್​ ವಿರುದ್ಧ ಟಾಸ್​ ಗೆದ್ದ ಭಾರತ ಬೌಲಿಂಗ್​ ಆಯ್ಕೆ: ಶಮಿ, ಸೂರ್ಯಕುಮಾರ್ ಕಣಕ್ಕೆ