ರಾಹುಲ್​​, ಮನೀಷ್ ಪಾಂಡೆ ಮಿಂಚಿನ ಅರ್ಧಶತಕ... ತ.ನಾಡು ವಿರುದ್ಧ ರಾಜ್ಯಕ್ಕೆ 9 ವಿಕೆಟ್ ಗೆಲುವು

ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯ ಸೂಪರ್​ ಲೀಗ್​​ ಹಂತದ ಪಂದ್ಯದಲ್ಲಿ ಮನೀಷ್ ಪಾಂಡೆ ನಾಯಕತ್ವದ ಕರ್ನಾಟಕ ತಂಡ ತಮಿಳುನಾಡ ತಂಡವನ್ನು 9 ವಿಕೆಟ್​​ಗಳಿಂದ ಮಣಿಸಿದೆ.

ಸೂರತ್: ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯ ಸೂಪರ್​ ಲೀಗ್​​ ಹಂತದ ಗ್ರೂಪ್​ ಬಿಯ ಕರ್ನಾಟಕ ಹಾಗೂ ತಮಿಳುನಾಡು ನಡುವಿನ ಪಂದ್ಯದಲ್ಲಿ ಕರ್ನಾಟಕ 9 ವಿಕೆಟ್​​ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಮೊದಲು ಬ್ಯಾಟ್ ಮಾಡಿದ ತಮಿಳುನಾಡು ನಿಗದಿತ 20 ಓವರ್​ನಲ್ಲಿ 7 ವಿಕೆಟ್ ನಷ್ಟಕ್ಕೆ 156 ರನ್​​ಗಳ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿತ್ತು. ತ.ನಾಡು ಪರ ನಾಯಕ ದಿನೇಶ್ ಕಾರ್ತಿಕ್​(43), ವಾಷಿಂಗ್ಟನ್ ಸುಂದರ್(39) ಹಾಗೂ ಕೊನೆಯಲ್ಲಿ ಮಿಂಚಿದ ವಿಜಯ್ ಶಂಕರ್​ 15 ಎಸೆತಕ್ಕೆ 25 ಬಾರಿಸಿ ತಂಡದ ಗೌರವ ಮೊತ್ತಕ್ಕೆ ಕಾರಣರಾದರು. ಕರ್ನಾಟಕ ಪರ ವಿ.ಕೌಶಿಕ್, ರೋನಿತ್ ಮೋರೆ ತಲಾ 2 ವಿಕೆಟ್ ಪಡೆದರು.

• Karnataka Won by 9 Wicket(s) #KARvTN @paytm #MushtaqAliT20 #SuperLeague Scorecard:https://t.co/1jsAbXSQO7

  — BCCI Domestic (@BCCIdomestic) November 21, 2019 " class="align-text-top noRightClick twitterSection" data="

  Karnataka Won by 9 Wicket(s) #KARvTN @paytm #MushtaqAliT20 #SuperLeague Scorecard:https://t.co/1jsAbXSQO7

  — BCCI Domestic (@BCCIdomestic) November 21, 2019

  ">

  Karnataka Won by 9 Wicket(s) #KARvTN @paytm #MushtaqAliT20 #SuperLeague Scorecard:https://t.co/1jsAbXSQO7

  — BCCI Domestic (@BCCIdomestic) November 21, 2019

159 ರನ್​ಗಳ ಗುರಿಯನ್ನು ಬೆನ್ನತ್ತಿದ ಕರ್ನಾಟಕ ಕೊಂಚವೂ ಹಿಡಿತ ತಪ್ಪದೆ ಬ್ಯಾಟ್ ಬೀಸಿತು. ಭರವಸೆಯ ಆರಂಭಿಕರಾದ ದೇವದತ್ ಪಡಿಕ್ಕಲ್ ಹಾಗೂ ಕೆ.ಎಲ್​.ರಾಹುಲ್ ಮೊದಲ ವಿಕೆಟ್​ಗೆ 70 ರನ್​ ಜೊತೆಯಾಟ ನಡೆಸಿ ಗೆಲುವು ಸುಲಭವಾಗಿಸಿದರು.

20 ಎಸೆತದಲ್ಲಿ 36 ರನ್ ಗಳಿಸಿದ್ದಾಗ ಪಡಿಕ್ಕಲ್ ಕ್ಯಾಚಿತ್ತು ನಿರ್ಗಮಿಸಿದರು. ಇನ್ನೊಂದೆಡೆ ಲೀಲಾಜಾಲವಾಗಿ ಬ್ಯಾಟಿಂಗ್ ನಡೆಸಿದ ರಾಹುಲ್ ಆಕರ್ಷಕ ಅರ್ಧಶತಕ ಗಳಿಸಿದರು. ನಾಯಕ ಮನೀಷ್ ಪಾಂಡೆ ಸಹ ಅರ್ಧಶತಕ ಗಡಿ ಮುಟ್ಟಿದರು.

ರಾಹುಲ್​​ 46 ಎಸೆತದಲ್ಲಿ 69 ಹಾಗೂ ಮನೀಷ್ ಪಾಂಡೆ 33 ಎಸೆತದಲ್ಲಿ 52 ರನ್ ಕಲೆಹಾಕಿ 16.2 ಓವರ್​​ನಲ್ಲಿ 161 ಗುರಿಮುಟ್ಟಿ ಸಂಭ್ರಮಿಸಿದರು. ಏಕೈಕ ವಿಕೆಟ್ ಮುರುಗನ್ ಅಶ್ವಿನ್ ಪಾಲಾಯಿತು.