ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನ 2020ರ ಆವೃತ್ತಿ ವರ್ಷಕ್ಕಿಂತ ಹೆಚ್ಚಿನ ವೀಕ್ಷಕರ ಸಂಖ್ಯೆಯನ್ನು ಗಳಿಸಿಕೊಂಡಿದೆ ಎಂದು ಬ್ರೋಡ್ಕಾಸ್ಟ್ ಆಡಿಯನ್ಸ್ ರೀಸರ್ಚ್ ಕೌನ್ಸಿಲ್(ಬಾರ್ಕ್) ಬಿಡುಗಡೆ ಮಾಡಿರುವ ದತ್ತಾಂಶಗಳಿಂದ ತಿಳಿದುಬಂದಿದೆ.
ಕ್ರಿಕೆಟ್ಅನ್ನು ಸಾಮಾನ್ಯ ಸ್ಥಿತಿಗೆ ಕೊಂಡೊಯ್ಯಲು ಪ್ರಯತ್ನಿಸುತ್ತಿರುವ ಐಪಿಎಲ್ಗೆ ವೀಕ್ಷಕರ ಆಶೀರ್ವಾದವಾಗಿದೆ. ದತ್ತಾಂಶಗಳ ಪ್ರಕಾರ ಕಳೆದ ಋತುವಿಗಿಂತ 13ನೇ ಆವೃತ್ತಿ ಐಪಿಎಲ್ ಹೆಚ್ಚಿನ ವೀಕ್ಷಕರನ್ನು ಸೆಳೆಯುತ್ತಿದೆ ಎಂದು ಬಾರ್ಕ್ ಇಂಡಿಯಾ ಟ್ವೀಟ್ ಮೂಲಕ ತಿಳಿಸಿದೆ.
ಬಾರ್ಕ್ ಬಿಡುಗಡೆ ಮಾಡಿರು ಡಾಟಾ ಪ್ರಕಾರ 13ನೇ ಆವೃತ್ತಿಯ 41 ಪಂದ್ಯಗಳು 21 ಚಾನೆಲ್ನಲ್ಲಿ ಸುಮಾರು 7 ಬಿಲಿಯನ್ ನಿಮಿಷಗಳ ವೀಕ್ಷಣೆ ಕಂಡಿದೆ. ಈ ಹಂತದಲ್ಲಿ 2019ರ ಆವೃತ್ತಿಗೆ ಹೋಲಿಸಿದರೆ ವೀಕ್ಷಣೆಯಲ್ಲಿ ಶೇಕಡಾ 28ರಷ್ಟು ಹೆಚ್ಚಾಗಿದೆ. 12ನೇ ಆವೃತ್ತಿಯ ಐಪಿಎಲ್ 44 ಪಂದ್ಯಗಳವರೆಗೆ 24 ಚಾನೆಲ್ಗಳಲ್ಲಿ 5.5 ಬಿಲಿಯನ್ ವೀಕ್ಷಣೆ ಪಡೆದಿತ್ತು.
ಈ ಡಾಟಾ ಪ್ರಕಾರ 13ನೇ ಆವೃತ್ತಿಯಲ್ಲಿ ಪ್ರತಿ ಪಂದ್ಯದ ವೀಕ್ಷಣೆಯೂ ಹಿಂದಿನ ಆವೃತ್ತಿಗಿಂತ ಹೆಚ್ಚಾಗಿದೆ. ಪ್ರೇಕ್ಷಕರಿಗೆ ಅವಕಾಶವಿಲ್ಲದ್ದರಿಂದ ಹಾಗೂ ಲಾಕ್ಡೌನ್ ವಿರುವುದರಿಂದ ಈ ಬಾರಿ ಐಪಿಎಲ್ ವೀಕ್ಷಣೆಯಲ್ಲಿ ಭಾರಿ ಏರಿಕೆ ಕಾಣಲು ಕಾರಣ ಎಂಬ ಮಾತು ಕೇಳಿ ಬರುತ್ತಿದೆ.
