ಗುಜರಾತ್​ನಲ್ಲಿ ನಿರ್ಮಾಣಗೊಂಡಿರುವ ವಿಶ್ವದ ಅತಿದೊಡ್ಡ ಕ್ರಿಕೆಟ್​​​​ ಸ್ಟೇಡಿಯಂ ಹೀಗಿದೆ ನೋಡಿ

2014ರಲ್ಲಿ ಕೊನೆಯ ಅಂತಾರಾಷ್ಟ್ರೀಯ ಕ್ರಿಕೆಟ್​ ಪಂದ್ಯ ನಡೆದಿದ್ದ ಈ ಕ್ರೀಡಾಂಗಣವನ್ನು ನವೀಕರಿಸಿರುವ ಗುಜರಾತ್​ ಕ್ರಿಕೆಟ್​ ಅಸೋಸಿಯೇಷನ್​ ಫೆಬ್ರವರಿ 24ರಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಅವರಿಂದ ಉದ್ಘಾಟನೆ ಮಾಡಿಸಲಿದೆ.

ಮುಂಬೈ: ಗುಜರಾತ್​ನಲ್ಲಿ ತಲೆ ಎತ್ತುತ್ತಿರುವ ವಿಶ್ವದಲ್ಲೇ ಅತ್ಯಂತ ದೊಡ್ಡ ಕ್ರಿಕೆಟ್​ ಮೊಟೇರಾ(ಸರ್ದಾರ್​ ವಲ್ಲಭಭಾಯ್​ ಪಟೇಲ್​) ಸ್ಟೇಡಿಯಂನ ವಿಹಂಗಮ ನೋಟದ ಅದ್ಭುತ ಚಿತ್ರವನ್ನು ಬಿಸಿಸಿಐ ತನ್ನ ಅಧಿಕೃತ ಟ್ವಿಟರ್​ನಲ್ಲಿ ಇದೇ ಮೊದಲ ಬಾರಿಗೆ ಶೇರ್​ ಮಾಡಿಕೊಂಡಿದೆ.

2014ರಲ್ಲಿ ಕೊನೆಯ ಅಂತಾರಾಷ್ಟ್ರೀಯ ಕ್ರಿಕೆಟ್​ ಪಂದ್ಯ ನಡೆದಿದ್ದ ಈ ಕ್ರೀಡಾಂಗಣವನ್ನು ನವೀಕರಿಸಿರುವ ಗುಜರಾತ್​ ಕ್ರಿಕೆಟ್​ ಅಸೋಸಿಯೇಷನ್​ ಫೆಬ್ರವರಿ 24ರಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಅವರಿಂದ ಉದ್ಘಾಟನೆ ಮಾಡಿಸಲಿದೆ.

ಮೋದಿಯವರ ಕನಸಿನ ಕ್ರಿಕೆಟ್ ಸ್ಟೇಡಿಯಂ ಆಗಿರುವ ಇದಕ್ಕೆ ಬರೋಬ್ಬರಿ 6 ವರ್ಷಗಳ ಕಾಲ ದುರಸ್ತಿ ಕಾಮಗಾರಿ ನಡೆಸಲಾಗಿದೆ. ಈ ಸ್ಟೇಡಿಯಂನಲ್ಲಿ 1 ಲಕ್ಷದ 10 ಸಾವಿರ ಮಂದಿ ಕುಳಿತು ಪಂದ್ಯಗಳನ್ನು ವೀಕ್ಷಿಸಬಹುದಾಗಿದೆ. ಈ ಮೂಲಕ ವಿಶ್ವದಲ್ಲೇ ಅತ್ಯಂತ ದೊಡ್ಡದಾಡ ಕ್ರಿಕೆಟ್​ ಸ್ಟೇಡಿಯಂ ಎಂಬ ಕೀರ್ತಿಗೆ ಮೊಟೇರಾ ಸ್ಟೇಡಿಯಂ ಪಾತ್ರವಾಗಲಿದೆ. ಈ ಹಿಂದೆ ಆಸ್ಟ್ರೇಲಿಯಾದಲ್ಲಿರುವ 1 ಲಕ್ಷ ಮಂದಿ ಕೂರಬಹುದಾದ ಮೆಲ್ಬೋರ್ನ್​ ಕ್ರಿಕೆಟ್​ ಸ್ಟೇಡಿಯಂ ವಿಶ್ವದ ಅತ್ಯಂತ ದೊಡ್ಡ ಕ್ರಿಕೆಟ್​ ಸ್ಟೇಡಿಯಂ ಆಗಿತ್ತು.

• #MoteraStadium
  Ahmedabad, India 🇮🇳
  Seating capacity of more than 1,10,000
  World's largest #Cricket stadium pic.twitter.com/FKUhhS0HK5

  — BCCI (@BCCI) February 18, 2020 " class="align-text-top noRightClick twitterSection" data="

  #MoteraStadium
  Ahmedabad, India 🇮🇳
  Seating capacity of more than 1,10,000
  World's largest #Cricket stadium pic.twitter.com/FKUhhS0HK5

  — BCCI (@BCCI) February 18, 2020

  ">

  #MoteraStadium
  Ahmedabad, India 🇮🇳
  Seating capacity of more than 1,10,000
  World's largest #Cricket stadium pic.twitter.com/FKUhhS0HK5

  — BCCI (@BCCI) February 18, 2020

"ಮೊಟೇರಾ ಸ್ಟೇಡಿಯಂ, ಅಹ್ಮದಾಬಾದ್​, ಭಾರತ,​ ವಿಶ್ವದ ಅತ್ಯಂತ ದೊಡ್ಡ ಸ್ಟೇಡಿಯಂ, 1,10,000 ಮಂದಿ ಕುಳಿತುಕೊಳ್ಳಬಹುದಾದ ವಿಶ್ವದ ಅತ್ಯಂತ ದೊಡ್ಡ ಸ್ಟೇಡಿಯಂ" ಎಂದು ಬರೆದು ಸ್ಟೇಡಿಯಂನ ವಿಹಂಗಮ ನೋಟದ ಫೋಟೋವನ್ನು ಬಿಸಿಸಿಐ ಶೇರ್​ ಮಾಡಿಕೊಂಡಿದೆ.

ಅಮೆರಿಕದ ಅಧ್ಯಕ್ಷ ಟೊನಾಲ್ಡ್​ ಟ್ರಂಪ್​ ಹಾಗೂ ಪತ್ನಿ ಮಲೇನಿಯಾ ಟ್ರಂಪ್​ ಭಾಗವಹಿಸುವ 'ನಮಸ್ತೆ ಟ್ರಂಪ್'​ ಕಾರ್ಯಕ್ರಮ ಇದೇ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಈಗಾಗಲೇ ಗುಜರಾತ್​ ಮುಖ್ಯಮಂತ್ರಿ ವಿಜಯ್​ ರೂಪಾನಿ ಸ್ಥಳಕ್ಕೆ ಭೇಟಿ ನೀಡಿ ಭದ್ರತಾ ವ್ಯವಸ್ಥೆ ಬಗ್ಗೆ ಪರಿಶೀಲಿಸಿದ್ದಾರೆ.

ಈ ಕ್ರೀಡಾಂಗಣದಲ್ಲಿ ಏಷ್ಯಾ ಇಲೆವೆನ್​ ಹಾಗೂ ವಿಶ್ವ ಇಲೆವೆನ್​ ನಡುವೆ ಮೊದಲ ಪಂದ್ಯ ನಡೆಯಬೇಕಿತ್ತು. ಆದರೆ ನಿರ್ಮಾಣ ಹಂತದ ಕಾರ್ಯ ನಿಗದಿತ ಸಮಯಕ್ಕೆ ಮುಗಿಯದ ಕಾರಣ ಪಂದ್ಯ ರದ್ದು ಮಾಡಲಾಯಿತು. ಇನ್ನು ಮುಂದಿನ ವರ್ಷ ಇಂಗ್ಲೆಂಡ್ ವಿರುದ್ಧ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನ ಸರಣಿಯಲ್ಲಿ ಯಾವುದಾದರೊಂದು ಪಂದ್ಯವನ್ನು ಹಗಲು-ರಾತ್ರಿ ಪಂದ್ಯವಾಗಿ ಇದೇ ಕ್ರೀಡಾಂಗಣದಲ್ಲಿ ನಡೆಸಲು ತೀರ್ಮಾನಿಸಲಾಗಿದೆ.