ನ್ಯಾಟಿಂಗ್ಹ್ಯಾಮ್: ಐಸಿಸಿ ವಿಶ್ವಕಪ್ನಲ್ಲಿ ಬಲಿಷ್ಠ ಆಫ್ರಿಕಾ ಹಾಗೂ ವೆಸ್ಟ್ ಇಂಡೀಸ್ ತಂಡಗಳನ್ನ ಮಣಿಸಿ ಅನಿರೀಕ್ಷಿತ ಫಲಿತಾಂಶ ನೀಡಿದ್ದ ಮುಶ್ರಫೆ ಪಡೆ ಕಾಂಗರೂ ವಿರುದ್ಧ ಸೋಲು ಕಂಡಿದೆ.
ಕಾಂಗರೂ ವಿರುದ್ಧ ನಡೆದ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನದ ಹೊರತಾಗಿ ಬಾಂಗ್ಲಾದೇಶ 48ರನ್ಗಳ ಸೋಲು ಕಂಡಿದ್ದು, ಸೆಮಿಫೈನಲ್ ಹಾದಿಯನ್ನ ಮತ್ತಷ್ಟು ಕಠಿಣ ಮಾಡಿಕೊಂಡಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ ಆರಂಭಿಕ ಆಟಗಾರರಾದ ಡೇವಿಡ್ ವಾರ್ನರ್(166), ಆ್ಯರೋನ್ ಫಿಂಚ್(53) ಹಾಗೂ ಉಸ್ಮಾನ್ ಖವಾಜಾ(89)ರನ್ಗಳ ನೇರವಿನಿಂದ ನಿಗದಿತ 50 ಓವರ್ಗಳಲ್ಲಿ 5ವಿಕೆಟ್ನಷ್ಟಕ್ಕೆ ಬೃಹತ್ 381ರನ್ ಪೇರಿಸಿತು. ಇನ್ನು ಮ್ಯಾಕ್ಸವೆಲ್ ಕೇವಲ 10 ಎಸೆತಗಳಲ್ಲಿ 32ರನ್ಗಳಿಸಿ ತಂಡದ ಮೊತ್ತವನ್ನ ಮತ್ತಷ್ಟು ಹೆಚ್ಚಿಸಿದರು.
ಇದರ ಬೆನ್ನತ್ತಿದ್ದ ಬಾಂಗ್ಲಾ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಮುಶ್ಫಿಕರ್ ರಹೀಂ ಅಜೇಯ(102)ರನ್ ಹಾಗೂ ಮಹಮದುಲ್ಲಾ(62) ಹಾಗೂ ಆರಂಭಿಕ ತಮೀಮ್ ಇಕ್ಬಾಲ್(62)ರನ್ಗಳ ಹೊರತಾಗಿ ಕೂಡ 333ರನ್ಗಳಿಸಿ ಸೋಲು ಕಾಣುವಂತಾಯಿತು. ವೆಸ್ಟ್ ಇಂಡೀಸ್ ವಿರುದ್ಧ ಅಬ್ಬರಿಸಿದ್ದ ಲಿಟಾನ್ ದಾಸ್ ಹಾಗೂ ಶಕೀಬ್ ಅಲ್ ಹಸನ್ ನಿರಾಸೆ ಮೂಡಿಸಿದರು.
ಆಸ್ಟ್ರೇಲಿಯಾ ಪರ ಉತ್ತಮ ಬೌಲಿಂಗ್ ಪ್ರದರ್ಶನ ನೀಡಿದ ಮಿಚೆಲ್ ಸ್ಟ್ರಾಕ್,ನಾಥನ್ ಕೌಲ್ಟರ್ ನೇಲ್ ಹಾಗೂ ಮಾರ್ಕಸ್ ಸ್ಟೋನಿಸ್ ತಲಾ 2ವಿಕೆಟ್ ಪಡೆದುಕೊಂಡರೆ, ಜಂಪಾ 1ವಿಕೆಟ್ ಪಡೆದುಕೊಂಡರು.
