ದುಬೈ(ಯುಎಇ): ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಒಂದಿಲ್ಲೊಂದು ಹೊಸ ದಾಖಲೆ ನಿರ್ಮಾಣ ಸಹಜ ಬೆಳವಣಿಗೆ. ಇದೀಗ ಏಷ್ಯಾ ಕಪ್ ಟೂರ್ನಿಯಲ್ಲಿ ಅಫ್ಘಾನಿಸ್ತಾನ ವಿರುದ್ಧ ನಡೆದ ಪಂದ್ಯದಲ್ಲಿ ಅಂಥದ್ದೊಂದು ಸಾಧನೆ ಕಂಡುಬಂದಿದೆ. ಟೀಂ ಇಂಡಿಯಾ ಸ್ವಿಂಗ್ ಕಿಂಗ್ ಖ್ಯಾತಿಯ ಭುವನೇಶ್ವರ್ ಕುಮಾರ್ ಅಪರೂಪದ ಹೊಸ ದಾಖಲೆ ಬರೆದರು.
-
A stunning five-wicket haul for Bhuvneshwar Kumar 🎉#INDvAFG | #AsiaCup2022 | Scorecard: https://t.co/z8iw8dn85Q pic.twitter.com/JUwtuQriMg
— ICC (@ICC) September 8, 2022 " class="align-text-top noRightClick twitterSection" data="
">A stunning five-wicket haul for Bhuvneshwar Kumar 🎉#INDvAFG | #AsiaCup2022 | Scorecard: https://t.co/z8iw8dn85Q pic.twitter.com/JUwtuQriMg
— ICC (@ICC) September 8, 2022A stunning five-wicket haul for Bhuvneshwar Kumar 🎉#INDvAFG | #AsiaCup2022 | Scorecard: https://t.co/z8iw8dn85Q pic.twitter.com/JUwtuQriMg
— ICC (@ICC) September 8, 2022
ಏಷ್ಯಾ ಕಪ್ನಲ್ಲಿ ಹೇಳಿಕೊಳ್ಳುವ ಪ್ರದರ್ಶನ ನೀಡುವಲ್ಲಿ ವಿಫಲವಾಗಿದ್ದ ಭುವಿ ನಿನ್ನೆಯ ಪಂದ್ಯದಲ್ಲಿ ಬೆಂಕಿಯಂತೆ ಬೌಲಿಂಗ್ ಮಾಡಿದ್ದಾರೆ. ತಾವು ಎಸೆದ 4 ಓವರ್ಗಳಲ್ಲಿ ಕೇವಲ 4 ರನ್ ನೀಡಿದ್ರು. ಅಷ್ಟೇ ಏಕೆ?, ಪ್ರಮುಖ 5 ವಿಕೆಟ್ ಕಿತ್ತರು. ಇಷ್ಟಕ್ಕೆ ಮುಗಿದಿಲ್ಲ, 1 ಓವರ್ ಮೆಡನ್ ಕೂಡಾ ಮಾಡಿದ್ದಾರೆ. ಇದರ ಜೊತೆಗೆ, ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಭಾರತೀಯ ಬೌಲರ್ವೊಬ್ಬ ಕೇವಲ 1ರ ಎಕಾನಮಿಯಲ್ಲಿ ರನ್ ನೀಡಿರುವ ದಾಖಲೆಯೂ ಭುವಿ ಬತ್ತಲಿಕೆ ಸೇರಿತು.
ಕೆನಡಾದ ಸಾದ್ ಬಿನ್ ಜಾಫರ್ ಪನಾಮ ತಂಡದ ವಿರುದ್ಧದ ಪಂದ್ಯದಲ್ಲಿ ತಾವು ಎಸೆದ 4 ಓವರ್ಗಳಲ್ಲಿ ಯಾವುದೇ ರನ್ ನೀಡದೇ 2 ವಿಕೆಟ್ ಪಡೆದುಕೊಂಡಿರುವುದು ಇದುವರೆಗಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ದಾಖಲೆಯಾಗಿದೆ.
ಇದನ್ನೂ ಓದಿ: 'ನಿನ್ನೆಯಷ್ಟೇ ಅವರೊಂದಿಗೆ ಮಾತನಾಡಿದ್ದೆ, ದೊಡ್ಡದು ನಡೆಯುವ ಸೂಚನೆ ಸಿಕ್ಕಿತ್ತು': ಎಬಿಡಿ
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ 84 ವಿಕೆಟ್ ಪಡೆದುಕೊಂಡಿರುವ ಭುವಿ, ಚಹಲ್ ದಾಖಲೆ ಸಹ ಪುಡಿಗಟ್ಟಿದ್ದಾರೆ. ಈ ಮೂಲಕ ಟಿ20ಯಲ್ಲಿ ಹೆಚ್ಚು ವಿಕೆಟ್ ಕಿತ್ತಿರುವ ಭಾರತೀಯ ಬೌಲರ್ ಆಗಿದ್ದಾರೆ. ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಒಂದಕ್ಕಿಂತಲೂ ಹೆಚ್ಚು ಸಲ 5 ವಿಕೆಟ್ ಕಬಳಿಸಿದ ಮೊದಲ ಭಾರತೀಯ ಬೌಲರ್ ಭುವನೇಶ್ವರ್ ಕುಮಾರ್ ಅನ್ನೋದು ವಿಶೇಷ.
ಭುವನೇಶ್ವರ್ ಕುಮಾರ್ ದಾಖಲೆಗಳು..: ಭುವನೇಶ್ವರ್ ಕುಮಾರ್ ಟಿ20ಯಲ್ಲಿ 2ನೇ ಬಾರಿಗೆ ಐದು ವಿಕೆಟ್ ಸಾಧನೆ ಮಾಡಿದ್ದಾರೆ. 2018ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಜೊಹಾನ್ಸ್‌ಬರ್ಗ್‌ನಲ್ಲಿ 24 ರನ್‌ಗೆ 5 ವಿಕೆಟ್ ಸಾಧನೆ ಮಾಡಿದ್ದಾರೆ. ಅದಲ್ಲದೆ, ಟಿ20ಯಲ್ಲಿ ಭಾರತೀಯ ಬೌಲರ್‌ನ 3ನೇ ಶ್ರೇಷ್ಠ ನಿರ್ವಹಣೆ ಎನಿಸಿದೆ. ದೀಪಕ್‌ ಚಹರ್‌ (7 ರನ್‌ಗೆ 6 ವಿಕೆಟ್) ಹಾಗೂ ಯಜುವೇಂದ್ರ ಚಾಹಲ್‌ (25ರನ್‌ಗೆ 6 ವಿಕೆಟ್) ವಿಕೆಟ್ ಪಡೆದುಕೊಂಡಿದ್ದಾರೆ.
