ಕೋಲ್ಕತ್ತಾ: ಬಿಸಿಸಿಐ ಶನಿವಾರ ನಡೆದ ಮಂಡಳಿಯ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ. ಪಂದ್ಯದ ಅಧಿಕಾರಿಗಳು ಮತ್ತು ಕೋಚಿಂಗ್ ಸಿಬ್ಬಂದಿಯ ವಯೋಮಿತಿಯನ್ನು 5 ವರ್ಷಗಳ ಕಾಲ ಏರಿಕೆ ಮಾಡಿ ನಿರ್ಣಯ ತೆಗೆದುಕೊಂಡಿದೆ.
ಬೆಂಬಲ ಸಿಬ್ಬಂದಿ ಮತ್ತು ಪಂದ್ಯದ ವಿವಿಧ ಅಧಿಕಾರಿಗಳ ವಯೋಮಿತಿಯನ್ನು ಅವರ ಫಿಟ್ನೆಸ್ ಆಧಾರದ ಮೇಲೇ 60ರಿಂದ 65ಕ್ಕೆ ಏರಿಸಲಾಗಿದೆ ಎಂದು ಬಿಸಿಸಿಐ 90ನೇ ವಾರ್ಷಿಕ ಸಭೆಯ ನಂತರ ಹೇಳಿಕೆ ಬಿಡುಗಡೆ ಮಾಡಿದೆ.
ಬಿಸಿಸಿಐ ಈ ನಿರ್ಧಾರ ಕೆಲವು ಅಂಪೈರ್ಗಳು, ಸ್ಕೋರರ್ಸ್ ಮತ್ತು ರೆಫ್ರಿಗಳಿಗೆ ಅನುಕೂಲಕರವಾಗಿದೆ. ನಾವೂ ಕೆಲವು ಮಾರ್ಗಸೂಚಿಗಳನ್ನು ಪಡೆದಿದ್ದು, ಇದರಿಂದ ಅವರೆಲ್ಲರೂ ನಿವೃತ್ತಿಗೆ ಹೆಚ್ಚುವರಿಯಾಗಿ 5 ವರ್ಷಗಳನ್ನು ಪಡೆಯಲಿದ್ದಾರೆ ಎಂದು ಅಧಿಕಾರಿ ಪಿಟಿಐಗೆ ಮಾಹಿತಿ ನೀಡಿದ್ದಾರೆ.
ಇದೇ ಸಂದರ್ಭದಲ್ಲಿ ಈಶಾನ್ಯ ರಾಜ್ಯಗಳು, ಪುದುಚೇರಿ, ಬಿಹಾರ್ ಮತ್ತು ಉತ್ತರಾಖಂಡ ರಾಜ್ಯ ಕ್ರಿಕೆಟ್ ಮಂಡಳಿಗಳ ಅಭಿವೃದ್ದಿಗಾಗಿ ಕೆಲವು ಕಾರ್ಯಕ್ರಮಗಳನ್ನು ಜಾರಿಗೊಳಿಸಲಾಯಿತು. ಇದಕ್ಕಾಗಿ ಪ್ರತಿ ರಾಜ್ಯ ಅಸೋಸಿಯೇಷನ್ಗೆ 10 ಕೋಟಿ ರೂಗಳನ್ನು ಜಾರಿಗೊಳಿಸಿಲಾಯಿತು ಎಂದು ಅಧಿಕಾರಿ ತಿಳಿಸಿದ್ದಾರೆ.
ಇದನ್ನೂ ಓದಿ:ಟೆಸ್ಟ್‌, ಏಕದಿನ ಪಂದ್ಯಗಳ ಸರಣಿಗಾಗಿ ಭಾರತ ತಂಡದಿಂದ ದ.ಆಫ್ರಿಕಾ ಪ್ರವಾಸ ; ಇನ್ನೂ ನಿರ್ಧಾರವಾಗದ ಟಿ-20 ವೇಳಾಪಟ್ಟಿ
