ಸ್ಯಾಂಡಲ್ವುಡ್ನಲ್ಲಿ ಮಾಸ್ ಡೈಲಾಗ್ನಿಂದಲೇ ಸದ್ದು ಮಾಡ್ತಿರೋ ಚಿತ್ರ ಲಗಾಮ್. ರಿಯಲ್ ಸ್ಟಾರ್ ಉಪೇಂದ್ರ ಹಾಗು ಬೆಲ್ ಬಾಟಮ್ ಬೆಡಗಿ ಹರಿಪ್ರಿಯಾ ಅಭಿನಯಿಸುತ್ತಿರುವ ಚಿತ್ರವಿದು. ಕೆಲ ತಿಂಗಳ ಹಿಂದೆ ಲಗಾಮ್ ಚಿತ್ರ ಅದ್ಧೂರಿಯಾಗಿ ಸೆಟ್ಟೇರಿತ್ತು. ಇದೀಗ ಈ ಚಿತ್ರದ ಶೂಟಿಂಗ್ ಸೆಟ್ನಲ್ಲಿ, ನಡೆದಿದ್ದ ಫೋಟೊ ಶೂಟ್ ಸಂದರ್ಭದ ಸನ್ನಿವೇಶವೊಂದನ್ನು ಹರಿಪ್ರಿಯಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ತೆರೆಯ ಹಿಂಬದಿಯಲ್ಲಿ ಎಂಬ ಅಡಿ ಬರಹದೊಂದಿಗೆ ಹರಿಪ್ರಿಯಾ ಈ ಕಿರು ವಿಡಿಯೊ ಪೋಸ್ಟ್ ಮಾಡಿದ್ದು, ಉಪೇಂದ್ರ ಜತೆ ಸಿನಿಮಾದ ಪೋಸ್ಟರ್ ಫೋಟೊಗೆ ಹರಿಪ್ರಿಯಾ ಪೋಸ್ ಕೊಟ್ಟಿದ್ದಾರೆ.
ಅಷ್ಟೇ ಅಲ್ಲದೆ ಈ ವಿಡಿಯೋಗೆ ಉಪೇಂದ್ರ ಅಭಿನಯದ ಜನಪ್ರಿಯ ಉಪ್ಪಿಗಿಂತ ರುಚಿ ಬೇರೆ ಇಲ್ಲ ಎನ್ನುವ ಹಿನ್ನೆಲೆ ಸಂಗೀತವನ್ನು ಕೂಡ ಹರಿಪ್ರಿಯಾ ಸೇರಿಸಿ, ಪೋಸ್ಟ್ ಮಾಡಿರೋದು ವಿಶೇಷ. ಈ ಪೋಸ್ಟ್ಗೆ ಉಪೇಂದ್ರ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಸದ್ಯ ಉಪೇಂದ್ರ ಹಾಗೂ ಹರಿಪ್ರಿಯಾ ಕೆಮಿಸ್ಟ್ರಿ ಲಗಾಮ್ ಚಿತ್ರದಲ್ಲಿ ಚೆನ್ನಾಗಿ ವರ್ಕ್ ಔಟ್ ಆಗಲಿದೆ ಅಂತಾ ನಿರ್ದೇಶಕ ಕೆ.ಮಾದೇಶ ಹೇಳಿದ್ದಾರೆ.
