ಬಾಹುಬಲಿ ಚಿತ್ರದಿಂದ ವರ್ಲ್ಡ್ ವೈಡ್ ಖ್ಯಾತಿ ಪಡೆದ ಟಾಲಿವುಡ್ ನಟ ಪ್ರಭಾಸ್ ಅಭಿನಯದ ಹೈವೋಲ್ಟೇಜ್ ಸಿನಿಮಾ ಸಾಹೋ ಇದೇ ತಿಂಗಳು 30ಕ್ಕೆ ತೆರೆ ಕಾಣುತ್ತಿದೆ.
ಬರೋಬ್ಬರಿ ₹350 ಕೋಟಿ ವೆಚ್ಚದಲ್ಲಿ ನಿರ್ಮಾಣಗೊಂಡಿರುವ ಈ ಸಿನಿಮಾ ಪ್ರಚಾರಕ್ಕಾಗಿ ಟಾಲಿವುಡ್ ಡಾರ್ಲಿಂಗ್ ಪ್ರಭಾಸ್ ಇಂದು ಬೆಂಗಳೂರಿಗೆ ಆಗಮಿಸಿದ್ದರು. ಈ ವೇಳೆ ಬಹುನಿರೀಕ್ಷಿತ ಸಾಹೋ ಸಿನಿಮಾದ ಕೆಲವೊಂದು ಇಂಟ್ರೆಸ್ಟಿಂಗ್ ವಿಚಾರಗಳನ್ನು ಅವರು ಮಾಧ್ಯಮಗಳ ಎದುರು ರಿವೀಲ್ ಮಾಡಿದ್ರು.
ಬಿಲ್ಲಾ ಸಿನಿಮಾ ನಂತ್ರ ಸಾಹೋ ಚಿತ್ರದಲ್ಲಿ ಪ್ರಭಾಸ್ ನೆಗೆಟಿವ್ ಶೇಡ್ನಲ್ಲಿ ಕಾಣಿಸಿಕೊಂಡಿರುವ ಸುಳಿವು ನೀಡಿದ್ರು. ಬಾಲಿವುಡ್ನ ಸೂಪರ್-ಡೂಪರ್ ಸಿನಿಮಾ ಶೋಲೆ ತರಹದ ಫ್ಲೈಓವರ್ ಸಾಹೋದಲ್ಲಿದೆ ಎಂದು ಪ್ರಭಾಸ್ ಹೇಳಿದ್ರು. ತಮ್ಮ ಸಿನಿಮಾ ತೆಲುಗು, ಹಿಂದಿ, ತಮಿಳು ಹಾಗೂ ಮಲೆಯಾಳಂ ಭಾಷೆಗಳಲ್ಲಿ ತೆರೆ ಕಾಣುತ್ತಿರುವುದಕ್ಕೆ ಎಕ್ಸೈಟ್ ಆಗಿದ್ದೇನೆ ಎಂದ ಅವರು, ನಿರ್ದೇಶಕ ಸುಜಿತ್‌ ಅದ್ಭುತ ವರ್ಕ್ ಮಾಡಿದ್ದಾರೆ. ಆ್ಯಕ್ಷನ್ ಸೀನ್ಗಳನ್ನು ಅದ್ಧೂರಿಯಾಗಿ ಶೂಟ್ ಮಾಡಲಾಗಿದೆ. ಹಾಲಿವುಡ್ನ 40 ಸ್ಟಂಟ್ ಮಾಸ್ಟರ್ಗಳು ಈ ಚಿತ್ರಕ್ಕೆ ವರ್ಕ್ ಮಾಡಿದ್ದಾರೆ. ಈ ಚಿತ್ರದಲ್ಲಿ ಬರುವ ಕೆಲವೊಂದು ಮೈನವಿರೇಳಿಸುವಂತಹ ಆ್ಯಕ್ಷನ್ ಸೀನ್ಗಳನ್ನು ಸಿಜಿ ಇಲ್ಲದೆ ನೈಜವಾಗಿ ಸೆರೆ ಹಿಡಿಯಲಾಗಿದೆ ಎಂದರು.
ಟಾಲಿವುಡ್ ನಟ ಪ್ರಭಾಸ್, ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ , ಹಿರಿಯ ನಟ ಜಾಕಿಶ್ರಾಫ್, ನೀಲ್‌ ನಿತಿನ್ ಮುಕೇಶ್, ಜಾಕ್ವೆಲಿನ್‌ ಫರ್ನಾಂಡೀಸ್‌, ಕನ್ನಡಿಗ ಪ್ರಕಾಶ್‌ ಬೆಳವಾಡಿ, ಅರುಣ್‌ ವಿಜಯ್‌ ಹೀಗೆ ಬಿಗ್ ಸ್ಟಾರ್ ಕಾಸ್ಟ್ ಹೊಂದಿರುವ ಸಾಹೋ ಫಿವರ್ ಎಲ್ಲೆಡೆ ಜೋರಾಗಿದೆ.
