ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಿರ್ಮಾಣದ ಫ್ರೆಂಚ್ ಬಿರ್ಯಾನಿ ಚಿತ್ರ ಒಟಿಟಿ ಪ್ಲಾಟ್ ಫಾರ್ಮ್ನಲ್ಲಿ ಬಿಡುಯಾಗಲಿದೆ ಎಂದು ಇತ್ತೀಚೆಗಷ್ಟೇ ಪಿಆರ್ಕೆ ಪ್ರೋಡಕ್ಷನ್ ಹೇಳಿತ್ತು. ಇದೀಗ ಅದೇ ರೀತಿ ಪಿಅರ್ಕೆ ಪ್ರೊಡಕ್ಷನ್ನ ಮತ್ತೊಂದು ಚಿತ್ರ ಒಟಿಟಿ ಪ್ಲಾಟ್ ಫಾರ್ಮ್ನಲ್ಲಿಯೇ ಬಿಡುಗಡೆಗೆ ಸಿದ್ಧವಾಗಿದೆ.
ಹೌದು, ಪಿಆರ್ಕೆ ಪ್ರೋಡಕ್ಷನ್ನಲ್ಲಿ ಪುನೀತ್ ರಾಜ್ ಕುಮಾರ್ ನಿರ್ಮಾಣ ಮಾಡಿ, ಪ್ರಜ್ವಲ್ ದೇವರಾಜ್ ಪತ್ನಿ ರಾಗಿಣಿ ಚಂದ್ರ ಅಭಿನಯಿಸಿರುವ "ಲಾ" ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗದೆ ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆ ಆಗಲಿದೆ.
ಚಿತ್ರಕ್ಕೆ ನವ ನಿರ್ದೇಶಕ ರಘು ಸಮರ್ಥ್ ಆ್ಯಕ್ಷನ್ ಕಟ್ ಹೇಳಿದ್ದು, ರಾಗಿಣಿ ಚಂದ್ರ, ಸಿರಿ ಪ್ರಹ್ಲಾದ್, ಮುಖ್ಯಮಂತ್ರಿ ಚಂದ್ರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
"ಲಾ" ಚಿತ್ರ ಜೂನ್ 26ರಿಂದ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಅದೇ ರೀತಿ ಪಿಆರ್ಕೆ ಪ್ರೋಡಕ್ಷನ್ನಲ್ಲಿ ಪುನೀತ್ ರಾಜ್ಕುಮರ್ ನಿರ್ಮಾಣ ಮಾಡಿರುವ ಡ್ಯಾನಿಶ್ ಸೇಟ್, ಸಾಲ್ ಯೂಸುಫ್ ಹಾಗೂ ಪಿತೋಬಶ್ ನಟಿಸಿರುವ ಅವಿನಾಶ್ ಬಳೇಕ್ಕಳ ಚಿತ್ರಕಥೆಯನ್ನು ಬರೆದಿರುವ, ಪನ್ನಗ ಭರಣ ನಿರ್ದೇಶನದ ಫ್ರೆಂಚ್ ಬಿರ್ಯಾನಿ ಜುಲೈ 24ರಿಂದ ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಲಿದೆ.
