ಬೆಂಗಳೂರು: ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಇಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದು, ಅವರ ಅಭಿಮಾನಿಗಳಲ್ಲಿ ಸಂಭ್ರಮ ಮನೆ ಮಾಡಿದೆ. ನೆಚ್ಚಿನ ನಟನ ಮದುವೆ ಸಂಭ್ರಮದಲ್ಲಿದ್ದ ಅಭಿಮಾನಿಗಳಿಗೆ, ಪೊಗರು ಚಿತ್ರದ ನಿರ್ದೇಶಕ ನಂದ ಕಿಶೋರ್ ಸಿಹಿ ಸುದ್ದಿಯನ್ನು ನೀಡಿದ್ದಾರೆ.
ಹೌದು, ಬಹುನಿರೀಕ್ಷಿತ ಪೊಗರು ಚಿತ್ರದ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ದಾರೆ ನಿರ್ದೇಶಕ ನಂದ ಕಿಸೋರ್. ಡಿಸೆಂಬರ್ನಲ್ಲಿ ಚಿತ್ರದ ಆಡಿಯೋ ರಿಲೀಸ್ ಮಾಡಿ, ಮುಂದಿನ ವರ್ಷ ಸಂಕ್ರಾಂತಿ ಹಬ್ಬಕ್ಕೆ (ಜ.14) ಸಿನಿಮಾ ರಿಲೀಸ್ ಮಾಡುವುದಾಗಿ ನಿರ್ದೇಶಕರು ತಿಳಿಸಿದ್ದಾರೆ.
ಮದುವೆ ಮುಗಿಸಿ ಮೂರೇ ದಿನದಲ್ಲಿ ಧ್ರುವ ಶೂಟಿಂಗ್ಗೆ ಮರಳಲಿದ್ದಾರೆ. ಇದು ಅವರ ಶ್ರದ್ಧೆ ಎಂಥದ್ದು ಎಂದು ತೋರಿಸುತ್ತದೆ. ಸಿನಿಮಾಕ್ಕಾಗಿ ಧ್ರುವ ತನ್ನ ಗಡ್ಡ ತೆಗೆದಿಲ್ಲ. ನಾವು ಗಡ್ಡವನ್ನು ತೆಗೆದು ಮದುವೆಯಾಗಿ ಒಂದು ತಿಂಗಳು ಕಾಯೋಣ ಅಂತ ಹೇಳಿದ್ದೇವು. ಆದರೆ ಅಭಿಮಾನಿಗಳಿಗೆ ನಿರಾಸೆ ಮಾಡೋದು ಬೇಡ ಎಂದು ಧ್ರುವ ಗಡ್ಡ ತೆಗೆದಿಲ್ಲ. ಇನ್ನು 3 ದಿನಗಳಲ್ಲಿ ಧ್ರುವ ಶೂಟಿಂಗ್ಗೆ ಹಾಜರಾಗಲಿದ್ದಾರೆ. ಪೊಗರು ಚಿತ್ರ ಲೋಕಲ್ ಸಬ್ಜೆಕ್ಟ್ ಆದ್ದರಿಂದ ಪೊಗರು ಸಾಂಗ್ ಶೂಟಿಂಗ್ನ್ನು ಕರ್ನಾಟಕದಲ್ಲಿ ಮಾಡಲಿದ್ದೇವೆ ಎಂದರು .
ಇನ್ನು ಮುಂದಿನ ವಾರದಿಂದ ಚಿತ್ರದ ಸಾಂಗ್ಸ್ ಶೂಟಿಂಗ್ ಶುರುವಾಗಲಿದ್ದು, ಕೇವಲ 3 ಸಾಂಗಳು ಬಾಲೆನ್ಸ್ ಇವೆ. ಡಿಸೆಂಬರ್ನಲ್ಲಿ ಆಡಿಯೋ ರಿಲೀಸ್ ಮಾಡಿ, ಮುಂದಿನ ವರ್ಷ ಸಂಕ್ರಾಂತಿ ಹಬ್ಬಕ್ಕೆ (ಜ.14) ಸಿನಿಮಾ ರಿಲೀಸ್ ಮಾಡುವುದಾಗಿ ನಿರ್ದೇಶಕ ನಂದಕಿಶೋರ್ ತಿಳಿಸಿದ್ದಾರೆ.
