ಸುದೀಪ್ ನಟನೆಯ 'ಫ್ಯಾಂಟಮ್' ಸಿನಿಮಾದ ಶೂಟಿಂಗ್ ಹೈದರಾಬಾದ್‌ನ ರಾಮೋಜಿ ಫಿಲಂ ಸಿಟಿಯಲ್ಲಿ ನಡೆದಿದ್ದು, ಇತ್ತೀಚೆಗೆ ಮುಕ್ತಾಯವಾಗಿದೆ. ಈ ಚಿತ್ರಕ್ಕೆ ಅನೂಪ್ ಬಂಡಾರಿ ಆ್ಯಕ್ಷನ್-ಕಟ್ ಹೇಳುತ್ತಿದ್ದಾರೆ. ಹಾಲಿವುಡ್ ರೇಂಜ್ನಲ್ಲಿ ಸಿನಿಮಾ ನಿರ್ಮಾಣ ಮಾಡಲಾಗುತ್ತಿದೆ ಎಂಬ ಮಾತು ಹೇಳಿ ಬರುತ್ತಿವೆ. ಇದೀಗ ಫ್ಯಾಂಟಮ್ ವಲಯದಿಂದ ಮತ್ತೊಂದು ಬಿಸಿ ಬಿಸಿ ಸುದ್ದಿ ಹರಿದಾಡುತ್ತಿದೆ. ಚಿತ್ರದಲ್ಲಿ ಬಾಲಿವುಡ್ನ ಟಾಪ್ ನಟಿ ಹೆಜ್ಜೆ ಹಾಕಲಿದ್ದಾರಂತೆ.
ಫ್ಯಾಂಟಮ್ ಚಿತ್ರದಲ್ಲಿ ಒಂದು ಅದ್ಭುತ ಹಾಡು ಇದೆ. ಆ ಹಾಡಿಗೆ ಹೆಜ್ಜೆ ಹಾಕಲು ಬಾಲಿವುಡ್ನ ಇಬ್ಬರು ನಟಿಯರ ಹೆಸರನ್ನು ಸೂಚಿಸಲಾಗಿದೆಯಂತೆ. ಮೊದಲು ಕತ್ರಿನಾ ಕೈಫ್ ಹೆಸರು ಕೇಳಿ ಬರುತ್ತಿದ್ದು, ಇವರು ನಟಿಸಲು ಬಾರದಿದ್ದರೆ ನೋರಾ ಫತೇಹಿ ಅವರನ್ನು ಕರೆತರುವ ಪ್ಲಾನ್ ಮಾಡಲಾಗಿದೆಯಂತೆ.
ಡಿಸೆಂಬರ್‌ ಮೊದಲ ವಾರದಿಂದಲೇ ಕೇರಳದಲ್ಲಿ 30 ದಿನಗಳ ಕಾಲ ಶೂಟಿಂಗ್ ನಡೆಯಲಿದೆಯಂತೆ. ಈಗಾಗಲೇ ಬಾಲಿವುಡ್ ಬೆಡಗಿ ಕತ್ರಿನಾ ಜೊತೆ ಮಾತುಕತೆಯೂ ನಡೆದಿದೆ ಎಂಬ ಮಾತು ಹರಿದಾಡುತ್ತಿವೆ. ಫ್ಯಾಂಟಮ್ ಚಿತ್ರದ ಲಾಸ್ಟ್‌ ಶೆಡ್ಯೂಲ್‌ ಅನ್ನು ಬೆಂಗಳೂರಿನಲ್ಲಿ ಚಿತ್ರೀಕರಿಸಲಾಗುತ್ತಿದ್ದು, ಆ ವೇಳೆ ಕತ್ರಿನಾ ಇಲ್ಲವೇ ನೋರಾ ಫತೇಹಿ ಹಾಡೊಂದಕ್ಕೆ ಹೆಜ್ಜೆ ಹಾಕಲಿದ್ದಾರಾ ಎಂದು ಕಾದು ನೋಡಬೇಕಿದೆ.
