ಬೆಂಗಳೂರು: ಯುವರತ್ನ ಪುನೀತ್ ರಾಜ್ಕುಮಾರ್ ಅಕಾಲಿಕ ನಿಧನ ಅವರ ಕುಟುಂಬ ಮಾತ್ರವಲ್ಲದೇ, ಅಭಿಮಾನಿಗಳ ಹೃದಯವನ್ನೂ ಘಾಸಿಗೊಳಿಸಿದೆ. ಪುನೀತ್ ಅಗಲಿದರೂ ಅವರ ನೆನಪು ಮಾತ್ರ ಎಲ್ಲರನ್ನೂ ಇನ್ನೂ ಕಾಡುತ್ತಿವೆ. ಸ್ಯಾಂಡಲ್ವುಡ್ ನಿರ್ದೇಶಕ ನಿತಿನ್ ಕೃಷ್ಣಮೂರ್ತಿ ಕೂಡ ಅಪ್ಪು ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ಉಡುಗೊರೆಯಾಗಿ ನೀಡಿದ ಬ್ಯಾಟರಿಚಾಲಿತ ಸೈಕಲ್ ಅನ್ನು ನಟ ಪುನೀತ್ ರಾಜ್ಕುಮಾರ್ ಅವರು ಸಂತೋಷದಿಂದ ಸ್ವೀಕರಿಸಿದ್ದರು. ಮಗುವಿನಂತೆ ಓಡಿಸಿ ಖುಷಿಪಟ್ಟಿದ್ದರು ಎಂದು ಸ್ಯಾಂಡಲ್ವುಡ್ ನಿರ್ದೇಶಕ ನಿತಿನ್ ಕೃಷ್ಣಮೂರ್ತಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.
ನಿತಿನ್ ಕೋವಿಡ್ ಜಾಗೃತಿ ಅಭಿಯಾನಕ್ಕೆ ಮಾಡಿದ ಪ್ರೋಮೋ ಶೂಟ್ನಲ್ಲಿ ಹಣ ಪಡೆಯದೆ ಪುನೀತ್ ನಟಿಸಿದ್ದರು. ಅವರ ಫಿಟ್ನೆಸ್ ಪ್ರೀತಿ ತಿಳಿದಿದ್ದರಿಂದ ಸೈಕಲ್ ಅನ್ನು ಕೊಡುಗೆಯಾಗಿ ನೀಡಲಾಯಿತು. ಅವರ ಬಳಿ 5-10 ಸೈಕಲ್ ಇದ್ದರೂ, ಈ ಸೈಕಲ್ ಅನ್ನು ಅಪ್ಪು ಪ್ರೀತಿಯಿಂದಲೇ ಸ್ವೀಕರಿಸಿದರು.
ಈ ವೇಳೆ, ಶಾಲೆಯಿಂದ ಮನೆಗೆ ಬಂದ ಮಗುವಿನಂತೆ ಸೈಕಲ್ ರೈಡ್ ಮಾಡಿ ಅವರು ಸಂಭ್ರಮಪಟ್ಟಿದ್ದರು. ಕಚೇರಿಯಿಂದ ಮನೆವರೆಗೂ ಸೈಕಲ್ನಲ್ಲಿಯೇ ಬಂದು ಎಂಜಾಯ್ ಮಾಡಿದ್ದರು. ಬೇರೆ ಯಾವ ಸೆಲೆಬ್ರೆಟಿಯೂ ಇಷ್ಟು ಸರಳವಾಗಿರಲು ಸಾಧ್ಯವಿಲ್ಲ. 'ಮಿಸ್ ಯೂ ಅಪ್ಪು ಸರ್' ಎಂದು ನಿರ್ದೇಶಕ ನಿತಿನ್ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಪುನೀತ್ ಸರ್ಗೆ ಶೀಘ್ರ ಮರಣೋತ್ತರ ಪದ್ಮಶ್ರೀ ಪ್ರಶಸ್ತಿ ಕೊಡಲಿ: ನಟ ಪ್ರೇಮ್
