ಇಡೀ ದೇಶದ ಸಿನಿ ಪ್ರಿಯರನ್ನು ತನ್ನತ್ತ ಸೆಳೆದಿಟ್ಟುಕೊಂಡಿರುವ ದಬಾಂಗ್-3 ಸಿನಿಮಾ ಡಿಸೆಂಬರ್ 20ಕ್ಕೆ ತೆರೆ ಕಾಣಲಿದೆ. ಈ ಸಿನಿಮಾದಲ್ಲಿ ಕನ್ನಡಿಗರಿಗೆ ಖುಷಿ ನೀಡುವ ವಿಷಯ ಏನಂದ್ರೆ ಕಿಚ್ಚ ಸುದೀಪ್ ಲೀಡ್ ರೋಲ್ ಪ್ಲೇ ಮಾಡಿದ್ದು, ಸಲ್ಮಾನ್ ಖಾನ್ ಎದುರಿಗೆ ನಿಂತು ತೊಡೆ ತಟ್ಟಿರುವುದು.
ಇನ್ನು, ಬೆಂಗಳೂರಿನಲ್ಲಿ ನಡೆದ ಪ್ರೀ ರಿಲೀಸ್ ಈವೆಂಟ್ಗೆ ಆಗಮಿಸಿದ್ದ ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ಖಾನ್ ಕಿಚ್ಚನನ್ನು ಹೊಗಳಿ ಉಪ್ಪರಿಗೆ ಮೇಲೆ ಕೂರಿಸಿದ್ದರು. ದಬಾಂಗ್ ಸಿನಿಮಾದಿಂದ ನನಗೆ ಓರ್ವ ಒಳ್ಳೆಯ ಗೆಳೆಯ ಸಿಕ್ಕಿದ. ಸುದೀಪ್ ನನಗಿಂತ ವಯಸ್ಸಿನಲ್ಲಿ ಚಿಕ್ಕವನಿದ್ದರೂ ತುಂಬಾ ಸ್ಟ್ರಾಂಗ್ ಪರ್ಸನಾಲಿಟಿ ಹೊಂದಿದ್ದಾರೆ ಎಂದು ಸಲ್ಲು ಸುದೀಪ್ರನ್ನ ಕೊಂಡಾಡಿದ್ದರು.
ಇನ್ನು ದಬಾಂಗ್ ಸಿನಿಮಾ ಕನ್ನಡ ಅವತರಣಿಕೆಯಲ್ಲೂ ಬಿಡುಗಡೆಯಾಗುತ್ತಿದ್ದು, ನಾಳೆ ಕಿಚ್ಚ ಸುದೀಪ್ ಅಭಿಮಾನಿಗಳಿಗೆ ರಸದೌತಣ ನೀಡುವುದಂತೂ ಪಕ್ಕಾ. ಈ ಸಿನಿಮಾಕ್ಕೆ ಡ್ಯಾನ್ಸ್ ಮಾಸ್ಟರ್ ಪ್ರಭುದೇವ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಅಲ್ಲದೆ ಸಲ್ಮಾನ್ ಖಾನ್ಗೆ ಜೋಡಿಯಾಗಿ ಸೋನಾಕ್ಷಿ ನಿನ್ಹಾ ಹೆಜ್ಜೆ ಹಾಕಿದ್ದಾರೆ.
ದಬಾಂಗ್ ಸಿನಿಮಾಕ್ಕಾಗಿ ಸಲ್ಮಾನ್ ಖಾನ್ ತುಂಬಾ ವರ್ಕೌಟ್ ಮಾಡಿದ್ದು, ದೇಹವನ್ನು ಮತ್ತಷ್ಟು ದಂಡಿಸಿದ್ದಾರೆ. ಅಲ್ಲದೆ ಈ ಸಿನಿಮಾದ ಕ್ಲೈಮ್ಯಾಕ್ಸ್ ಹೆಚ್ಚು ನಿರೀಕ್ಷೆ ಹುಟ್ಟಿಸಿದ್ದು ಕಿಚ್ಚ ಮತ್ತು ಸಲ್ಮಾನ್ ಫೈಟ್ ನೋಡಲು ಸಿನಿ ಪ್ರಿಯರು ಕಾತರದಿಂದ ಕಾಯುತ್ತಿದ್ದಾರೆ.
