ಬಾಲಿವುಡ್ ಬಹು ನಿರೀಕ್ಷಿತ ಚಿತ್ರ 'ದಬಾಂಗ್ 3' ವಿಶ್ವಾದ್ಯಂತ ಡಿಸೆಂಬರ್ 20ಕ್ಕೆ ಬಿಡುಗಡೆಯಾಗಲಿದೆ. ಎಲ್ಲಿ ನೋಡಿದರೂ ದಬಾಂಗ್ - 3 ಆರ್ಭಟ ಜೋರಾಗಿದ್ದು. ಚಿತ್ರತಂಡ ಭರ್ಜರಿ ಪ್ರಮೋಷನ್ ಕೂಡಾ ಮಾಡುತ್ತಿದೆ. ಕಿಚ್ಚನ ಅಭಿಮಾನಿಗಳು ಕೂಡಾ ಈ ಸಿನಿಮಾ ನೋಡಲು ಬಹಳ ಕಾತರರಾಗಿದ್ದಾರೆ.
ನಿನ್ನೆ ಬ್ಯಾಡ್ ಬಾಯ್ ಸಲ್ಲು ಹಾಗೂ ಕಿಚ್ಚ ಸುದೀಪ್ ಇಬ್ಬರೂ, ಭಾರತ ಹಾಗೂ ವೆಸ್ಟ್ ಇಂಡೀಸ್ ಒಂದು ದಿನದ ಮ್ಯಾಚ್ ನಲ್ಲಿ ಕಾಣಿಸಿಕೊಂಡು ಚಿತ್ರದ ಪ್ರಮೋಷನ್ ಮಾಡಿದ್ದರು.ಈ ಚಿತ್ರವನ್ನು ಪ್ರಭುದೇವ ನಿರ್ದೇಶನ ಮಾಡಿದ್ದು, ಚುಲ್ ಬುಲ್ ಪಾಂಡೆ ಸಲ್ಮಾನ್ ಎದುರು ಬಲ್ಲಿಸಿಂಗ್ ಆಗಿ ಸಲ್ಮಾನ್ ಖಾನ್ ಘರ್ಜಿಸಿದ್ದಾರೆ. ಕನ್ನಡದಲ್ಲೂ ಈ ಚಿತ್ರ ಭಾರೀ ನಿರೀಕ್ಷೆ ಹುಟ್ಟುಹಾಕಿದೆ. ಇದೀಗ ಬೆಂಗಳೂರಿನಲ್ಲಿ ಕೂಡಾ ದಬಾಂಗ್ - 3 ಚಿತ್ರದ ಪ್ರಮೋಷನ್ ನಡೆಯುತ್ತಿದೆ. ವಿಶೇಷ ಎಂದರೆ ಬಹಳ ವಿಭಿನ್ನವಾಗಿ ಚಿತ್ರದ ಪ್ರಮೋಷನ್ ಮಾಡಲಾಗುತ್ತಿದ್ದು ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ.
ಚುಲ್ಬುಲ್ ಪಾಂಡೆ ಸಲ್ಮಾನ್ ಖಾನ್ ಹಾಗೂ ಬಲ್ಲಿ ಸಿಂಗ್ ಕಿಚ್ಚ ಸುದೀಪ್ ಇಬ್ಬರನ್ನು ಕಲಾವಿದರೊಬ್ಬರು ರಂಗೋಲಿಯಲ್ಲಿ ಬಿಡಿಸಿದ್ದಾರೆ. ಬಣ್ಣ ಬಣ್ಣದ ರಂಗೋಲಿ ನೋಡುಗರನ್ನು ತನ್ನತ್ತ ಸೆಳೆಯುತ್ತಿದೆ. ಯಲಹಂಕದ ಆರ್ಎಂಜೆಡ್ ಮಾಲ್ನ ಐನಾಕ್ಸ್ನಲ್ಲಿ ಈ ರಂಗೋಲಿಯನ್ನು ಅಕ್ಷಯ್ ಜಾಲಿಹಳಾಚಾರ್ ಎಂಬ ಕಲಾವಿದ ಬಿಡಿಸಿದ್ದಾರೆ. ರಂಗೋಲಿಯನ್ನು ಬಿಡಿಸಲು ಅಕ್ಷಯ್, ಶಂಕ, ಕಪ್ಪೆ ಚಿಪ್ಪು, ಬೆಣಚು ಕಲ್ಲಿನ ಪುಡಿ, ಹಣ್ಣಿನ ಹಾಗೂ ಸಸಿಗಳ ನೈಸರ್ಗಿಕ ಬಣ್ಣಗಳನ್ನು ಬಳಸಿದ್ದಾರೆ. ಯಾವ ದಿಕ್ಕಿನಿಂದ ನೋಡಿದರೂ ಸುಲ್ತಾನ್ ಹಾಗೂ ಪೈಲ್ವಾನ್ ನೋಟ ನಮ್ಮ ಕಡೆ ಇರುವ ಹಾಗೇ ಈ ರಂಗೋಲಿ ಬಿಡಿಸಿದ್ದಾರೆ ಅಕ್ಷಯ್. ಇನ್ನು ಪ್ರಮೋಷನ್ಗಾಗಿ ದಬಾಂಗ್-3 ಚಿತ್ರತಂಡ ನಾಳೆ ಬೆಂಗಳೂರಿಗೆ ಆಗಮಿಸಲಿದೆ.
