ಪಿಕ್​ಪಾಕೆಟ್​ ಕೇಸ್​ನಲ್ಲಿ ಬಂಗಾಳಿ ನಟಿ ರೂಪಾ ದತ್ತಾ ಬಂಧನ

ಕೋಲ್ಕತ್ತಾ ಅಂತಾರಾಷ್ಟ್ರೀಯ ಪುಸ್ತಕ ಮೇಳದಲ್ಲಿ ಪಿಕ್​ಪಾಕೆಟ್​ ಮಾಡುತ್ತಿದ್ದ ಬಂಗಾಳಿ ನಟಿ ರೂಪಾ ದತ್ತಾ ಅವರನ್ನು ಪೊಲೀಸರು ಶನಿವಾರ ಬಂಧಿಸಿದ್ದಾರೆ. ತನಿಖೆ ವೇಳೆ ಅವರ ಬ್ಯಾಗ್​ನಲ್ಲಿ ಹಲವಾರು ಪರ್ಸ್​ಗಳು ಹಾಗೂ ₹75,000 ನಗದು ದೊರಕಿದೆ. ಇದರ ಹಿಂದೆ ಇನ್ನು ಯಾರೆಲ್ಲ ಶಾಮೀಲಾಗಿದ್ದಾರೆ ಎಂಬುದನ್ನು ಕಂಡು ಹಿಡಿಯಲು ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ..

ಹೈದರಾಬಾದ್(ತೆಲಂಗಾಣ) : ಚಿತ್ರ ನಿರ್ಮಾಪಕ ಅನುರಾಗ್ ಕಶ್ಯಪ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದ ಬಂಗಾಳಿ ನಟಿ ರೂಪಾ ದತ್ತಾ ಅವರನ್ನು ಶನಿವಾರ ಕೋಲ್ಕತ್ತಾ ಅಂತಾರಾಷ್ಟ್ರೀಯ ಪುಸ್ತಕ ಮೇಳದಲ್ಲಿ ಪಿಕ್​ಪಾಕೆಟ್​ ಮಾಡಿದ್ದಕ್ಕಾಗಿ ಬಂಧಿಸಲಾಗಿದೆ.

ಹಲವಾರು ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿರುವ ರೂಪಾ ದತ್ತಾ, ಶನಿವಾರ ಪುಸ್ತಕ ಮೇಳದಲ್ಲಿ ಕಸದಬುಟ್ಟಿಗೆ ಪರ್ಸ್​ ಎಸೆಯುತ್ತಿರುವುದನ್ನು ಪೊಲೀಸರು ಗಮನಿಸಿದ್ದಾರೆ. ಅವರನ್ನು ಆ ಬಗ್ಗೆ ಪ್ರಶ್ನಿಸಿದಾಗ ಸಮಪರ್ಕವಾದ ಉತ್ತರ ನೀಡುವಲ್ಲಿ ತಡವರಿಸಿದ್ದಾರೆ.

ಹಾಗಾಗಿ, ಅವರನ್ನು ಬಂಧಿಸಿ ಅವರ ಬ್ಯಾಗ್ ಶೋಧಿಸಿದಾಗ ಇನ್ನೂ ಹಲವಾರು ಪರ್ಸ್​ಗಳು ಹಾಗೂ ₹75,000 ನಗದು ದೊರಕಿದೆ. ಈ ಅಪರಾಧದಲ್ಲಿ ಇನ್ನೂ ಹಲವರು ಶಾಮೀಲಾಗಿದ್ದಾರೆಯೇ ಎಂಬುದನ್ನು ಕಂಡು ಹಿಡಿಯಲು ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ.

ಚಿತ್ರನಿರ್ಮಾಪಕ ಅನುರಾಗ್ ಕಶ್ಯಪ್ ವಿರುದ್ಧ ಲೈಂಗಿಕ ಕಿರುಕುಳದ ಸುಳ್ಳು ಆರೋಪ ಹೊರಿಸಿ ರೂಪಾ ದತ್ತಾ ಸುದ್ದಿಯಾಗಿದ್ದರು. ಅನುರಾಗ್ ಕಶ್ಯಪ್​ ಅವರನ್ನು ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಸಿಲುಕಿಸಲು ರೂಪಾ ದತ್ತಾ ಅವರು ಬೇರೊಂದು ವ್ಯಕ್ತಿಯ ಜೊತೆ ನಡೆಸಿದ ಮಾತುಕತೆಯ ಸ್ಕ್ರೀನ್​ಶಾಟ್​ ಹಂಚಿಕೊಂಡಿದ್ದರು.