ಮುಂಬೈ : ಬಾಲಿವುಡ್ ಬಾದಷಾ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಅಭಿನಯದ ಕಭಿ ಈದ್ ಕಭಿ ದೀವಾಲಿ ಸಿನಿಮಾ 2023ರ ಈದ್ ಮಿಲಾದ್ನಂದು ಬಿಡುಗಡೆಯಾಗಲಿದೆ ಎಂದು ಚಿತ್ರದ ನಿರ್ಮಾಪಕ ಸಾಜಿದ್ ನಾಡಿಯಾಡ್ವಾಲಾ ಹೇಳಿದ್ದಾರೆ.
ಕಾಮಿಡಿ ಡ್ರಾಮಾ ಇರುವ ಈ ಸಿನಿಮಾದಲ್ಲಿ ಕರಾವಳಿ ಬೆಡಗಿ ಪೂಜಾ ಹೆಗ್ಡೆ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರವನ್ನ ಫರ್ಹಾದ್ ಸಾಮ್ಜಿ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ಸಲ್ಮಾನ್ ವಿಭಿನ್ನ ಪಾತ್ರದಲ್ಲಿ ಕಾಣಿಸಿದ್ದಾರಂತೆ. ಈ ಹಿಂದೆ ಫರ್ಹಾದ್ ಸಾಮ್ಜಿ 2014ರಲ್ಲಿ ಕಿಕ್ ಸಿನಿಮಾದಲ್ಲಿ ಸಲ್ಮಾನ ಜತೆಗೆ ಕೆಲಸ ಮಾಡಿದ್ದರು.
"ಸಲ್ಮಾನ್ ಖಾನ್ ಮತ್ತು ಪೂಜಾ ಹೆಗ್ಡೆ ಅಭಿನಯದ ಸಾಜಿದ್ ನಾಡಿಯಾಡ್ವಾಲಾ ನಿರ್ಮಿಸಿರುವ ‘ಕಭಿ ಈದ್ ಕಭಿ ದಿವಾಲಿ‘ ಸಿನಿಮಾ 2023ರ ಈದ್ ಹಬ್ಬಕ್ಕೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ" ಎಂದು ನದಿಯಾಡ್ವಾಲಾ ಗ್ರಾಂಡ್ಸನ್ ಎಂಟರ್ಟೈನಮೆಂಟ್ ಸಂಸ್ಥೆ ಬಹಿರಂಗಪಡಿಸಿದೆ.
