ನವದೆಹಲಿ: ವಾಟ್ಸ್ಆ್ಯಪ್ ನೂತನ ಗೌಪ್ಯತಾ ನೀತಿ ಜಾರಿಗೆ ತಂದಿದ್ದು, ಇದೀಗ ಮೇ. 15ರೊಳಗೆ ಇದನ್ನ ಒಪ್ಪಿಕೊಳ್ಳದಿದ್ದರೆ ನಾವು ಬಳಕೆ ಮಾಡುವ ಮೊಬೈಲ್ಗಳಲ್ಲಿ ವಾಟ್ಸ್ಆ್ಯಪ್ಗೆ ಅಡಚಣೆ ಉಂಟಾಗುವ ಸಾಧ್ಯತೆ ಇದೆ.
ಜನವರಿ 2021ರಿಂದ ಕಂಪನಿ ತನ್ನ ನೂತನ ಗೌಪ್ಯತಾ ನೀತಿಯಲ್ಲಿ ಕೆಲವೊಂದು ಬದಲಾವಣೆ ಮಾಡಿದ್ದು, ಇದೀಗ ಅದನ್ನ ಒಪ್ಪಿಕೊಳ್ಳಬೇಕಾಗಿದೆ. ಮೇ 15ರೊಳಗೆ ಇನ್ಸ್ಟಂಟ್ ಮೆಸ್ಸಿಜಿಂಗ್ ಆ್ಯಪ್ನ ಬಳಕೆ ಮಾಡುತ್ತಿದ್ದರೆ ಗೌಪ್ಯತಾ ನೀತಿ ಒಪ್ಪಿಕೊಳ್ಳಬೇಕಾಗಿದೆ.
ಹೊಸ ನೀತಿ ಒಪ್ಪಿಕೊಳ್ಳಲೇಬೇಕು ಎಂದು ಕಂಪನಿ ತಿಳಿಸಿದ್ದು, ಫೆಬ್ರವರಿ 8 ಡೆಡ್ಲೈನ್ ನೀಡಿತು. ಆದರೆ, ಗೌಪ್ಯತಾ ನೀತಿಯನ್ನ ಮೂರು ತಿಂಗಳ ಅವಧಿಗೆ ಮುಂದೂಡಕೆ ಮಾಡಲಾಗಿತ್ತು. ಹೀಗಾಗಿ ಇದೀಗ ಮೇ. 15ರೊಳಗೆ ಈ ನೀತಿ ಒಪ್ಪಿಕೊಳ್ಳುವ ಅನಿವಾರ್ಯತೆ ನಿರ್ಮಾಣಗೊಂಡಿದೆ.
ಮೇ. 15ರೊಳಗೆ ಈ ಷರತ್ತು ಒಪ್ಪಿಕೊಳ್ಳದಿದ್ದರೆ ಬಳಕೆದಾರರು ಸಂದೇಶ ರವಾನೆ ಹಾಗೂ ಸ್ವೀಕಾರ ಮಾಡಲು ಸಾಧ್ಯವಿಲ್ಲ ಎಂದು ಕಂಪನಿ ತಿಳಿಸಿದೆ. ಇದಕ್ಕೆ ಈಗಾಗಲೇ ವ್ಯಾಪಕ ವಿರೋಧ ಸಹ ವ್ಯಕ್ತವಾಗಿದೆ.
