ಸ್ಯಾನ್ ಫ್ರಾನ್ಸಿಸ್ಕೋ: ಆಂಡ್ರಾಯ್ಡ್ನಲ್ಲಿ ಗೂಗಲ್ ಮ್ಯಾಪ್ ಬಳಕೆದಾರರ ಹಿತಕ್ಕಾಗಿ ಫುಲ್ ಡಾರ್ಕ್ಮೋಡ್ ಆಯ್ಕೆಯೊಂದನ್ನ ನೀಡಲು ಸಕಲ ಸಿದ್ಧತೆಗಳು ನಡೆದಿದ್ದು, ಇದರಿಂದಾಗಿ ದೃಷ್ಟಿ ದೋಷ, ಕಣ್ಣಿಗೆ ಆಗುವ ಹಾನಿ ತಪ್ಪಲಿದೆ ಎಂದು ಕಂಪನಿ ತಿಳಿಸಿದೆ.
ಇತ್ತೀಚಿನ ದಿನಗಳಲ್ಲಿ, ನಾವೆಲ್ಲರೂ ಮೊಬೈಲ್ ಬಳಕೆ ಹೆಚ್ಚಾಗಿ ಮಾಡತೊಡಗಿದ್ದು, ಇದರಿಂದಾಗಿ ನಮ್ಮ ಕಣ್ಣಿಗೆ ಹೆಚ್ಚಿನ ಆಯಾಸವನ್ನು ಉಂಟುಮಾಡಿದಂತಾಗುತ್ತಿದೆ. ಗೂಗಲ್ ಮ್ಯಾಪ್ನಲ್ಲಿ ಡಾರ್ಕ್ ಥೀಮ್ಗಳನ್ನು ಶೀಘ್ರದಲ್ಲೇ ಅಳವಡಿಸುವ ಮೂಲಕ ನೀವು ನಿಮ್ಮ ಕಣ್ಣುಗಳಿಗೆ ಹೆಚ್ಚು ವಿರಾಮವನ್ನು ನೀಡಬಹುದು ಮತ್ತು ನಿಮ್ಮ ಬ್ಯಾಟರಿ ಅವಧಿಯನ್ನು ಉಳಿಸಬಹುದು ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.
ನಿಮ್ಮ ಗೂಗಲ್ ಮ್ಯಾಪ್ ಆ್ಯಪ್ ನವೀಕರಿಸಿದ ನಂತರ, ಸೆಟ್ಟಿಂಗ್, ಥೀಮ್ಗೆ ತೆರಳಿ ಯಾವಾಗಲೂ ಡಾರ್ಕ್ ಥೀಮ್ ಇರುವಂತೆ ಅಳವಡಿಸಿಕೊಳ್ಳಬಹುದಾಗಿದೆ. ಕಂಪನಿಯು ಆಂಡ್ರಾಯ್ಡ್ ಫೋನ್ಗಳಿಗಾಗಿ ಆಟೋ ಮೋಡ್ ಹಾಗೂ ಮ್ಯಾನ್ಯುವಲ್ ಮೋಡ್ಗಳನ್ನು ನವೀಕರಿಸಿ ಪರಿಚಯಿಸಿದೆ ಎಂದು ಕಂಪನಿ ಹೇಳಿದೆ.