ವಾಷಿಂಗ್ಟನ್: ಪ್ರಪಂಚದಲ್ಲೇ ಕೋವಿಡ್-19 ಪ್ರಕರಣಗಳು ಹಾಗೂ ಸಾವಿನ ಸಂಖ್ಯೆಯಲ್ಲಿ ಮುಂಚೂಣಿಯಲ್ಲಿರುವ ಅಮೆರಿಕಾದಲ್ಲಿ ಸೋಂಕಿಗೆ ಲಕ್ಷಕ್ಕೂ ಅಧಿಕ ಮಂದಿ ಬಲಿಯಾಗಿದ್ದಾರೆ.
ನಾಲ್ಕು ತಿಂಗಳ ಹಿಂದೆ ಮೊದಲ ಕೇಸ್ ಪತ್ತೆಯಾಗಿದ್ದ ಅಮೆರಿಕಾದಲ್ಲಿ ಇದೀಗ ಸೋಂಕಿತರ ಸಂಖ್ಯೆ ಬರೋಬ್ಬರಿ 17,45,803ಕ್ಕೆ ಏರಿಕೆಯಾಗಿದೆ. 1,02,107 ಸೋಂಕಿತರು ಸಾವನ್ನಪ್ಪಿದ್ದಾರೆ. ಕೊರೊನಾಗೆ ಲಸಿಕೆ ಕಂಡುಹಿಡಿದ ಮೇಲೂ ಸಂಪೂರ್ಣವಾಗಿ ವೈರಸ್ ನಾಶವಾಗುವುದಿಲ್ಲ ಎಂದು ತಜ್ಞರು ಎಚ್ಚರಿಕೆಯ ಸಂದೇಶ ನೀಡಿದ್ದಾರೆ.
ಮುಂದೊಂದು ದಿನ, ಈ ವೈರಸ್ ಸೋಂಕಿಗೊಳಗಾದವರು ಅಥವಾ ಸಾವನ್ನಪ್ಪಿದವರ ಬಗ್ಗೆ ಎಲ್ಲರಿಗೂ ತಿಳಿದು ಬರುತ್ತದೆ ಎಂದು ಮಿನೆಸೋಟ್ ವಿಶ್ವವಿದ್ಯಾಲಯದ ಸಾಂಕ್ರಾಮಿಕ ರೋಗ ಸಂಶೋಧನಾ ಹಾಗೂ ನೀತಿ ನಿರೂಪಣಾ ಕೇಂದ್ರದ ನಿರ್ದೇಶಕ ಮೈಕೆಲ್ ಟಿ ಓಸ್ಟೆರ್‍ಹೋಂ ವಾಷಿಂಗ್ಟನ್ ಪೋಸ್ಟ್ಗೆ ತಿಳಿಸಿದ್ದಾರೆ.
