ಕೋವಿಡ್​ಗೆ ಬಲಿಯಾದವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಿರುವ ಜೋ ಬೈಡನ್

ಕೋವಿಡ್​ ವೈರಸ್​ಗೆ ಬಲಿಯಾದ ಅಮೆರಿಕಾದ ಲಕ್ಷಾಂತರ ಜನರಿಗೆ ಇಂದು ಸಂಜೆ ಅಧ್ಯಕ್ಷ ಜೋ ಬೈಡನ್​, ಒಂದು ಕ್ಷಣ ಮೌನ ಮತ್ತು ಮೇಣದ ಬತ್ತಿ ಬೆಳಗುವ ಮೂಲಕ ಸಾವನ್ನಪ್ಪಿದವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಿದ್ದಾರೆ.

ವಾಷಿಂಗ್​ಟನ್​: ಅಮೆರಿಕ ಅಧ್ಯಕ್ಷ ಜೋ ಬೈಡನ್, ಕೋವಿಡ್​ನಿಂದ ಸಾವನ್ನಪ್ಪಿದ 5 ಲಕ್ಷ ಜನರಿಗೆ ಶ್ವೇತಭವನದಲ್ಲಿ ಒಂದು ಕ್ಷಣ ಮೌನಾಚರಿಸಿ ಮತ್ತು ಮೇಣದ ಬತ್ತಿ ಬೆಳಗುವ ಮೂಲಕ ಶ್ರದ್ಧಾಂಜಲಿ ಅರ್ಪಿಸಲಿದ್ದಾರೆ.

ಕೊರೊನಾ ವೈರಸ್​ನಿಂದ ಜೀವ ಕಳೆದುಕೊಂಡವರಿಗೆ ಸಂಜೆ ಶ್ರದ್ಧಾಂಜಲಿ ಸಲ್ಲಿಸಿ ಮಾತನಾಡಲಿದ್ದಾರೆ ಎಂದು ಶ್ವೇತಭವನ ತಿಳಿಸಿದೆ. ಅಮೆರಿಕಾದ ಪ್ರಥಮ ಮಹಿಳೆ ಜಿಲ್ ಬೈಡನ್ ಮತ್ತು ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಮತ್ತು ಅವರ ಪತಿ ಸಹ ಮೌನಾಚರಣೆ ಮತ್ತು ಶ್ರದ್ಧಾಂಜಲಿ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.