ಮುಂಬೈ: ಬಾಲಿವುಡ್ ಬಾದ್ಶಾ ಶಾರುಖ್ ಖಾನ್ ಹಾಗೂ ದೀಪಿಕಾ ಪಡುಕೋಣೆ ಜೋಡಿಯಾಗಿರುವ 'ಪಠಾಣ್' ಸಿನಿಮಾ ಮುಂದಿನ ವರ್ಷ ಜನವರಿಗೆ 25ಕ್ಕೆ ತೆರೆಗೆ ಬರಲಿದ್ದು, ಭಾನುವಾರ ಸಿನಿಮಾದ ಮೊದಲ ಪೋಸ್ಟರ್ ರಿಲೀಸ್ ಆಗಿದ್ದು, ಪೋಸ್ಟರ್ ನೋಡಿದ ಅಭಿಮಾನಿಗಳು ಇದನ್ನು ಹಾಲಿವುಡ್ನ ಇದ್ರಿಸ್ ಎಲ್ಬಾ ಅವರ ಬೀಸ್ಟ್ನ ಪೋಸ್ಟರ್ಗೆ ಹೋಲಿಕೆ ಇದೆ ಎಂದು ಕಮೆಂಟ್ ಮಾಡಿದ್ದಾರೆ.
ಪೋಸ್ಟರ್ನಲ್ಲಿ ಶಾರುಖ್ ಖಾನ್ ಕೈಯ್ಯಲ್ಲಿ ಶಾಟ್ಗನ್ ಹಿಡಿದು ಕ್ಯಾಮರಾಕ್ಕೆ ಬೆನ್ನು ಹಾಕಿ ಭಾಗಶಃ ಮುಖವನ್ನು ತಿರುಗಿಸಿ ನಿಂತಿದ್ದಾರೆ. ಇದು ಶಾರುಖ್ ಖಾನ್ ಅವರ ಲುಕ್ ಅನ್ನು ಬಹಿರಂಗ ಪಡಿಸಿದ ಮೊದಲ ಪೋಸ್ಟರ್. ಇತ್ತೀಚೆಗಷ್ಟೇ ಸಿನಿರಂಗದಲ್ಲಿ 30 ವರ್ಷಗಳನ್ನು ಪೂರೈಸಿರುವ ಶಾರುಖ್ ಖಾನ್ ನಾಲ್ಕು ವರ್ಷಗಳ ನಂತರ ತೆರೆ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಬಾದ್ಶಾ ಸಿನಿಮಾ ಬಿಡುಗಡೆಗೆ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.
ಅನೇಕ ಅಭಿಮಾನಿಗಳು ಪೋಸ್ಟರ್ ನೋಡಿ ಖುಷಿ ಪಟ್ಟರೂ, ಕೆಲ ನಟಿಜನ್ಸ್ ಕ್ಷಣ ಮಾತ್ರದಲ್ಲಿ ಹಾಲಿವುಡ್ ಬೀಸ್ಟ್ ಸಿನಿಮಾದ ಪೋಸ್ಟರ್ ಅನ್ನು ಕಾಪಿ ಮಾಡಲಾಗಿದೆ ಎಂದು ಕಮೆಂಟ್ಗಳ ಚಾಟಿ ಬೀಸಿದ್ದಾರೆ. ಇದ್ರಿಸ್ ಎಲ್ಬಾ ಅವರ ಬೀಸ್ಟ್ ಪೋಸ್ಟರ್ ಅನ್ನು ಮೊದಲು ಬಿಡುಗಡೆ ಮಾಡಲಾಗಿತ್ತು. ಈ ಪೋಸ್ಟರ್ನಲ್ಲೂ ಎಲ್ಬಾ ಅದೇ ಶೈಲಿಯಲ್ಲಿ ನಿಂತು ಕೈಯ್ಯಲ್ಲಿ ಚಾಕು ಹಿಡಿದುಕೊಂಡಿದ್ದಾರೆ. ಚಿತ್ರ ಈ ವರ್ಷ ಆಗಸ್ಟ್ 19 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ.
ಟ್ವಿಟರ್ನಲ್ಲಿ ಹಲವಾರು ಹ್ಯಾಷ್ಟ್ಯಾಗ್ಗಳು ಕ್ರಿಯೇಟ್ ಆಗಿದ್ದು, ಕೆಲವರು ಎರಡೂ ಪೋಸ್ಟರ್ಗಳನ್ನು ಸೂಕ್ಷ್ಮವಾಗಿ ನೋಡಿ ಅವುಗಳಲ್ಲಿ ತುಂಬಾ ವ್ಯತ್ಯಾಸಗಳಿವೆ ಎಂದು ನಟ ಹಾಗೂ ನಿರ್ದೇಶಕ ಸಿದ್ಧಾರ್ಥ್ ಆನಂದ್ ಅವರ ಪರವಾಗಿ ಮಾತನಾಡಿದ್ದಾರೆ. ಶಾರುಖ್ ಮರು ಎಂಟ್ರಿಯಾಗಿದೆ. ಇದು ಬೀಸ್ಟ್ ಸಿನಿಮಾದ ರೀಮೇಕ್ ಅಲ್ಲ ಎಂದು ನಂಬುತ್ತೇನೆ ಎಂದು ಟ್ವೀಟ್ ಮಾಡಿದ್ದಾರೆ.
ಮತ್ತೊಬ್ಬರು, ಬಾಲಿವುಡ್ ತನ್ನ ಸೃಜನಶೀಲತೆಯನ್ನು ಸಂಪೂರ್ಣವಾಗಿ ಕಳೆದುಕೊಂಡಿದೆ. ಇದು ಸಂಗೀತವನ್ನು, ಅಂದರೆ ಹಳೆಯ ಹಾಡುಗಳನ್ನು ಮರುಸೃಷ್ಟಿಸುವುದು ಮತ್ತು ರಿಮಿಕ್ಸ್ ಮಾಡುವುದರಿಂದ ಪ್ರಾರಂಭವಾಗಿತ್ತು. ಈಗ ರೀಮೇಕ್ ಪೋಸ್ಟರ್ ಪರಿಕಲ್ಪನೆಯನ್ನು ನಕಲು ಮಾಡುವಲ್ಲಿಗೆ ಬಂದಿದೆ ಎಂದು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ : ಮತ್ತೆ ತೆರೆ ಹಂಚಿಕೊಳ್ಳಲಿರುವ ದೀಪಿಕಾ - ರಣಬೀರ್ ಕಪೂರ್
