ಬೆಂಗಳೂರು: ಉತ್ತಮ ಸಿನಿಮಾಗಾಗಿ ಕಾಯುತ್ತಿರುವ ಸಿನಿ ಪ್ರಿಯರಿಗೆ ಸೆಪ್ಟೆಂಬರ್ ಮನೋರಂಜನೆ ಮಾಸವಾಗಿರಲಿದೆ. ಅದರಲ್ಲೂ ಇನ್ನಷ್ಟು ಕ್ರೇಜ್ ಬರಲು ಕಾರಣ ಬಾಲಿವುಡ್ನ ಕಿಂಗ್ ಖಾನ್ ಶಾರುಖ್ ಖಾನ್ ಅವರ ಬಹು ನಿರೀಕ್ಷಿತ ಚಿತ್ರ 'ಜವಾನ್' ಹಾಗೂ ಪ್ರಭಾಸ್ ಅಭಿನಯದ 'ಸಲಾರ್' ಚಿತ್ರ ಇದೇ ತಿಂಗಳು ಬಿಡುಗಡೆಯಾಗುತ್ತಿದೆ. ಈ ಎರಡು ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಿದ್ದು, ಅಡ್ವಾನ್ಸ್ ಬುಕ್ಕಿಂಗ್ ನಡೆಸಿದ್ದು, ಸಲಾರ್ ಚಿತ್ರಕ್ಕೆ ಜವಾನ್ಗಿಂತ ಹೆಚ್ಚಿನ ಬುಕ್ಕಿಂಗ್ ಆಗಿರುವುದು ಗಮನ ಸೆಳೆದಿದೆ. ವರದಿಗಳ ಪ್ರಕಾರ, ಆಗಸ್ಟ್ 28ರವರೆಗೆ 'ಜವಾನ್' ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ನಿಂದ ಸಂಗ್ರಹವಾದ ಮೊತ್ತ 200,000 ಡಾಲರ್ ಆಗಿದೆ.
- " class="align-text-top noRightClick twitterSection" data="">
'ಜವಾನ್' ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ 450 ಸ್ಥಳಗಳಲ್ಲಿ ಲಭ್ಯವಿರುವುದು ಕೂಡ ಗಮನಿಸಬೇಕಾದ ವಿಷಯವಾಗಿದೆ. ಇನ್ನು 'ಸಲಾರ್' ಚಿತ್ರ ಕೂಡ ಈಗಾಗಲೇ 40,000 ಡಾಲರ್ ಮೊತ್ತದ ಅಡ್ವಾನ್ ಬುಕ್ಕಿಂಗ್ ನಡೆಸುವ ಮೂಲಕ ಹೊಸ ಮೈಲಿಗಲ್ಲು ಸಾಧಿಸಿದೆ. ಜವಾನ್ ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ ಭಾರತದಲ್ಲಿ ಮಾತ್ರ ಆರಂಭವಾಗಿದ್ದು, ಈ ಬುಕ್ಕಿಂಗ್ನ ಸ್ವಷ್ಟ ಮಾಹಿತಿ ಕುರಿತು ಇನ್ನೂ ಕೂಡ ಚಿತ್ರತಂಡ ತಿಳಿಸಿಲ್ಲ.
ತಮಿಳು ನಿರ್ದೇಶಕ ಅಟ್ಲಿ ಅವರ ನಿರ್ದೇಶನ 'ಜವಾನ್' ಈಗಾಗಲೇ ಭಾರತದಲ್ಲೆಡೆ ಹವಾ ಸೃಷ್ಟಿಸಿದೆ. ಶಾರುಖ್ ಖಾನ್ ವಿಭಿನ್ನವಾಗಿ ಈ ಚಿತ್ರದಲ್ಲಿ ಕಂಗೊಳಿಸಿದ್ದು, ದಕ್ಷಿಣ ಭಾರತದ ಪ್ರಮುಖ ನಟ ನಟಿಯರಾಗಿರುವ ನಯನತಾರ, ವಿಜಯ್ ಸೇತುಪತಿ ಇದೇ ಮೊದಲ ಬಾರಿಗೆ ಬಾಲಿವುಡ್ನಲ್ಲಿ ಮಿಂಚು ಹರಿಸಿದ್ದಾರೆ. ಇದರ ಜೊತೆಗೆ ಪ್ರಿಯಾ ಮಣಿ, ಸಾನ್ಯಾ ಮಲ್ಹೋತ್ರಾ, ರಿದ್ದಿ ಡೊಗ್ರಾ ಕೂಡ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಗೌರವ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ, ಸಂಜಯ್ ದತ್ ಮತ್ತು ವಿಜಯ್ ನಟನೆ ಚಿತ್ರದ ಮತ್ತೊಂದು ಹೈಲೈಟ್ ಆಗಿದೆ.
- " class="align-text-top noRightClick twitterSection" data="">
ಚಿತ್ರ ಬಿಡುಗಡೆ ನಿರೀಕ್ಷೆ ಹೆಚ್ಚಿರುವ ನಡುವೆ 'ಜವಾನ್' ಚಿತ್ರತಂಡ ಚೆನ್ನೈನಲ್ಲಿ ದೊಡ್ಡ ಮಟ್ಟದಲ್ಲಿ ಹಾಡುಗಳ ಬಿಡುಗಡೆ ಕಾರ್ಯಕ್ರಮ ಮಾಡುತ್ತಿದೆ. ಇದೇ ಆಗಸ್ಟ್ 30ರಂದು ಈ ಕಾರ್ಯಕ್ರಮ ನಡೆಯಲಿದೆ. ಈ ಚಿತ್ರ ಸೆಪ್ಟೆಂಬರ್ 7ರಂದು ಪ್ರಪಂಚದಾದ್ಯಂತ ಬಿಡುಗಡೆಯಾಗಲಿದೆ.
ಇನ್ನು 'ಕೆಜಿಎಫ್' ಬಳಿಕ ನಿರ್ದೇಶಕ ಪ್ರಶಾಂತ್ ನೀಲ್ ಅವರ 'ಸಲಾರ್' ಚಿತ್ರ ವೀಕ್ಷಣೆಗೆ ಜನರು ತುದಿಗಾಲಲ್ಲಿ ಕಾದಿದ್ದಾರೆ. ಪ್ರಭಾಸ್ ಅವರ ಈ ಹಿಂದಿನ 'ಆದಿಪುರುಷ್' ಮತ್ತು 'ರಾಧೆ ಶ್ಯಾಮ್' ಹೇಳಿಕೊಳ್ಳುವಂತಹ ಯಶಸ್ಸು ತಂದುಕೊಡದ ಹಿನ್ನೆಲೆ ಈ ಚಿತ್ರ ನಟನಿಗೂ ಕೂಡ ದೊಡ್ಡ ಬ್ರೇಕ್ ನೀಡುವ ಸಿನಿಮಾಗಲಿದೆ. ಸಲಾರ್ನಲ್ಲಿ ನಟ ಪ್ರಭಾಸ್ಗೆ ಶೃತಿ ಹಾಸನ್ ಜೊತೆಯಾಗಿದ್ದು, ಈ ಚಿತ್ರ ಇದೇ ಸೆಪ್ಟೆಂಬರ್ 28ಕ್ಕೆ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: Not Ramaiya Vastavaiya: 'ಜವಾನ್'ನ ಮತ್ತೊಂದು ಹಾಡು ಅನಾವರಣ - ಸಿನಿಮಾ ಬಿಡುಗಡೆಗೆ ಕುತೂಹಲ
