ಅಬ್ಬಬ್ಬಾ! ಒಂದು ಚಿತ್ರಕ್ಕೆ ಇಷ್ಟೊಂದು ಹಣ? ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯನಟ ಯಾರು ಗೊತ್ತೇ?

Highest Paid comedian: ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯ ನಟರ ಸಾಲಿನಲ್ಲಿ ಹಾಲಿವುಡ್ ಹಾಸ್ಯನಟ 'ಜಿಮ್ ಕ್ಯಾರಿ' ಮೊದಲಿಗರು.

ಸಿನಿಮಾ ನಟರು ತಮ್ಮ ಕ್ರೇಜ್​ಗೆ ತಕ್ಕಂತೆ ಸಂಭಾವನೆ ಪಡೆಯುತ್ತಾರೆ. ಸಾಮಾನ್ಯವಾಗಿ ನಾಯಕ ನಟರಿಗೆ ಸ್ಪಲ್ಪ ಹೆಚ್ಚೇ ದುಡ್ಡು ಸಿಗುತ್ತದೆ. ಆದರೆ ನಾಯಕಿಯರಿಗೆ ಸಿಗುವ ಸಂಭಾವನೆ ಕೊಂಚ ಕಡಿಮೆಯೇ. ಇನ್ನು ಹಾಸ್ಯ ಕಲಾವಿದರ ಬಗ್ಗೆ ಹೇಳಬೇಕೆಂದಿಲ್ಲ. ಅವರು ಮತ್ತೂ ಕಡಿಮೆ ಸಂಖ್ಯೆಯಲ್ಲಿ ಹಣ ಪಡೆದುಕೊಳ್ಳುತ್ತಾರೆ. ಆದರೆ ಒಬ್ಬ ಕಾಮಿಡಿಯನ್​ ಒಂದೇ ಸಿನಿಮಾಗೆ ಭಾರತೀಯ ಎಲ್ಲಾ ನಟ- ನಟಿಯರಿಗಿಂತ ಹೆಚ್ಚು ಸಂಭಾವನೆ ತೆಗೆದುಕೊಳ್ಳುತ್ತಿದ್ದಾರೆ.

ಹೌದು, ಹಾಲಿವುಡ್​ ತಾರೆಯರು ಭಾರತೀಯ ಸಿನಿಮಾ ನಟರಿಗಿಂತ ಹೆಚ್ಚು ಸಂಭಾವನೆ ಪಡೆಯುತ್ತಾರೆ ಎಂಬುದು ನಮಗೆಲ್ಲರಿಗೂ ಈಗಾಗಲೇ ತಿಳಿದಿದೆ. ಆದರೆ ವಿಶ್ವದಾದ್ಯಂತ ಭಾರತೀಯ ಸಿನಿಮಾಗಳಿಗೆ ಹೆಚ್ಚುತ್ತಿರುವ ಕ್ರೇಜ್​ನಿಂದಾಗಿ ಶಾರುಖ್​ ಖಾನ್​, ಅಮೀರ್​ ಖಾನ್​, ಪ್ರಭಾಸ್​, ದಳಪತಿ ವಿಜಯ್, ರಜನಿಕಾಂತ್​​ ಇವರಂತಹ ನಟರು ಈ ಅಂತರವನ್ನು ಕಡಿಮೆ ಮಾಡಿದ್ದಾರೆ. ಒಂದು ಕಾಲದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರ ಪಟ್ಟಿಯಲ್ಲಿ ಅಮೀರ್​ ಖಾನ್​ ಮುಂಚೂಣಿಯಲ್ಲಿದ್ದರು.

• Happy Birthday Jim Carrey: Check his iconic comedy flicks
  
  Read @ANI Story | https://t.co/1hQhUtIZ32#JimCarrey #comedian #Hollywood #birthday pic.twitter.com/rFc0tKH5Xa

  — ANI Digital (@ani_digital) January 17, 2023 " class="align-text-top noRightClick twitterSection" data="

  Happy Birthday Jim Carrey: Check his iconic comedy flicks
  
  Read @ANI Story | https://t.co/1hQhUtIZ32#JimCarrey #comedian #Hollywood #birthday pic.twitter.com/rFc0tKH5Xa

  — ANI Digital (@ani_digital) January 17, 2023

  ">

  Happy Birthday Jim Carrey: Check his iconic comedy flicks
  
  Read @ANI Story | https://t.co/1hQhUtIZ32#JimCarrey #comedian #Hollywood #birthday pic.twitter.com/rFc0tKH5Xa

  — ANI Digital (@ani_digital) January 17, 2023

ಆದರೆ ಈ ವಿಚಾರವನ್ನು ಹಾಲಿವುಡ್​ಗೆ ಹೋಲಿಸಿದರೆ, ನಮ್ಮ ದೇಶದ ಚಿತ್ರರಂಗದ ನಟರ ಸಂಭಾವನೆ ಇನ್ನೂ ಕಡಿಮೆ. ಹಾಸ್ಯ ನಟರದ್ದು ಮತ್ತೂ ಕಡಿಮೆ. ಆದರೆ ಇಲ್ಲೊಬ್ಬ ಹಾಸ್ಯನಟ ಭಾರತೀಯ ಚಿತ್ರರಂಗದ ಎಲ್ಲಾ ಸ್ಟಾರ್​ ನಟರಿಗಿಂತಲೂ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರೆ. ಅವರು ಹಾಲಿವುಡ್ ಹಾಸ್ಯನಟ 'ಜಿಮ್ ಕ್ಯಾರಿ'. ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯ ನಟರ ಸಾಲಿನಲ್ಲಿ ಇವರು ಮೊದಲಿಗರಾಗಿದ್ದಾರೆ.

ನಂ.1 ಹಾಸ್ಯನಟ: 2008 ರಲ್ಲಿ ಜಿಮ್​ ಕ್ಯಾರಿ ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯನಟರಾದರು. ಎರಡು ದಶಕಗಳಿಂದ ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಹಾಸ್ಯನಟ ಎಂದು ಗುರುತಿಸಿಕೊಂಡಿದ್ದಾರೆ. 1990ರ ದಶಕದಲ್ಲಿ 'ದಿ ಮಾಸ್ಕ್​' ಮತ್ತು 'ಲೈಯರ್​ ಲೈಯರ್'​ನಂತಹ ಚಿತ್ರಗಳು ಯಶಸ್ವಿಯಾದವು. ಅವುಗಳು ಮಿಲಿಯನ್​ ಡಾಲರ್​ ಲೆಕ್ಕಾಚಾರದಲ್ಲಿ ಕಲೆಕ್ಷನ್​ ಮಾಡಿತು. ಜಿಮ್​ ಕ್ಯಾರಿ ಅವರು ಬ್ರೂಸ್​ ಆಲ್​ಮೈಟಿ ಚಿತ್ರದ ಮೂಲಕ ಹಾಲಿವುಡ್​ಗೆ ಪಾದಾರ್ಪಣೆ ಮಾಡಿದರು.

ಇದನ್ನೂ ಓದಿ: ಅಬ್ಬಬ್ಬಾ! 2 ನಿಮಿಷದ ಹಾಡಿಗೆ 2 ಕೋಟಿ ರೂ. ಸಂಭಾವನೆ.. 'ಐರಾವತ' ಬೆಡಗಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡ್​ ​!!

2008 ರಲ್ಲಿ ತೆರೆಕಂಡ 'ಯೆಸ್​ ಮ್ಯಾನ್'​ ಚಿತ್ರಕ್ಕೆ ಇವರು 35 ಮಿಲಿಯನ್​ ಡಾಲರ್​ (ಸುಮಾರು 285 ಕೋಟಿ ರೂಪಾಯಿ) ಸಂಭಾವನೆ ತೆಗೆದುಕೊಂಡಿದ್ದಾರೆ. ಇತ್ತೀಚೆಗೆ ಕೊಂಚ ಕಡಿಮೆಯಾದರೂ, ಜಿಮ್​ ಕ್ಯಾರಿ ಒಂದೇ ಚಿತ್ರದಿಂದ 15 ರಿಂದ 20 ಮಿಲಿಯನ್​ ಡಾಲರ್ (130 ರಿಂದ 160 ಕೋಟಿ ರೂಪಾಯಿ) ಸಂಪಾದಿಸುತ್ತಾರೆ. 2008 ರಲ್ಲಿ ಇವರು ಒಂದು ಚಿತ್ರಕ್ಕೆ 35 ಮಿಲಿಯನ್​ ಡಾಲರ್​ ತೆಗೆದುಕೊಳ್ಳುತ್ತಿದ್ದರು. ವಿಲ್​ ಸ್ಮಿತ್​ ನಟನೆಯ 2021ರಲ್ಲಿ ಬಿಡುಗಡೆಯಾದ 'Emancipation' ಚಿತ್ರಕ್ಕೆ ಇವರು 30 ಮಿಲಿಯನ್​ (ಸುಮಾರು 248.17 ಕೋಟಿ ರೂಪಾಯಿ) ತೆಗೆದುಕೊಂಡಿದ್ದಾರೆ. ಅದೇ ವರ್ಷ ತೆರೆಕಂಡ ಬ್ರಾಡ್​ ಪಿಟ್​ ಅವರ 'ಓಶಿಯನ್ಸ್ ಇಲೆವೆನ್ ಬ್ಯಾಕ್' ಸಿನಿಮಾಗೂ ಅಷ್ಟೇ ಸಂಭಾವನೆ ಪಡೆದುಕೊಂಡಿದ್ದಾರೆ.

ನಮ್ಮ ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಜನರಲ್ಲಿ ತಮಿಳು ನಟ ದಳಪತಿ ವಿಜಯ್​ ಮೊದಲ ಸ್ಥಾನದಲ್ಲಿದ್ದಾರೆ. ಸದ್ಯ ಅವರು ಲಿಯೋ ಚಿತ್ರಕ್ಕಾಗಿ 200 ಕೋಟಿ ರೂಪಾಯಿ ಪಡೆಯುತ್ತಿದ್ದಾರೆ ಎಂದು ವರದಿಯಾಗಿದೆ. ಅಲ್ಲದೇ, ಶಾರುಖ್​ ಖಾನ್​, ಸಲ್ಮಾನ್​ ಖಾನ್​, ಪ್ರಭಾಸ್​ ಮುಂತಾದ ನಟರು ಕೆಲವೊಮ್ಮೆ ಒಂದೇ ಚಿತ್ರಕ್ಕೆ 120 ರಿಂದ 150 ಕೋಟಿ ರೂಪಾಯಿ ಪಡೆಯುತ್ತಿದ್ದಾರೆ ಎನ್ನಲಾಗಿದೆ. ಅಮೀರ್​ ಖಾನ್​ ಮತ್ತು ರಜನಿಕಾಂತ್​ ಅಂತಹವರು ಕೂಡ ಪ್ರತಿ ಚಿತ್ರಕ್ಕೆ 100 ಕೋಟಿ ರೂಪಾಯಿಗೂ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರೆ ಎಂದು ವರದಿಯಾಗಿದೆ.

ಇದನ್ನೂ ಓದಿ: ರಜನಿಕಾಂತ್‌ ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಸಿನಿಮಾ ನಟ: ಎಷ್ಟು ಕೋಟಿ ಗೊತ್ತೇ?