ಲೆಂಜೆಂಡರಿ ಆ್ಯಕ್ಟರ್ ಅಮಿತಾಭ್ ಬಚ್ಚನ್ ನಿನ್ನೆ 81ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ಬಾಲಿವುಡ್ ಹಿರಿಯ ನಟನಿಗೆ ಎಲ್ಲೆಡೆಯಿಂದ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ. ಜನಪ್ರಿಯ ನಟನ ನಿವಾಸದೆದುರು ಜನಸಾಗರವೇ ಹರಿದುಬಂದಿತ್ತು. ಪ್ರೀತಿಯ ಧಾರೆಯೆರೆದ ಅಭಿಮಾನಿಗಳಿಗೆ ಬಿಗ್ ಬಿ ಇದೀಗ ಧನ್ಯವಾದ ಸಮರ್ಪಿಸಿದ್ದಾರೆ.
ಬಿಗ್ ಬಿ ಬರ್ತ್ ಡೇ ಸೆಲೆಬ್ರೇಶನ್: ವಿಶೇಷ ದಿನವನ್ನು ಆಚರಿಸಲು ಅಭಿಮಾನಿಗಳು ನಟ ಅಮಿತಾಭ್ ಬಚ್ಚನ್ ಅವರ ಮುಂಬೈನ ಮನೆ 'ಜಲ್ಸಾ'ದ ಗೇಟ್‌ ಎದುರು ಬಂದು ಸೇರಿದ್ದರು. ಕೇಕ್ ಮತ್ತು ಉಡುಗೊರೆಗಳೊಂದಿಗೆ ಹೆಚ್ಚಿನ ಸಂಖ್ಯೆಯ ಜನರು ಜಮಾಯಿಸಿದ್ದರು. ಬಿಗ್ ಬಿ ಸೂಪರ್ ಹಿಟ್ ಸಿನಿಮಾಗಳ ಪಾತ್ರಗಳನ್ನು ಅಭಿಮಾನಿಗಳು ಪುನರಾವರ್ತಿಸಿದರು. ಅಮಿತಾಭ್ ಅವರಂತೆ ರೆಡಿಯಾಗಿ ಬಂದ ಅಭಿಮಾನಿಗಳ ವಿಡಿಯೋ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಅಭಿಮಾನಿಗಳಿಗೆ ಹೃದಯಸ್ಪರ್ಶಿ ಬರಹ: ಬಿಗ್ ಬಿ ಕೂಡ ಮನೆ ಬಳಿ ಬಂದ ಅಭಿಮಾನಿಗಳಿಗೆ ದರ್ಶನ ಕೊಟ್ಟಿದ್ದರು. ಮಂಗಳವಾರ ರಾತ್ರಿ ಕೂಡ ಅಭಿಮಾನಿಗಳೆದುರು ಹಾಜರಾಗಿದ್ದರು ಅಮಿತಾಭ್. ಇಂದು ಹಿರಿಯ ನಟ ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳಿಗೆ ಕೃತಘ್ಞತೆ ಸಲ್ಲಿಸುವ ಹೃದಯಸ್ಪರ್ಶಿ ಬರಹವೊಂದನ್ನು ಹಂಚಿಕೊಂಡಿದ್ದಾರೆ.
ಬಿಗ್ ಬಿ ಪೋಸ್ಟ್: 81ನೇ ಬರ್ತ್ ಡೇ ಸೆಲೆಬ್ರೇಶನ್ ಮಾಡಿಕೊಂಡಿರುವ ಬಿಗ್ ಬಿ ಇಂದು ಮುಂಜಾನೆ ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಅಭಿಮಾನಿಗಳತ್ತ ನಿಂತು ಕೈ ಮುಗಿಯುತ್ತಿರುವ ಅರ್ಥಪೂರ್ಣ ಫೋಟೋ ಒಂದನ್ನು ಶೇರ್ ಮಾಡಿದ್ದಾರೆ. ಜೊತೆಗೆ ತಮ್ಮ ಮೇಲೆ ಪ್ರೀತಿ ವ್ಯಕ್ತಪಡಿಸಿದ ಅಭಿಮಾನಿಗಳು, ಹಿತೈಷಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ. ಅಭಿಮಾನಿಗಳಿಂದ ಸ್ವೀಕರಿಸುತ್ತಿರುವ ಪ್ರೀತಿ - ಬೆಂಬಲಕ್ಕಾಗಿ ನಾನು ಆಶೀರ್ವದಿಸಲ್ಪಟ್ಟಿದ್ದೇನೆ. ಯಾವುದನ್ನೂ ಮರುಪಾವತಿ ಮಾಡಲು ಸಾಧ್ಯವಿಲ್ಲ ಎಂದು ಬಿಗ್ ಬಿ ಬರೆದುಕೊಂಡಿದ್ದಾರೆ..
ಇದನ್ನೂ ಓದಿ: ಸೌಂದರ್ಯದ ಪ್ರತಿರೂಪ ನಟಿ ತಮನ್ನಾ : ಸ್ಟೈಲಿಶ್ ಸೀರೆಯುಟ್ಟ ಹಾಲ್ಗೆನ್ನೆ ಚೆಲುವೆಯ ಬೆಡಗು ಭಿನ್ನಾಣ
ಬಿಗ್ ಬಿ ಹಂಚಿಕೊಂಡಿರುವ ಕೊಲಾಜ್ ಫೋಟೋದಲ್ಲಿ, ''ಹ್ಯಾಪಿ ಬರ್ತ್‌ಡೇ ಶ್ರೀ. ಅಮಿತಾಭ್ ಬಚ್ಚನ್ ಸರ್" ಎಂದು ಬರೆದಿರುವ ಉದ್ದನೆಯ ಬ್ಯಾನರ್‌ನೊಂದಿಗೆ ಅವರ ನೂರಾರು ಅಭಿಮಾನಿಗಳು ನಟನ ನಿವಾಸದ ಹೊರಗೆ ಸಾಲುಗಟ್ಟಿ ನಿಂತಿರುವುದನ್ನು ಕಾಣಬಹುದು. ನಟ ಅಮಿತಾಭ್ ಬಚ್ಚನ್ ಸಾಂಪ್ರದಾಯಿಕ ಉಡುಪಿನಲ್ಲಿ ಬಂದು ವೇದಿಕೆ ಮೇಲೆ ನಿಂತು ಅಭಿಮಾನಿಗಳಿಗೆ ಕೈಮುಗಿಯುತ್ತಿರುವುದನ್ನೂ ಸಹ ಈ ಕೊಲಾಜ್ ಫೋಟೋದಲ್ಲಿ ಕಾಣಬಹುದು. ಅಭಿಮಾನಿಗಳು ತಮ್ಮ ಮೊಬೈಲ್ ಫೋನ್‌ಗಳಲ್ಲಿ ನಟ ಅಭಿತಾಭ್ ಬಚ್ಚನ್ ಅವರ ಫೋಟೋ ಕ್ಲಿಕ್ಕಿಸುತ್ತಿರುವುದು ಈ ಫೋಟೋದಲ್ಲಿದೆ.
ಇದನ್ನೂ ಓದಿ: 5 ದಶಕದಲ್ಲಿ 200ಕ್ಕೂ ಹೆಚ್ಚು ಚಿತ್ರ: ಎವರ್ಗ್ರೀನ್ ಸ್ಟಾರ್ ಅಮಿತಾಭ್ ಬಚ್ಚನ್ ಮುಂದಿನ ಸಿನಿಮಾಗಳಿವು
81ರ ಹರೆಯದಲ್ಲೂ ಬಿಗ್ ಬಿ ಸಿನಿಮಾಗಳಲ್ಲಿ ಸಕ್ರಿಯರಾಗಿದ್ದಾರೆ. ಆ್ಯಕ್ಷನ್ ಥ್ರಿಲ್ಲರ್ ಗಣಪತ್‌ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲು ರೆಡಿಯಾಗಿದ್ದಾರೆ. ವಿಕಾಸ್ ಬಹ್ಲ್ ನಿರ್ದೇಶನದ ಈ ಚಿತ್ರದಲ್ಲಿ ಟೈಗರ್ ಶ್ರಾಫ್ ಮತ್ತು ಕೃತಿ ಸನೋನ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಇದೇ ಅಕ್ಟೋಬರ್ 20ರಂದು ಥಿಯೇಟರ್‌ಗಳಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ. ಅಲ್ಲದೇ ಇಂಡಿಯನ್ ಸಿನಿಮಾ ಹಿಸ್ಟರಿಯಲ್ಲೇ ಬಿಗ್ ಬಜೆಟ್ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಕಲ್ಕಿ 2898 ಎಡಿ ಸೇರಿದಂತೆ ಮೂರ್ನಾಲ್ಕು ಸಿನಿಮಾಗಳು ಅಮಿತಾಭ್ ಬಚ್ಚನ್ ಕೈಯಲ್ಲಿದೆ.
